ماحاتما گاندي اتىندىعى №92 ما­مانداندىرىلعان ليسەيىندە  «قام­قورشىلىق كەڭەسىنىڭ» كەڭەي­تىلگەن وتىرىسى بولىپ ءوتتى.  وعان «قامقور­شىلىق كەڭەسىنىڭ» قۇرمەتتى ءتور­اعا­سى قورعانىس جانە اەرو­عارىش ونەر­كاسىبىنىڭ ءمينيسترى  بەيبىت اتام­قۇلوۆ­ قاتىستى.

وتىرىس الدىندا كەڭەس مۇشەلەرى ليسەي زەرتحانالارىندا ءجۇرىپ جاتقان جوبالىق زەرتتەۋ جۇمىستارىمەن تانىستى. قوناق­تارعا ەرەكشە  اسەر سىيلاعان جوبالاردىڭ ءبىرى ليسەي وقۋشىلارىنىڭ وڭتۇستىك قازاقستان وبلىسىنا ۇيىمداسىپ بارىپ قايتقان ەكسپەديسياسىنىڭ ناتيجەسىندە جاسالعان قازاقتىڭ رۋحاني جادىگەرلەرى «قاراشاش انا»، «يبراھيم اتا»، «ارىستان باب»، «قوجا احمەت ياسساۋي»  كەسەنەلەرىنىڭ 3D مودەلى  بولدى.

ليسەيدىڭ «ۇجىمدىق راديوستان­سيا­سىمەن» تانىسىپ، جەر سەرىكتەرىن اۆتو­ماتتى تۇردە انىقتاپ، باقىلاۋ جۇرگىزەتىن سپۋت­نيكتىك انتەننانىڭ جۇمىسىن كورگەندە «اەروعارىش» كوميتەتىنىڭ ءتوراعاسى  ەركىن شايماعامبەتوۆ: «مەن مەكتەپ قابىرعا­سىنان مۇنداي كاسىبي دەڭگەيى جوعارى عاجاپ جۇمىستاردى كورەمىن دەپ ءتىپتى ويلا­ما­دىم!»، – دەپ تاڭقالىسىن جەت­كىزدى. انتراك­تيدادان باسقا الەمنىڭ بارلىق ايماعىمەن راديوبايلانىس ورناتىپ، تىكەلەي ەفيرگە شىعىپ وتىرعان ليسەيدىڭ جاس راديو­اۋەسقويلارىمەن بىرگە كەلگەن قوناقتار دا باسقا الەمگە ساپار شەگىپ كەتكەندەي اسەر الدى.

ليسەي قوناقتارى مەن كەڭەس مۇشەلەرىن  تاڭقالدىرعان تاعى ءبىر جوبا – «ۇلتتىق ويىن روبوتتارى» بولدى.  ليسەيدىڭ جاس رو­بو­تو­تەحنيكتەرى «تەڭگە ءىلۋ»، «ارقان تارتۋ»، «كوكپار»، «اسىق اتۋ» سەكىلدى قازاقتىڭ ۇلتتىق سپورت ويىندارىن روبوتتارعا ويناتىپ جاتقاندارىن ءىس جۇزىندە كورسەتتى. قوناقتاردىڭ ءبارى ۇلتتىق ويىن روبوت­تارىنىڭ جارىسىن كورۋگە قىزىعۋشىلىق تانىتىپ، قاشان، قالاي  جانە قاي جەردە وتەتىنى جايلى  سۇراقتار قويىپ جاتتى. جاس روبوتوتەحنيكتەر دە وسى جىلى مەكتەپ بازاسىندا العاشقى جارىستارىن وتكىزە­تىندەرى تۋرالى جارىسا جاۋاپ بەردى.

5-6  سىنىپ وقۋشىلارى  كەلگەن قوناق­تارعا وزدەرىنىڭ تىڭ تەحنولوگيا – كريو جولىمەن بيە سۇتىنەن بالمۇزداق جاساۋ جوباسىمەن تانىستىرىپ، اپ-ساتتە-اق بال­مۇزداقتى دايىنداپ، الدارىنا تارت­قاندا تاڭداي قاقپاعان جان بولمادى. ءتىپتى، «اە­رو­عارىش» كوميتەتىنىڭ ءتور­اعاسى: «مىناۋ ناعىز عارىش بالمۇزداعى عوي!»، – دەپ بال­مۇزداققا جاڭا اتاۋ بەردى. ەكونو­ميكالىق جاعىنان ءتيىمدى جانە دەنساۋ­لىققا دا پايداسى مول بۇل بال­مۇزداقتان بارلىق كەلگەن قوناقتار ءدام تاتتى. بال­مۇزداقتان ءدام تاتقاندار بۇل بالمۇزداقتىڭ باسقاعا ۇقسامايتىن ەرەكشە دامىنە ءتانتى بولىپ، وقۋشىلاردىڭ بولا­شاعىنان زور ءۇمىت كۇتەتىندەرىن جەتكىزدى. وسىلايشا ماحاتما گاندي اتىندىعى №92 مامان­داندىرىلعان ليسەيىنىڭ  دارىندى بالالارى تەك بىلىمدە عانا ەمەس، سونىمەن قاتار زاماناۋي تەحنو­لوگيالاردان دا الدارىنا جان سالماي­تىندىقتارىن تاعى دا ءبىر دالەلدەدى.

ليسەي وقۋشىلارىنىڭ تالاپتارىنا ءتانتى بولعان قوناقتار وقۋشىلاردىڭ بولاشاقتاعى عىلىم جولىنا تابىس تىلەپ، «قامقورشىلىق كەڭەسىنىڭ» كەڭەيتىلگەن وتىرىسىنىڭ نەگىزگى كەزەڭىن باستاپ كەتتى. ليسەي باسشىسى ەرۇلان  جيەن­بايەۆ وسى ۋاقىتقا دەيىن مەكتەپتە اتقارىلىپ جاتقان جۇمىستار جايلى ەسەپ بەرىپ، الداعى ۋاقىت ەنشىسىندەگى «ۇلتتىق يننوۆاسيالىق مەكتەپ مودەلىن» قۇرۋ ستراتەگيالىق جوسپارىمەن تانىستىردى.

كەڭەس مۇشەلەرىنىڭ بارلىعى قولداپ، ءوز ۇسىنىس-پىكىرلەرىن ءبىلدىردى. كەڭەس ءتوراعاسى ەركىن مۇستافا ۇلى جوسپارعا تالداۋ جاساپ، جوسپاردىڭ ورىندالۋ مەرزىمدەرى مەن مۇمكىندىكتەرىن ناقتىلاپ، تولىقتىرۋلار مەن وزگەرتۋلەر ەنگىزۋ ءۇشىن جۇمىس توبىن قۇرۋ قاجەتتىلىگىن ايتتى. «اەروعارىش» كوميتەتىنىڭ ليسەيدى قامقورشىلىعىنا الىپ، جاسالىپ جاتقان جوبالارعا قولداۋ كورسەتەتىنىن دە ەسكەرتتى.

كەڭەس وتىرىسىنان كەيىن ەركىن مۇستا­فا ۇلى ليسەي وقۋشىلارىمەن كەزدەسىپ، قۇتتىقتاۋ ءسوز ايتتى. ليسەيگە ءوز اتىنان ەكى تەننيس ستولىن سىيعا تارتىپ، وقۋشىلارعا ساتتىلىك تىلەدى. فەسەنكوۆ اتىنداعى استرو­فيزيكالىق ينستيتۋت ديرەكتورى، رھD دوك­تورى  بيبوسىنوۆ اسىلعان مىرزا وقۋشى­لارعا «قازاقستانداعى عارىشتىق عىلىمي زەرتتەۋلەر مەن تەحنولوگيالاردىڭ دامۋى» اتتى  ءدارىسىن وقىدى.