اۋىلدا ءومىر سۇرەتىن ادامدارعا قاراعاندا ءىرى قالالاردىڭ تۇرعىندارى تەرى اۋرۋلارىمەن ءجيى اۋىرادى، دەپ جازادى Qamshy.kz اقپارات اگەنتتىگى  ريا نوۆوستي سايتىنا سىلتەمە جاساپ. وڭتۇستىك كورەياداعى بىرنەشە عىلىمي زەرتحانانىڭ عالىمدارى وسىنداي قورىتىندىعا كەلدى.

بۇعان دەيىن عالىمدار تەرى اۋرۋلارىنا اۋانىڭ لاستانۋى سەبەپ بولۋى مۇمكىن دەگەن بولجام جاساعان بولاتىن. زەرتتەۋشىلەر ادام تەرىسىندەگى  ۇساق اعزالارعا تالداۋ جاسادى. ول ءۇشىن قىتايدىڭ بەس قالاسىندا تۇراتىن 231 ايەلدەن اناليز العان. ۇشەۋى ۇلكەن قالا سانالسا، قالعان ەكەۋى – مەگاپوليس. 

زەرتتەۋ بارىسىندا ۇلكەن قالالاردا تۇراتىندارعا قاراعاندا مەگاپوليس تۇرعىندارىنىڭ تەرىسىندە ميكروورگانيزم اناعۇرلىم از ەكەنى انىقتالدى. تيىسىنشە، ۇساق اعزا تەرىدە كوپ بولعان سايىن، دەرماتيتپەن اۋىرۋ قاتەرى دە تومەن بولادى.