اقش قار قۇرساۋىندا قالدى. ەلدىڭ شىعىس بولىگىنە تونگەن سۋىق سيكلون امەريكالىقتاردى ابىگەرگە سالۋدا. نيۋ-يوركتان فلوريداعا دەيىن بورانداتىپ جاۋعان اق ۇلپانىڭ بيىكتىگى جارتى مەترگە جەتكەن.
سالدارىنان نيۋ-يورك، بوستون، فيلادەلفيا سياقتى ءىرى قالالاردا مەكتەپتەر مەن مەملەكەتتىك مەكەمەلەر جابىلعان. 50 مىڭعا جۋىق ادام جارىقسىز قالدى. تابيعاتتىڭ شالكەس مىنەزى ۇشاقتاردىڭ اۋەگە كوتەرىلۋىنە مۇمكىندىك بەرمەۋدە. كەشەلى بەرى ءتورت مىڭعا جۋىق رەيس كەيىنگە شەگەرىلدى. قالانى اق قار، كوك مۇزدان تازالاۋعا توتەنشە جاعداي قىزمەتكەرلەرى جۇمىلدىرىلعان. سينوپتيكتەر اتلانت مۇحيتىنىڭ جاعالاۋىنا كەلگەن سيكلونعا «مەتەرەولوگيالىق بومبا» دەگەن ايدار تاعىپ ۇلگەردى. اقش-تا بوران كەسىرىنەن سوڭعى كۇندەرى 16 ادام قازا تاپقان. ونىڭ جەتەۋى كوك تايعاقتا بولعان جول اپاتىنان اجال قۇشىپتى. مۇنداي بۇرقاسىن اقش -تا سوڭعى ون جىلدا بولماعان ەكەن.
