ءانشى قايرات نۇرتاس تۇركياعا گاسترولدىك ساپارمەن اتتانباق، دەپ حابارلايدى Qamshy.kz اقپارات اگەنتتىگى 24.kz ارناسىنا سىلتەمە جاساپ.
ول تۇرىك حالقىنا ارناپ قۇرماش ماحانوۆتىڭ "اڭسارىم" ءانىن ورىنداماق. قايرات نۇرتاس "گاككۋ" ارناسىنا بەرگەن سۇحباتىندا اتالعان ءاندى تۇرىك تىلىندە ورىندايتىعىن ءارى بەينەبايان تۇسىرەتىندىگىن ايتتى. ال بەينەبايان سيۋجەتىن قۇپيا ساقتاۋدى ءجون ساناعان ەكەن. ال تۇسىرىلىمدەر جاقىن ارادا باستالۋى ءتيىس.
"قۇداي قالاسا، شەت مەملەكەتكە، تۇركياعا ساپارعا شىعامىن. سوندا ءوز ونەرىمدى كورسەتەمىن، پاش ەتەمىن دەگەن ويىم بار. ءانشى قۇرماش ماحانوۆ اعامىزدىڭ "اڭسارىم" اتتى ءانىن تۇرىك تىلىنە اۋدارىپ، ورىنداپ شىعامىن جانە تۇرىكشە بەينەبايان تۇسىرمەكشىمىن. بەينەباياننىڭ سيۋجەتى دايىن، ونى ايتۋعا بولمايدى. قۇپيا"، – دەيدى ءانشى ءوزىنىڭ سۇحباتىندا.
