Facebook الەۋمەتتىك جەلىسىندە سالافيتكە تۇرمىسقا شىعىپ ءجابىر كورگەن ايەلدىڭ ۆيدەوۇندەۋى جاريالاندى، دەپ جازادى Qamshy.kz اقپارات اگەنتتىگى.
شىمكەنت قالاسىنىڭ تۇرعىنى جاقىندارى مەن جەكە باس قاۋىپسىزدىگى ءۇشىن ءاتى-جونىن جاسىرىپ قالدى. ايەلدىڭ ايتۋىنشا ول سالافيتكە تۇرمىسقا شىعىپ، كوپ ۇزاماي باسقا سالافيت جىگىتتەرگە سىي رەتىندە بەرىلگەن.
"ناماز وقىپ، سالافيتكە تۇرمىسقا شىققاننان كەيىن ءسىزدىڭ ءاربىر ايتقان ۋاعىز، لەكسيالارىڭىزدى تىڭداپ كەلەمىن. ءسىزدىڭ شاكىرتىم دەپ جۇرگەن سالافيت باۋىرىڭىزعا تۇرمىسقا شىقتىم. كوپ ۇزاماي ءوزىمنىڭ باۋىرىم دەپ جۇرگەن ەكىنشى سالافيتكە مەنى سىي، زات رەتىندە سىيلادى. ەكىنشىسى ۇشىنشىسىنە، ءۇشىنشىسى تورتىنشىسىنە سىيلاپ كەتە بەردى. ءار تۇرمىستا بالالى بولىپ وتىردىم. ءبىر سالافيتكە باراسىڭ: «بۇعان كىم كىنالى؟» دەپ سۇراق قويساڭ، «تاعدىر عوي، قارىنداسىم. سابىر ساقتا!» دەيسىزدەر. قايداعى تاعدىر، بۇعان تاعدىر ەمەس، قاتەلىكتەرىڭىز، نادان تىرلىكتەرىڭىز كىنالى. قانشا قىز، كەلىنشەكتەر ءسىزدىڭ ايتقان ۋاعىزدارىڭىزدى، لەكسيالارىڭىزدى تىڭداپ، شاكىرتتەرىمىز دەگەن ادامدارعا تۇرمىسقا شىعىپ، قانشا بالا جەتىم بولدى، قانشا ايەل جەسىر بولىپ كوشەدە تەنتىرەپ ءجۇر؟!" دەيدى ايەل.
ايەل يمامنىڭ كومەگىنە جۇگىنگىسى كەلەتىنىن ايتقاندا بۇرىنعى كۇيەۋلەرى ولاردان الىس ءجۇرۋدى بۇيىرعانىن ايتادى.
"يمامداردى تىڭداماڭادار. ولار بيعداتشىلار، اداسۋشىلار" دەيسىزدەر. ولار ەمەس، سىزدەر اداسۋشىلارسىزدار. شەتەلگە قاشىپ، ەل اراسىنا ىرىتكى سالىپ، قازاق كەلىنشەكتەرىن جاقسى جولدان تايدىرىپ، شۇبەرەك سەكىلدى پايدالانىپ وتىرعان سىزدەر"، - دەپ ىشكى زارىمەن بولىسكەن ايەل قىزدارعا اقىلىن دا ايتتى.
"قىزدار، ءالى دە كەش ەمەس. ەس جيناۋعا ۋاقىت بار. مەن ءسالافيتپىن دەپ جۇرگەندەرگە تۇرمىسقا شىقپاڭدار. ولاردىڭ ارباۋىنا ءتۇسىپ قالماڭدار. باستاپقىدا ولار ءجانناتتىق ءومىر سىيلايتىنداي كورىنەدى، ءبىراق ارباۋىنا ءتۇسىپ قالعاننان كەيىن دەگەندەرىن ىستەيدى" دەپ قىزدارعا كەڭەسىن ايتتى.
ءوزى ءجابىر كورگەن ادامنىڭ ەسىمىن اتادى.
"ءجانناتتىڭ كىلتى انانىڭ تابانىنىڭ استىندا. مەنىڭ ءاربىر كوز جاسىم، بالالاردىڭ كوز جاسى، قانشاما ايەلدىڭ كوز جاسىنا قالعان ءدىلمۇرات، ەرتەڭ ءاربىر كوز جاسىمنىڭ اقىسىن سىزدەن الامىن. ءاربىر قىزدىڭ كوز جاسىنا، حاقىسىنا، سەن جاۋاپتسىڭ. بالا-شاعامنىڭ كورگەن قيىنشىلىعىنىڭ، اقىسىن سەننەن الامىن. شىنايى ءبىلىمدى ادام قازاق حالقىنا، قازاقستان ەلىنە قىزمەت ەتىپ، شىنايى جانى اشيدى. ءدىلمۇرات، باسقا ىلىمدىلەر سەن سەكىلدى ەلىنەن قاشىپ، ىرىتكى سالمايدى. وسى جاعىن تەرەڭ ويلانساڭىزدار دەيمىن" دەپ ءسوزىن تۇيىندەدى ايەل.
