بايان الاگوزوۆا پروديۋسەرلىك ەتكەن «قوزى كورپەش – بايان سۇلۋ» سەريالى «قازاقستان» تەلەارناسىندا كورسەتىلدى. سەريال ەكرانعا شىققاندا كورەرمەن ونى سىنعا العان ەدى. بايان الاگوزوۆادان اتالمىش تەليەۆيزيالىق جوباعا كەتكەن قارجىنى قايتارۋدى تالاپ ەتكەندەر بولدى. ونىڭ ىشىندە ءانشى مەرۋەرت تۇسىپبايەۆا دا بار. پروديۋسەر ءوزىنىڭ ينستاگرام پاراقشاسىنا سەريالعا قاتىستى سىنعا جاۋاپ بەردى.

ونىڭ ايتۋىنشا تاريحي سەريالعا 54 ميلليون تەڭگە ءبولىندى. ءار سەرياعا 9 ميلليون كەتكەن. 22% سالىققا تولەندى. وندىرىسكە 7 ميلليون $21 000 قالعان. بايان الاگوزوۆا بولىنگەن قارجى جەتپەگەندىكتەن ءوز قالتاسىنان 13 ميلليون تەڭگە شىعارعانىن جازدى.

«$21 000 مەن قالاي كينو تۇسىرۋگە بولاتىنىن تەك كينو ماماندارى عانا تۇسىنەدى. ارينە مۇمكىن ەمەس، ءبىراق ءبىزدىڭ قولىمىزدان كەلدى. مەن ءتۇسىرىلىم توبىنىڭ جۇمىسىن ماقتان تۇتامىن. ال مەرۋەت تۇسىپبايەۆاعا كەلەر بولساق، مەرۋەرت، ءوز جوبالارىما شاقىرماعانىم ءۇشىن كەشىر. سەنىڭ اكتەرلىك شەبەرلىگىڭ جانە قالاي ءان ايتاتىنىڭ ۇنامايدى» دەپ جازدى پروديۋسەر.