ادام ءولتىردى دەگەن كۇدىكپەن الماتىنىڭ 44 جاستاعى تۇرعىنى ۇستالدى. ول قاراساي اۋدانىندا 2 جىلدان بەرى تىركەۋدە تۇرعان. بۇل تۋرالى Qamshy.kz اقپارات اگەنتتىگى الماتى وبلىستىق ىىد-ىنە سىلتەمە جاساپ حابارلايدى.
2015 جىلدىڭ 23 قىركۇيەگىندە قاراساي اۋدانىنداعى ساياجايلاردىڭ بىرىندە جاس جىگىتتىڭ ءولى دەنەسى تابىلعان. جەدەل ىزدەستىرۋ شارالارى بارىسىندا ادام ولىمىنە قاتىستى ءۇش كۇدىكتى انىقتالعان. ونىڭ ەكەۋى ۇستالىپ، ءۇشىنشىسى سىتىلىپ ۇلگەرگەن.
«كۇدىكتىنى ىزدەۋ بارىسىندا اۋداننىڭ قىلمىستىق-تەرگەۋ ءبولىمى تۇگەل جۇمىلدىرىلدى. ناتيجەسىندە 29 جەلتوقسان كۇنى ادام ولىمىنە قاتىسى بار ءۇشىنشى قىلمىسكەر الماتى پاتەرلەرىنىڭ بىرىنەن تابىلدى. قازىرگى ۋاقىتتا ول قاراساي اۋداندىق ىشكى ىستەر باسقارماسىنىڭ تەرگەۋ بولىمىندە وتىر»، - دەلىنگەن وبلىستىق پوليسيا حابارلاماسىندا.
قىلمىستىق تەرگەۋ ق ر قىلمىستىق كودەكسىنىڭ 99-بابىنىڭ 2-تارماعىنا سايكەس ءجۇرىپ جاتىر. قىلمىسكەر قاماۋعا الىندى.
