ق ر پرەمەر-مينيسترىنىڭ ورىنباسارى ەربولات دوسايەۆ xالىقتى دارى-دارمەكپەن قامتامامىز ەتۋ سالاسىنداعى ءتارتىپ بۇزۋشىلىقتار تۋرالى ايتتى، دەپ حابارلايدى قازاقپارات-قا سىلتەمە بەرىپ Qamshy.kz اقپارات اگەنتتىگى. «حالىقتىڭ دارى-دارمەكپەن قامتاماسىز ەتۋگە قاتىستى نارازىلىعى ءالى دە باسىلماي تۇر. ماعان وسى ماسەلە بويىنشا دەپۋتاتتاردان دا، قوعامدىق ۇيىمداردان دا ساۋالدار ءجيى تۇسەدى. سوعان قاراعاندا، ناۋقاستاردى دارى-دارمەكپەن دۇرىس قامتامسىز ەتپەيدى. پرەپاراتتار بەرىلمەسە دە، قاعاز جۇزىندە بەرىلدى دەپ جازا سالادى. تەگىن دارىلەردى اقشاعا ساتۋ فاكتىلەرى دە بار. سوسىن دارىگەرلەر پاسيەنتتەردى دارى-دارمەكتەردى ساتىپ الۋعا مىندەتتەيدى ەكەن.

ونداي مەكەمەلەردىڭ باسشىلارىنا قاتىستى قاتاڭ شارالار قولدانۋ قاجەت»، - دەدى ە.دوسايەۆ دەنساۋلىق ساقتاۋ مينيسترلىگىنىڭ كەڭەيتىلگەن ماجىلىسىندە. ۇكىمەت باسشىسىنىڭ ورىنباسارى جەرگىلىكتى بيلىكتىڭ ءۋاجىن دە ەسكە الدى. اكىمدەردىڭ سوزىنە قاراعاندا، جىلدىڭ اياعىنا دەيىن بارلىق ناۋقاستاردى دارى-دارمەكپەن قامتاماسىز ەتۋگە قارجى جەتىسپەي جاتادى. الايدا تەكسەرىس كەزىندە پرەپاراتتاردىڭ قاعاز جۇزىندە كوپتەپ جازىلاتىنى انىقتالدى.

ال، شىن مانىندە، ول دارىلەر تاراتىلمايدى. بۇدان بولەك، جەرگىلىكتى اتقارۋشى ورگاندار تىم كوپ تاپسىرىس بەرىپ وتىرادى. «ماسەلەن، كەيبىر ايماقتاردا ارتىق جازىلعان دارى-دارمەكتەردىڭ كولەمى الدىڭعى جىلدارمەن سالىستىرعاندا 50-60 پروسەنتكە كوپ بولىپ تۇر. دەنساۋلىق ساقتاۋ باسقارامالارى وسى ماسەلەگە نازار اۋدارۋى قاجەت. مەن ءتيىستى تاپسىرمانى بەردىم. ءساۋىر ايىنىڭ اياعىنا دەيىن بارلىق وبلىستاردا ريەۆيزيا وتكىزۋ كەرەك. سودان كەيىن ءبىز ناقتى قاي وڭىردە قانشا دارى-دارمەكتىڭ جەتىسپەيتىنىن انىق كورەتىن بولامىز. نەگىزى، جىل سايىن بەرىلەتىن اقشا بۇرىن بارىنە جەتىپ تۇراتىن»، - دەپ اتاپ كورسەتتى ە.دوسايەۆ.