«استانا» كونسەرت زالىندا (كونگرەسس-حولل) تالانتتى ءانشى، «قازاقستان داۋىسى» جوباسىنىڭ جەڭىمپازى مۇراتبەك حايرولدانىڭ «قازاق داراسى بىزدەر» اتتى جەكە ءان كەشى وتەدى، دەپ حابارلايدى Qamshy.kz اقپارات اگەنتتىگى.

مۇراتبەك حايرولدا – ءان الەمىن ءدۇر سىلكىندىرگەن دارا داۋىس يەسى. جاس دارىن 2015 جىلى «قازاقستان داۋىسى» جوباسىندا وزا شاۋىپ، جۇزدەگەن ۇمىتكەردىڭ ىشىنەن سۋىرىلىپ شىقتى. مادەنيەت مايتالماندارى مۇراتبەكتىڭ تابيعي تالانتىن تاپ باسىپ تانىپ، ونەرىن جوعارى باعالادى. كوپشىلىك كورەرمەن دە قانداسىمىزدىڭ انشىلىك قابىلەتىنە ءتانتى بولىپ داۋىس بەردى. سودان بەرى مۇراتبەك حايرولدا شىعارماشىلىعىن شىڭداپ، قازاق ەستراداسىندا وزىندىك ءۇنى بار جەزتاڭداي انشىگە اينالدى.

مۇراتبەكتىڭ ءان كەشىندە باعدات سامەدينوۆا، نۇرلان البان، روزا ءالقوجا، نۇرعالي تۇرلىبەكوۆ سىندى قازاق ەستراداسىنىڭ جارىق جۇلدىزدارى ونەر كورسەتەدى.

باستالۋى 2017 جىلدىڭ 8 ساۋىرىندە، ساعات 17:00-دە.

كەلىڭىزدەر، كورىڭىزدەر! قاپى قالماڭىزدار!