2018 جىلدىڭ 1 قاڭتارىنان باستاپ، مەملەكەتتىك قىزمەتكەرلەرگە تولەنەتىن ەڭبەك جالاقىسىنىڭ جاڭا جۇيەسى جونىندە قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقمولا وبلىسى بويىنشا دەپارتامەنتى باسشىسىنىڭ ورىنباسارى رايحان عازيز قىزى براتايەۆا كوكشەتاۋدا وتكەن بريفينگتە ايتىپ بەردى، دەپ جازادى Qamshy.kz اقپارات اگەنتتىگى. 

«ەلباسى جولداۋىنداعى 9-شى تارماقتا ايتىلعانداي، مەملەكەتتىك قىزمەتكەرلەردىڭ ەڭبەك ءوتىلىمىن فاكتورلى بالدىق كورسەتكىشپەن ەسەپتەۋ جۇيەسى ەنگىزىلەدى. ن. نازاربايەۆ ايتقانداي، مەملەكەتتىك قىزمەتكەردىڭ ايلىعى جاساعان جۇمىستارىنا ساي تولەنۋى كەرەك، بۇل حالىقتىڭ 5-6 قادامى جوسپارىنىڭ جالعاسى.

2018 جىلدىڭ 1ء-شى قاڭتارىنان باستاپ،  فاكتورلى بالدىق كورسەتكىشتىڭ سىنامالى جوباسى ورتالىق جانە جەرگىلىكتى اتقارۋشى ورگاندارعا ەنگىزىلدى. ءاربىر مەملەكەتتىك قىزمەتكەردىڭ جەكە جۇمىس جوسپارى بار، ال وعان قوسىمشا تولەنەتىن سىياقى جاساعان جۇمىستىڭ قانشالىقتى ناتيجەلى ەكەندىگىنە ساي تولەنەدى. اتقارعان قىزمەتتىڭ باعاسىن بارلىق مەملەكەتتىك ورگاندا بار ارنايى باعا بەرەتىن كوميسسيا   انىقتايدى. بۇرىنعىداي تەڭگەرمەشىلىك ەندىگارى بولمادى»، -دەدى براتايەۆا.

ر. براتايەۆا مەن اقمولا وبلىسىنىڭ مەملەكەتتىك قىزمەتتەر باسشىسى گۇلميرا ەۆنييەۆانىڭ سوزىنەن ايماقتا وسى كۇنى 5929 قىزمەتكەر بار ەكەندىگى بەلگىلى بولدى. جوعارعى ءبىلىمى بار قىزمەتكەرلەر – 89،1%-دى قۇرايدى. ال 14%-ى بىرنەشە جوو بىتىرگەن، ونىمەن قوسا 29 جاسقا دەيىنگى جاستاردىڭ سانى ارتىپ كەلەدى. بۇگىندە ولار قىزمەتكەرلەردىڭ ¼ بولىگىن قۇرايدى.