جوعارى وقۋ ورنىنا اقىلى تۇردە ءتۇسۋدىڭ بالامالى نۇسقاسىن ەنگىزۋ ساپانىڭ تومەندەۋىنە الىپ كەلەدى. بۇل تۋرالى Qamshy.kz اقپارات اگەنتتىگى قازاقپاراتقا سىلتەمە بەرە وتىرىپ جازادى. 

«اق جول» پارتياسىنان تالاپكەرلەرگە جوعارى وقۋ ورنىنا ءتۇسۋ ءۇشىن ۇلتتىق ءبىرىڭعاي تەستىلەۋدەن باسقا بالامالى نۇسقا ەنگىزۋ تۋرالى ۇسىنىس جولداندى. بۇل ۇسىنىس «اق جول» جانە «نۇر وتان» پارتيالارىنىڭ ق ر پارلامەنتى ءماجىلىسى دەپۋتاتتارىنىڭ قاتىسۋىمەن ءبىلىم جانە عىلىم، بالالار قۇقىعىن قورعاۋ ماسەلەلەرى جونىندەگى قوعامدىق كەڭەستە بىرنەشە رەت قاراستىرىلدى»، - دەپ اتاپ وتىلگەن ق ر بع مينيسترلىك مالىمەتىندە.

وسى ورايدا ق ر بعم بۇل ۇسىنىس پەداگوگيكالىق جانە اتا-انالار قوعامىمەن دە جان-جاقتى تالقىلانعانىن، قوعامنىڭ كوزقاراسى ءبىرماندى ەمەستىگىن حابارلادى. «قوعامنىڭ كوزقاراسى بويىنشا جوعارى وقۋ ورنىنا اقىلى تۇردە ءتۇسۋدىڭ بالامالى نۇسقاسىن ەنگىزۋ ساپانىڭ تومەندەۋىنە اكەلىپ سوعادى. وسىعان بايلانىستى الداعى 2018 جىلى ۇبت-نىڭ جوعارى وقۋ ورنىنا تۇسۋگە ارنالعان قازىرگى فورماتى ساقتالاتىن بولادى»، - دەلىنگەن ۆەدومستۆو حابارلاماسىندا.

بۇدان بۇرىن حابارلانعانداي، «اق جول» پارتياسى ەلىمىزدىڭ جوعارى وقۋ ورىندارىنىڭ اقىلى بولىمىنە تۇسەتىندەر ءۇشىن ۇلتتىق ءبىرىڭعاي تەستىلەۋدى الىپ تاستاۋ تۋرالى باستاما كوتەرگەن بولاتىن.