اشىق حات!

ق ر پرەزيدەنتى ن.نازاربايەۆقا ق ر پرەمەر-مينيسترى س.احمەتوۆكە يندۋستريا جانە جاڭا تەحنولوگيالار ءمينيسترى ءا.يسەكەشوۆكە ءبىلىم جانە عىلىم ءمينيسترى ب.جۇماعۇلوۆقا نۇر-وتان حاتشىسى ە.قارينگە ق ر مەملەكەتتىك ىستەر جونىندەگى اگەنتتىكتىڭ ءتوراعاسى ءا. بايمەنوۆكە ءماجىلىس دەپۋتاتتارى: و.اسانقىزىنا، ن.سابيليانوۆقا كەرەكۋلىك ءماجىلىس دەپۋتاتتارى: بەگەنتايەۆ م.، نۋركينا ا. پاۆلودار وبلىسى ءاىمى ە.ارىنعا 31.01.2013ج.، كەرەكۋدەگى لەرمونتوۆ، ساتپايەۆ كوشەلەرىنىڭ قيىلىسىندا ورنالاسقان «سۋلپاك» ساۋدا ۇيىنە قالتافون ساتىپ الماقشى نيەتتە كىرگەنمىن. قازاقشا سويلەپ، ءوز تىلىمدە قىزمەت كورسەتۋدى تالاپ ەتكەنىم ءۇشىن، كۇزەتپەن يتەرىلىپ، دالاعا شىعارىلىپ تاستالدىم. سول سەبەپتى وبلىس باس پروكۋراتۋرانىڭ قابىلداۋىندا بولدىم. تىلدەر باسقارماسىنا حات جولدايمىز، ءوزىمىز دە تەكسەرىس جۇرگىزەمىز دەپ قالدى. ساۋدا ۇيىندە بولعان ماسقارا جايتتى ديكتوفونعا جازىپ الدىم. جاعامدى ۇستاعانىم بارلىعى دەرلىك ساتۋشىلار، مەنى يتەرىپ شىققان كۇزەت قىزمەتكەرى دە قازاقتار. ولاردىڭ ايتقاندارى: «مى نە گوۆوريم پو-كازاحسكيي؛ يا پونيمايۋ، نو وبسلۋجيۆات بۋدۋ نا توم يازىكە، نا كاكوم منە ۋدوبنو؛ ۆى سامي ۆينوۆاتى، زاچەم پووتكرىۆالي رۋسسكيە شكولى، ي ناس تۋدا وتداۆالي؛ ا تەپەر يلي گوۆوريتە نا رۋسسكوم، ليبو ۆىحوديتە وتسيۋدا». قۇرمەتتى مىرزالار، ءقازىر دە قالامىزدا ورىس مەكتەپتەرى قازاق مەكتەپتەرىنەن 8-9 ەسە كوپ دەسەم، ارتىق ايتپايمىن. راسى ىشىندە ارالاسى دا بار، ءبىراق تاربيە ورىس تىلىندە ەكەنى بارلىعىنا بەلگىلى. ءتىپتى تازا قازاق 4 مەكتەبىنىڭ وزىندە ۇزىلىسكە شىققانداردىڭ ءوزارا قاتىناسى ورىس تىلىندە. وعان كوڭىل اۋدارىپ جاتقان ۇستازدار بىرەن-سارانى بولماسا، قايتا وزدەرى سول تىلدە سايرايدى! مىنە ءبىزدىڭ قازىرگى دە، كەلەشەكتەگى بولاشاعىمىز! ءبىر سوزبەن ايتقاندا جەتكەن جەرىمىز وسى بولسا كەرەك. ال قانشا قازاق ەمەس ورىستىلدىلەرمەن قازاق ءتىلى جونىندە ءسوز بولسا، ايتاتىندارى، «يازىكۋ س دەتسادوۆ، سو شكول نادو وبۋچاتسيا. پوبولشە بى سادوۆ نا كازاحسكوم، مى بى توجە دەتەي وتداۆالي». ال ەلدەگى وسى ماسقارا جاعدايدى قالىپتاستىرىپ وتىرعان بيلىكتىڭ قازاققا، قازاقتىلدىلەرگە قارسى ۇلكەن بولىگى! ونىڭ ىشىندەگى رەسەي لوببيلەرىمەن ءوز ماڭگۇرت-زومبيلەرىمىزدىڭ ساياساتىنىڭ "ناتيجەسى". ەندى قالعانى قازاقتىلدىلەر مەن ورىستىلدىلەردىڭ اراسىندا سوعىس اشىپ، مەملەكەتتى تارقاتىپ، كورشىلەرگە، اسىرەسە رەسەيگە وتكىزەمىز دەمەسەڭىزدەر، دەرەۋ وسى ماسقارالارعا شارا قودانۋلارىڭىزى تالاپ ەتەمىن! ىشكى اياساتتان باستاپ: «سلۋشايۋ ۆاس»، وبلىس اكىمىنىڭ حاتشىسى «پريەمنايا اكيما وبلاستي سلۋشاەت»! مەملەكەتتىك مەكەمەلەردىڭ بارلىعى دەرلىك وسىلاي قىزمەت كورسەتەدى. قاتىناستارى تەك كورشى مەملەكەتتىڭ مەم.تىلىندە. ويتكەنى ولار جوعارعى بيلىككە قاراپ ءومىر سۇرەدى. ءوز ەلىندە، قازاقتىڭ ەسەبىنەن وتىرىپ، ءوز ءتىلىن ساتقان بيلىكتىڭ باسىم بولىگىنە! ال قالعان جەكەمەنشىك مەكەمەلەردەگى تىلدىك جاعدايدى ەلەستەتە بەرىڭىزدەر! مەن، ءقازاقتىلدى قازاق رەتىندە، وسى قالادا بەينە ۇستارانىڭ جۇزىمەن جۇرگەندەي، جانكەشتى ءومىر سۇرەمىن. كەشە «پلانەتا ەلەكترونيكي»-دەن قۋىلدىم، بۇگىن «سۋلپاك»-تان، كەشە تىلىمە ۇرسىپ، اۆتوۆوكزالدا بيلەت بەرمەي قويدى، بۇگىن جۇمىسپەن بارعان عيماراتىما ءوز تىلىمدە اقپارات الا الماي قايتۋعا ءماجبۇر بولدىم. ازا كۇنى، قالالىق سىممەن تاراتىلاتىن راديوتوراپتا تۇرۋى كەرەك قازاق راديوسىنىڭ ورنىنا ءورىستىلدى «رەترو فم»، راديوسىن قويىپ قويادى، اندەرىمەن. ولارعا وبلىستىڭ ىشكى ساياساتى زاڭ بۇزعاندارىنا قاراماي اراشا تۇسەدى. مىنەكەي، كەرەكۋدەگى، باسقا سولتۇستىك قالالاردىڭ دا بەينەسى. وسى ماسقارالاردى جويۋعا، ءبىرشاماسىنا اكىمشىلىك، تىلدەر باسقارماسى تاراپىنان كومەك كورسەتىلىپ جاتىر. ءبىراق ول كومەكتەر، ءورت سوندىرۋشىلەردىكى سياقتى. بۇگىن مىنا جەردەن پايدا بولدى، ەرتەڭ باسقا جەردەن تاعى بولادى. سوندىقتان، ۇلتىمىزدى ۇلتسىزدىقتان قۇتقارۋعا ۇمتىلۋلارىڭىزدى تالاپ ەتەمىن! 90 پايىز جاستاردىڭ ءتىلى دە، مەنتاليتەتى دە ءقازاقتىلدى قازاققا قارسى. ولارعا ءبارىبىر، قاي مەملەكەتتە تۇرسا دا، تەك ورىس تىلىنەن ەشكىم ايىرماسا بولدى، ال بۇل مەملەكەتكە تىكەلەي تونگەن ءقاۋىپ! بەيسەنباي تەگى رۋزا، كەرەكۋ ق. قايربايەۆ ك. 104-136، 8(7182) 51-10-50