ونەر، شىعارماشىلىق ادامعا ۋاقىتشا بولسا دا شىنايى ءومىردى ۇمىتىپ قيال عاجايىپ الەمىنە ەنۋگە مۇمكىندىك بەرەدى. ءولىم جازاسىنا كەسىلگەندەر ءۇشىن ونىڭ ورنى ەرەكشە. ءوز ءولىمىن كۇتىپ وتىرعاندار ءۇشىن ونەر – ءوزىن تابۋدىڭ ءبىر جولى ىسپەتتەس. ءولىم جازاسىنا كەسىلگەندەردىڭ كەيبىر ەڭبەكتەرى وتە ءساتتى شىققان. سونداي تالانتتاردىڭ ءبىرى ميۋران سۋكۋمارانا. ونى اۆستراليانىڭ سيدنەي قالاسىندا ءولىم جازاسىنا كەسكەن. ميۋراننىڭ ەڭبەكتەرى «جۇماقتاعى ءبىر كۇن» كورمەسىندە قويىلدى.

مەلاني گۋدۆيننىڭ ىشىندە بىرنەشە ادام قاتار ءومىر ءسۇرىپ جاتقانداي. مەلاني كەيدە ءۇش جاستاعى قىزعا اينالادى. ول ۋاقىتتا 4 جاستاعى مەلاني ويىنشىقپەن وينايدى. كەيدە 16-داعى قىزداي جۇرەدى. بۇل كۇندەرى مەلاني ءوز كولىگىمەن ەمەس ۆەلوسيپەدپەن كەرەكتى جەرىنە بارادى. سەبەبى كولىكتى جۇرگىزە الماي قالادى.

مەلاني ءتۇرلى جاستاعى ادام بولىپ شىعا كەلەدى. ەڭ قىزىعى ءدال سول جاستاعى سۇرگەن ءومىرى ونىڭ ەسىندە قالماعان. ۋاقىت وتە كەلە مەلانيا بالا كەزىندە زورلىقتى باستان وتكەرگەنى ەسىنە تۇسكەن.

«مەنىڭ ىشىمدە 9 ءتۇرلى ادام ءومىر سۇرەدى. ولاردىڭ جاسى ءارتۇرلى. ىشىمدەگى ادامداردىڭ ءارقايسىسى ءوز دەگەنىمەن جۇرگىسى كەلەدى جانە بالا كەزدەگى اۋىر جاعدايدى ەسىنە العىسى كەلمەيدى» دەدى مەلاني.

ااحەنەدەگى ادام گەنەتيكا ينستيتۋتىنىڭ (گەرمانيا) پروفەسسورى ينگو كۋرتانىڭ ەرەكشە ەمدەلۋشىسى بار. ونىڭ ەسىمى ستەفان بەتس. جاسى 21-دە. ستەفان ەشقانداي اۋرۋدى سەزبەيدى. وعان ناركوز نەمەسە اۋرۋدى باساتىن ءدارىسىز-اق وتا جاساي بەرۋگە بولادى. سەبەبى پىشاق ستەفانعا ەشقانداي اۋىرلىق سەزىمىن تۋدىرمايدى. دەسەك تە، ستەفان باسقا ادامدار سەكىلدى سۋىقتا توڭادى، ىستىقتا تەرلەيدى.

ستەفاننىڭ اتا-اناسى مەن باۋىرلارىندا مۇنداي ەرەكشەلىككە يە ەمەس. اناسىنىڭ ايتۋىنشا، ستەفان 5 جاسىندا ءتىلىنىڭ ۇشىن تىستەپ تۇرىپ ەشتەڭەنى سەزبەگەن. وسىدان كەيىن اتا-اناسى ونى دارىگەرگە كورسەتتى. تەكسەرۋ ناتيجەسىندە سول كەزدە ستەفاننىڭ ەشقانداي اۋىرلىق سەزىمىن سەزبەيتىنى انىقتالعان.