تاڭعالامىن سىزدەي عاجاپ تۇلعاعا،
قانداي ءادىل، حالىق بەرگەن بۇل باعا.
التى الاشتىڭ ارداق تۇتقان پەرزەنتى،
كەمەڭگەرسىز، ۇلى ويشىل، ءسىز – دانا!
ءسىزدى كورۋ ماعان دەگەن ءبىر باقىت،
ماڭگى ەستە ساقتالادى بۇل ۋاقىت.
مۇرات اتا! رۇقسات بولسا وقيىن،
سىزگە ارناپ جازعان ەدىم جىر-جاقۇت!
التىن كۇننىڭ ساۋلەسىندەي تارالعان،
ۇلى ابايدىڭ جىرلارىنان ءنار العان.
ءسىزدى اسىلدىڭ سىنىعىنا بالايمىز،
اۋەزوۆتىڭ ارمانىنان جارالعان.
وقۋ ىزدەپ تالاپتانىپ جاسىندا،
ماسكەۋگە دە سان باردىڭىز راسىندا.
ءبىلىم كوزى كىتاپتا ەكەنىن،
ۇيرەندىڭىز اكەڭىزدىڭ قاسىندا.
عالىم، ەلشى جانە باسشى بولدىڭىز،
بيىك مانساپ تۇعىرىنا قوندىڭىز.
ۇمىتىلماس ەتكەن ەڭبەك، توككەن تەر،
حالقىمىزدىڭ جۇرەگىندە ورنىڭىز!
ەل دەپ سوققان كۇندىز-تۇنى جۇرەگى،
مۇرات اۋەزوۆ – مەركىمىزدىڭ تۇلەگى.
ءجۇز جاساڭىز ۇلى جامبىل بابامداي،
وسى ءبىزدىڭ وقۋشىلار تىلەگى!
سىمبات اباتباي،
جامبىل وبلىسى،
مەركى اۋدانىنداعى
ۆ.ساۆۆا اتىنداعى №9 جببم
10-سىنىپ وقۋشىسى، رەسپۋبليكالىق
«عۇمىرداريا» بالالار مەن
جاسوسپىرىمدەر ورتالىعىنىڭ
ۇيىمداستىرۋىمەن وتكەن
«قۇلاقتان كىرىپ بويدى الار»
بايقاۋىنىڭ «كوركەم ءسوز وقۋ»
نوميناسياسى بويىنشا I ورىن يەگەرى
پىكىر قالدىرۋ