ءانشى مەرۋەرت تۇسىپبايەۆا وزىنە ءتىل تيگىزىپ، قوقان-لوقى كورسەتىپ جاتقانداردى سوتقا بەرمەك. ونى قورقىتۋ ماندەگى جانە بالاعاتتاعان حابارلامانى الەۋمەتتىك جەلىگە سالىپ، ءقازىر حابارلاما اۆتورىنان تۇسىنىك الۋ جۇمىستارى جۇرگىزىلىپ جاتقانىن جازدى.
«ءبىز دەموكراتيالى قوعامدا تۇرىپ جاتىرمىز. مەن قازاقستاننىڭ ەڭبەك سىڭىرگەن قايراتكەرى رەتىندە ميلليوندار قاتارىندا ءوز پىكىرىمدى ايتتىم. بۇعان مەنىڭ قۇقىعىم بار!! وعان جاۋاپ رەتىندە اپالى-سىڭلىلەر ماعان ءتىل تيگىزىپ، ارىمدى قورلاپ، جالا جاپتى!! كەشەگى كۇننەن باستاپ ماعان قوقان-لوققى جاساپ جاتىر. مەن كوپ ۋاقىت شىدادىم. ەندى ءتيىستى قۇقىق قورعاۋ ورگاندارىنا جۇگىنۋگە ءماجبۇرمىن. ەسكەرتەمىن! بارلىق قوڭىراۋلار، كوممەنتارييلەر جازىلادى. سوتتا كەزدەسەمىز!"، — دەپ جازدى مەرۋەرت تۇسىپبايەۆا ينستاگرام پاراقشاسىندا.
ايتا كەتەيىك، مەرۋەرت تۇسىپبايەۆا بايان الاگوزوۆا پروديۋسەرلىك ەتكەن «قوزى كورپەش – بايان سۇلۋ» سەريالىنا كەتكەن قارجىنى قايتارۋدى تالاپ ەتكەن. وعان پروديۋسەر ءوز ينستاگرام پاراقشاسىنا جاۋاپ بەردى.
