تالدىقورعاندا قازاقستان جازۋشىلار وداعىنىڭ ايماقتىق فيليالى اشىلدى. ەلدەگى ەڭ ءىرى شىعارماشىلىق ۇيىمىنىڭ جەتىسۋ جەرىندەگى بولىمشەسىن اقىن ەرلان ءجۇنىس باسقاراتىن بولدى، دەپ حابارلايدى Qamshy.kz اقپارات اگەنتتىگى. بۇل جايىندا قازاقستان جازۋشىلار وداعىنىڭ Facebook جەلىسىندەگى پاراقشاسىندا حابارلاندى.
بۇگىن جەتىسۋلىق زيالى قاۋىم وكىلدەرىنە فيليالدىڭ جاڭا ديرەكتورىن وداق ءتوراعاسىنىڭ ءبىرىنشى ورىنباسارى اقبەرەن ەلگەزەك تانىستىردى. كەزدەسۋ سوڭىندا اقىن-جازۋشىلار باسقارما فيليالىنىڭ جاس ءارى جاڭا باسشىسىنا زور سەنىم ءبىلدىرىپ، قىزمەتىنە تابىس تىلەدى.
پوەزيادا وزىندىك قولتاڭباسىن قالىپتاستىرعان اقىن ەندى جەتىسۋلىق قالامگەرلەردىڭ مۇددەسىن قورعاۋعا قىزمەت ەتپەك. ءارى ءتۇرلى ادەبي ءىس-شارالاردى ۇيىمداستىرۋ جۇمىستارىمەن اينالىسادى.
ەرلان ءجۇنىستىڭ ەسىمى ولەڭ سۇيەر قاۋىمعا جاقسى تانىس. ول «حاۋاس»، «ءۇمىت جىرلارى» سياقتى بىرنەشە جىر جيناقتارىنىڭ اۆتورى. 2006 جىلى حالىقارالىق «شابىت» فەستيۆالىندە گران-پري مەن پرەزيدەنت كۋبوگىن جەڭىپ العان. مەملەكەتتىك سىيلىق پەن «دارىن» سىيلىعىنىڭ يەگەرى.
ايتا كەتەيىك، وڭىردە وداقتىڭ 120-دان استام مۇشەسى بار.
پىكىر قالدىرۋ