ءقازاقتىلدى باسىلىم ماماندارىنىڭ ءبىلىمىن ارتتىرىپ، سالالىق جۋرناليستيكاعا بەيىمدەۋ جانە وزەكتى تاقىرىپتار توڭىرەگىندە تالقىلاۋ الاڭىن كەڭەيتۋ ماقساتىندا «ەگەمەن قازاقستان» گازەتىنىڭ جانىنان قۇرىلعان «ەگەمەن اكادەمياسى» بۇگىن جۇمىس باستايدى، دەپ حابارلايدى Qamshy.kz اقپارات اگەنتتىگى.

ءجۇز جىلعا جۋىق تاريحى بار باسىلىمداعى تاجىريبەنى جاس جۋرناليستەرمەن ءبولىسىپ، اقپارات سالاسىنا بىلىكتى ماماندار دايىنداۋعا ۇلەس قوسۋدى كوزدەگەن جوبادا ءار كۋرس ءۇش اي ۋاقىتتى قامتيدى. اپتاسىنا ءبىر رەت بولاتىن ءدارىستى باسىلىم قىزمەتكەرلەرىنەن بولەك ارنايى سپيكەرلەر دە جۇرگىزەدى. ستۋدەنتتەر بىلىكتى مامانداردىڭ ءدارىسىن تىڭداي وتىرىپ، ماقالا جازۋ، حات قورىتۋدان باستاپ، باسىلىمنىڭ باسپاحانادان شىعۋىنا دەيىنگى پروسەسىمەن جان-جاقتى تانىسادى. ساباقتار بويىنشا تانىمدىق ماقالا، ەسسە جانە ساراپتامالىق ماتەريال جازعان بەلسەندى قاتىسۋشىلارعا كۋرس اياقتالعان كەزدە ارنايى سەرتيفيكاتتار تابىستالادى.

العاشقى ماۋسىمدا تاقىرىپ تاڭداۋ، تاقىرىپ قويۋ، زەرتتەۋ ماقالاسىن جازۋ، ساراپتامالىق ماقالا جازۋ، ءماتىندى وڭدەۋ، سۇحبات الۋ، فوتوجۋرناليستيكا، بەتتەۋ سەكىلدى تاقىرىپتار قامتىلادى.

«ەگەمەن اكادەمياسى» ۇزدىكسىز قىزمەت ەتەدى. ونىڭ شارالارى Egemen.kz سايتىندا جانە الەۋمەتتىك جەلىلەردە تىكەلەي ەفيردە كورسەتىلەدى.

بۇگىنگى تاقىرىپ – «باسپاسوزگە كىرىسپە». اكادەميانىڭ العاشقى ءدارىسىن باس باسىلىم باسشىسى دارحان ءقىدىرالى جۇرگىزەدى.

ۋاقىتى: 2018 جىلى 29 ناۋرىز، ساعات 17:00-دە.

سايت: www.egemen.academy

e-mail: academy@egemen.kz

تەل.: +7 7172 375680 

         +7 7172 37 60 74