ءقازىر استاناداعى Keruen ساۋدا ورتالىعىندا بۇكىلالەمدىك اۋتيزم ماسەلەسى تۋرالى اقپارات تاراتۋ كۇنىنە وراي قايىرىمدىلىق ناۋقانى ءوتىپ جاتىر. ونىڭ ماقساتى – اۋتيزم پروبلەماسى بار ەكەنىن بارىنشا ناسيحاتتاۋ. بۇل تۋرالى «بولاشاق» كورپوراتيۆتىك قورىنىڭ ديرەكتورى دينارا ءشايجۇنىسوۆا مالىمدەدى، دەپ حابارلايدى Qamshy.kz اقپارات اگەنتتىگى.
ءاۋتيزمى بار 50-دەن اسا بالانىڭ اتا-انالارى، پسيحولوگ-پەداگوگيكالىق تۇزەتۋ كابينەتتەرىنىڭ (پپتك) وكىلدەرى جانە قوعامدىق ۇيىمدار اقپارات تاراتۋ ماقساتىندا قوسىلىپ ناۋقان وتكىزدى. وندا ۇيىمداستىرۋشىلار حالىقتى اۋتيزم ماسەلەسى جايلى حاباردار ەتىپ، ەرەكشە كۇتىمدى قاجەت ەتەتىن بالالاردى ءتۇسىنۋ جانە قولداۋعا شاقىردى. ال، ناۋقاندى ۇيىمداستىرۋشى «بولاشاق» كق ديرەكتورى دينارا ءشايجۇنىسوۆا ناۋقاننىڭ ماقساتى جونىندە ايتىپ بەردى.
— 2 ءساۋىر – اۋتيزم پروبلەماسىن ءناسيحاتتاۋ كۇنى. سوندىقتان جەكسەنبىlt قالا حالقى ساۋدا ورتالىقتارىنا كوپ كەلەتىندىكتەن، وسى جەردە اكسيا وتكىزۋدى كوزدەدىك. ماقساتىمىز دا سول – حالىقتى اۋتيزم پروبلەماسى تۋرالى ماكسيمالدى تۇردە اقپاراتتاندىرۋ، - دەدى ءشايجۇنىسوۆا.
دينارا ءشايجۇنىسوۆانىڭ ايتۋىنشا، اۋتيزم دياگنوزى بار بالا مەن وزگە بالانىڭ اراسىنداعى ايىرماشىلىقتى بايقاۋ وتە قيىن. ناۋقانعا قاتىسىپ جاتقان بالالاردىڭ بارلىعى – بىردەي، تەڭ قۇقىلى.
الەم بويىنشا 67 000 000 ادام اۋتيزممەن ءومىر سۇرەتىندەرىن كوبى بىلە بەرمەيدى، الەمدە ءار 42–ءشى ۇل بالا جانە ءار 189–شى قىز بالا اۋتيزم سپەكتورىندا.
ناۋقان كەزىندە بالالارعا مۋزىكالىق جانە شىعارماشىلىق ايماقتار ۇيىمداستىرىلادى. وندا: اكۆاگريم، كوركەمدىك شەبەرلىكتەر، مولبەرتتە سۋرەت سالۋ، تۇزدى قامىرمەن مۇسىندەۋ، لەگو-ايماقتارى، انيماتورلاردىڭ ويىن-ساۋىق باعدارلامالارى بولدى. «ەرەكشە مەرەكەلەر» قوعامدىق ۇيىمىنىڭ مۋزىكانتتارى ونەر كورسەتتى.
3 000 اقپاراتتىق فلاەرلەر تاراتىلىپ، ناۋقانعا مىڭنان اسا ادامدار قاتىستى. سونىمەن قاتار شارا بارىسىندا قوناقتارعا 1 000 تگ قايىرىمدىلىق جارنا بەرىپ ءوز ديزاينىمەن، جەكە ەرەكشە سۋرەتىمەن سومكە الۋىنا مۇمكىندىك بولدى. بارلىق تۇسكەن قاراجات «بولاشاق» كورپوراتيۆتىك قورىنىڭ «ءار بالا مەكتەپكە لايىقتى» جوباسىن ىسكە اسىرۋىنا جىبەرىلەدى.
كوك تۇسپەن ءبىر ءتىلىم پازل الەمدە اۋتيزم ءرامىزى بولىپ تابىلاتىنىن ەستەرىڭىزگە سالا كەتەيىك. كوك ءتۇس «اۋتيزم ءتۇسى» بولىپ تابىلمايدى. كوك – بۇل Autism Speaks اتتى ۇلكەن قوعامدىق ۇيىمنىڭ فيرمالىق بەلگىسى (2005 جىلى نەگىزىن قالاعان)، وزدەرىنىڭ نەگىزگى لوگوتيپىنە باسىلعان كوگىلدىر ءتۇس جانە 2010 جىلى باستاۋ العان «كوكپەن جاق» ۇيىمى ءوز ماركەتينگتىك ناۋقانىن وربىتۋدە.
ايتا كەتەتىن جايت، ينكليۋزيۆتى قوعامدى دامىتۋ ماقساتىندا جانە ەرەكشە كۇتىمدى قاجەت ەتەتىن جانداردىڭ تەڭ مۇمكىندىك الۋى ءۇشىن «بولاشاق» كق 30 ناۋرىزدا جىل سايىن باستاۋ الاتىن ب ا ق، مەديا-ماماندارمەن اۋەسقويلار اراسىندا «ءار بالا مەكتەپكە لايىقتى» ينكليۋزيۆتى ءبىلىم الۋ جايلى ەڭ ۇزدىك اقپاراتقا 1 000 000 تەڭگە ۇتىس جاريالادى. بايقاۋعا قاتىسام دەۋشىلەردى شاقىرامىز. قوسىمشا اقپاراتتى وسى سايتتان تابا الاسىزدار www.bolashakcharity.kz.
پىكىر قالدىرۋ