اۋىل كەلىنىنىڭ جازباسى كوپشىلىكتىڭ نازارىن اۋداردى دەپ جازادى Qamshy.kz اقپارات اگەنتتىگى.
«يا بۇل مەنىڭ قولدارىم. يا، بىلەمىن، سۇيرىكتەي ەمەس شىعار بالكىم… قولعاپ كيىپ، اياپ جۇمىس ىستەيتىندەي،نازىك تە ءاپپاق ەمەس. قويشى، سەنىڭ قولىڭ ەمەس، ەركەكتىڭ جۋان قولى دەيتىن دە شىعارسىزدار. قالادان كەلگەن قاينىلارىممەن امانداسىپ، قولىن قىسقاندا ۇيالىپ كەتەمىن. تىپتەن كۇيەۋىمنىڭ دە قولى مەنىكىنەن نازىك-اۋ. وسى قولدارىممەن ءۇيىمنىڭ جۇمىسىن، ەنەمنىڭ قاباعىن، كۇيەۋىمنىڭ بابىن جاساپ اق ءجۇرمىن.
بالالارىم ءۇشىن مامىق جاستىقتاي بولسا، ءتىلىمدى قىسقارتىپ، قولىمدى ۇزارتىپ، ايانباي ادال قىزمەتىمدى اتقارامىن. قولدارىم قالت ەتسە ومىردەن تۇيگەن اڭگىمەلەردى جازىپ، قاراپايىم ءومىرىمنىڭ ءبىر بولىگىن جازىپ،سىزدەرمەن ءبولىسىپ، العىستارىڭىزعا بولەنىپ ءجۇرمىن، اللاعا شۇكىر. كۇن ساناپ قوسىلىپ جاتقان وقىرماندارىم وسىناۋ شىنايىلىعىمنىڭ ارقاسى بولار؟! «مىناۋ كىم ءوزى؟»، — دەيتىن وقىرماندارعا ايتارىم: مەن جاي عانا قاراپايىم كەلىنشەكپىن. ءومىردى ءسۇرىپ،كوپتى كورىپ قويماسام دا ءوز تۇيگەنىمدى جازعاندى ۇناتام. كەرەمەتتەي سۇلۋ ەمەس شىعارمىن، مەنىڭ بارىم وسى. وسىلاي جاراتقان قۇدايعا مىڭ دا ءبىر شۇكىر. ادەمى بولماسا دا ءسىز بەن ءبىزدى جالعاپ وتىرعان ينستاگرام مەن قايىستاي قارا قولدارىم امان بولسىن»، — دەپ جازدى قاپالدىڭ كەلىنى اتانعان ايدانا ەسىمدى كەلىنشەك.
