قايرات نۇرتاس، سەرىك ساپييەۆ جانە ءادىل احمەتوۆ وزدەرىنىڭ قابىلەتتەرىن كورسەتتى.

شوۋ-بيزنەس، كينو جانە سپورت جۇلدىزدارى مادەنيەت جانە سپورت ءمينيسترى ارىستانبەك مۇحامەدي ۇلىنىڭ باستاماسىمەن ۇيىمداستىرىلعان «Street Workout KZ» اكسياسىنا قاتىستى، دەپ حابارلايدى Qamshy.kz اقپارات اگەنتتىگى.

بۇل باستامانىڭ ماقساتى – بۇقارالىق سپورتتى قازاقستاندا تاراتۋ. Street Workout – بۇل كوشەدەگى جاپپاي سپورتتىڭ قارقىندى دامىپ كەلە جاتقان ءتۇرى بولىپ تابىلادى. ارنايى تەحنيكانى تالاپ ەتپەيدى: بارلىعى قاراپايىم، ول ءۇشىن كوشەدەگى تۋرنيكتەر مەن ارقاندار جەتكىلىكتى.

جوبانىڭ نەگىزگى سىيلىعى – كونكۋرستىڭ جەڭىمپازى اتانعان ايماق Street Workout-پەن اينالىسۋ ءۇشىن جاڭا الاڭعا يە بولادى. ول ءۇشىن بايقاۋدىڭ شارتتارىن ورىنداۋ قاجەت. شارتتارى دا وتە قاراپايىم، قازاقستاندىقتار جاتتىعۋ بەينەلەرىن جەلىلەردە بولىسسە جەتكىلىكتى. بايقاۋ جايلى تولىعىراق  Challenge Street Workout  KZ ۆەب-سايتىنان بىلە الاسىزدار.

ارىستانبەك مۇحامەدي ۇلى جوبانى ءوزى باستاپ، «Street Workout KZ» بايقاۋىن – وليمپيادا چەمپيونى سەرىك ساپييەۆكە، تانىمال ءانشى قايرات نۇرتاسقا، تانىمال قازاقستاندىق اكتەر ءادىل احمەتوۆقا جولدادى.

«Challenge Street Workout KZ» جوباسىن باستاپ – العاشقى قاتىسۋشىلارى رەتىندە «العا، قازاقستان، جاسا، قازاقستان!» دەپ قازاقستاندىقتارعا ۇندەۋ تاستادى.

بايقاۋعا قاتىسىپ جۇلدەلى بولۋعا اسىعىڭىز! ونى Street Workout-تىڭ ارنايى الاڭىندا جاساۋ مىندەتتى ەمەس، كەز-كەلگەن جەردەن ءوزىڭىزدىڭ بەينەلەرىڭىزدى ءتۇسىرىپ، وزىڭىزگە ىڭعايلى الاڭنان بىزگە جولداڭىز! بەينەنى اۋەسقويلىق جانە تۇراقتى كامەرا تەلەفونىنان دا تۇسىرۋگە بولادى.

كونكۋرس 10 ماۋسىمعا دەيىن وتكىزىلەدى، 15 ماۋسىم كۇنى قورىتىندىسى جاريالاناتىن بولادى.

سونىمەن قاتار، بەينەتاسپانى «Challenge Street Workout KZ» جوباسىنىڭ سايتىندا ورنالاستىرۋعا بولادى.

جولدامانى قابىل ال! Challenge Street Workout  KZ بايقاۋىنا قاتىس!