الماتىداعى جىبەك جولى بازارىنىڭ باسشىلىعى باعانى قولدان ءوسىرىپ، ساۋداگەرلەردى قان قاقساتۋدا. اۆتوبولشەك ساتاتىن ورتالىقتا نانىن تاۋىپ وتىرعاندار كونتەينەردى جالعا الۋ اقىسىنىڭ كۇرت ارتۋىنا نارازىلىعىن ءبىلدىرىپ بۇگىن باس كوتەردى. الايدا ولاردى تىڭداپ جاتقان ەشكىم جوق، دەپ جازادى ktk.kz .
- الماتىداعى جىبەك جولى بازارىنان جىك شىقتى. ساۋداگەرلەر اكىمشىلىكتىڭ ەش ەسكەرتپەستەن كونتەينەرلەرگە تولەنەتىن باعانىڭ كوتەرىلۋىنە نارازىلىق بىلدىرۋدە. ال بازار باسشىلىعى تالاپقا كونبەسەڭدەر ورىندارىڭدى بوساتىڭدار دەپ وتىر.
اكىمشىلىك جالعا بەرىلەتىن ورىنداردىڭ قۇنىن بىردەن ون مىڭ تەڭگەگە قىمباتتاتىپ جىبەرىپتى. شىدامنىڭ دا شەگى بار دەگەندەر بۇگىن ساۋدانى قويىپ بازار اكىمشىلىگى عيماراتانىنىڭ الدىنا جينالدى. كوبىسى جىبەك جولى اشىلعاننان وسى جەردە جۇرگەندەر. 4-5 جىل بويى اۆتوبولشەكتى ارزانعا ساتىپ ادام جينادىق. ال ەندى بازار قالاداعى ەڭ كوپ حالىق قاتىنايتىن ورىنعا اينالعاندا باسشىلىقتىڭ ايتقان راحمەتى وسى بولدى دەپ اشىنادى ساۋداگەرلەر. ەرلان
راحمانبەردييەۆ، ساۋداگەر:
-باسىندا ارەندا 25 مىڭ باعانى كوتەرمەيمىز دەگەن. ادامدار الىپ كەلىڭدەر دەدى. باسقالارىن تارتتىق. بارىس بارلىقتان ءبارىن جينادىق. ول كەزدە بازار جۇرمەي تۇرعان. ءقازىر بازار جۇرگەننەن كەيىن جىل سايىن باعا كوتەرىلەدى. 25- تەن باستالعان. 35 بولدى. بولدى كوتەرمەيمىز دەدى دە 45 دەيدى.
ەسكى بولشەك ساتاتىندار كوبىنەسە تاۋارىمىز كەرى قايتادى. سوندىقتان كەيدە 35 مىڭنىڭ ءوزىن كەشىكتىرەمىز دەپ اعىنان جارىلدى. ءبىراق وعان قاراپ جاتقان باسشىلىق جوق. جاعداي جاساۋعا كەلگەندە تارىعاتىندار 500 گە جۋىق كونتەينەردى جالداپ وتىرعانداردى ايدىڭ اياعىندا جاعادان الاتىن كورىنەدى.
مۇرات ءابدراحمانوۆ، ساۋداگەر:
- ورىن جوق ماشينا قوياتىن. كليەنتتەر 150 تەڭگەسىن تولەپ كەلىپ اينالىپ كەتىپ قالادى.
جالعا بەرىلەتىن ورىننىڭ نە ءۇشىن ون مىڭ تەڭگەگە قىمباتتاعىن ەشكىم تۇسىندىرە المادى. باستىق جوق. ورىنباسار تىعىلىپ قالعان. تەك اقشا جينايتىن ازامات ءجۇر. ول دا ماندىتىپ ەشتەڭە ايتپادى. جالعا بەرۋ باعاسى سول كۇيى شەشۋسىز قالدى. ساۋداگەرلەر ءمان-جايدى باستىقتىڭ ءوز اۋزىنان ەستىمەككە بەكىنىپ تارقاستى. ولار ديرەكتور دا جاعدايدى تۇسىنبەي باعانى وسىرسە، رايىمبەك داڭعىلىن جاۋىپ تاستاۋدان دا تايىنبايتىندارىن ايتىپ وتىر.
پىكىر قالدىرۋ