ءبىلىمنىڭ التىن ورداسى – قاراشاڭىراق بولىپ سانالاتىن ءال-فارابي اتىنداعى قازاق ۇلتتىق ۋنيۆەرسيتەتى ستۋدەنت دامۋى ءۇشىن جان-جاقتى، تولىق مۇمكىندىك جاساعان مەكەن بولىپ سانالادى.
ەلىمىزدىڭ ءار وڭىرىنەن ءبىلىم الۋ ءۇشىن كەلگەن جاستار، تەك قانا ءوز بىلىمدەرىن جەتىلدىرىپ قانا قويماي ءوز قابىلەتتەرىن شىڭداۋىنا جاعداي جاسالعان ەرەكشە جوو – بۇل قازۇۋ.
ستۋدەنتتەردىڭ دۇرىس الەۋمەتتەنۋى ءۇشىن ارنايى الەۋمەتتىك-تاربيە جۇمىسى جونىندەگى باسقارما، فاكۋلتەتتەردە كۋراتورلار، ستۋدەنتتىك ءوزىن-وزى باسقارۋ ۇيىمدارى، ستۋدەنتتىك كلۋب، ءار ءتۇرلى ۇيىرمەلەر مەن كلۋبتار جۇمىس جاسايدى.
قازۇۋ-دىڭ تاربيە جۇمىسى دەگەندە اسا نازار اۋدارىپ ايتا كەتەتىن ءبىر تۇسى – ۋنيۆەرسيتەتىمىزدە جۇزەگە اسىرىلىپ كەلە جاتقان ءتورت الەۋمەتتىك جوبا. ولار «اينالاڭدى نۇرلاندىر»، «قازۇۋ ستۋدەنتى وقۋى ءتيىس 100 كىتاپ»، «سالاماتتى دەنە مادەنيەتى»، «Green Campus» جوبالارى. بۇل جوبالارعا جەكە توقتالىپ وتەتىن بولساق، عىلىم مەن تەحنيكانىڭ دامىعان زامانىندا ادامداردىڭ بويىندا رۋحاني قۇندىلىقتاردىڭ السىزدەنى بارا جاتقان تۇسىندا، ومىردەگى جاقسىلىق پەن جاماندىقتى اجىراتا بىلۋدە، الەمدى وزگەرتۋدى ادام تىكەلەي وزىنەن باستاۋى كەرەكتىگىن تۇسىندىرەتىن بىرەگە جوبا «اينالاڭدى نۇرلاندىر» جوباسى بولىپ تابىلسا، ءومىردى سۇرۋدەگى ماڭىزدى كەپىل دەنساۋلىق ەكەندىگىن، جان-جاقتى دامۋدا ماڭىزدى ورىندى سپورت الاتىندىعىن تۇسىندىرەتىن «سالاماتتى دەنە مادەنيەتى» جوباسى بولىپ تابىلادى. ال، «Green Campus» جوباسىنىڭ قالامىزدى، ۋنيۆەرسيتەتىمىزدى كوگالداندىرۋدا، جاسىل تەحنولوگيانى دامىتۋدا ماڭىزى زور. سونىمەن قاتار، ەلىمىزدىڭ بەلگىلى، ونەگەلى اقىن-جازۋشىلارى، ماماندارىنىڭ ساراپتاماسىمەن جاساقتالعان كىتاپتار ءتىزىمى «قازۇۋ ستۋدەنتى وقۋى ءتيىس 100 كىتاپ» جوباسى اياسىندا دايىندالدى جانە بۇل جوبا ستۋدەنتتەردىڭ ءوز ىلىمدەرىن كەڭەيتۋدە قوسىپ جاتقان ۇلەسى كوپ. بۇل جوبالاردان بولەك، سوڭعى جىلدارى ۋنيۆەرسيتەتىمىزدە «Al-Farabi Smart City» جوباسى دا قولعا الىنىپ كەلەدى. بۇل جوبانىڭ جاستاردى تاربيەلەۋدەگى تاريحي، يدەولوگيالىق ءرولى وتە ۇلكەن.
اتالعان جوبالار اياسىندا ۋنيۆەرسيتەتىمىزدىڭ كۋراتورلارى، ستۋدەنتتەرى، ستۋدەنتتىك ءوزىن-وزى باسقارۋ ۇيىمدارى، ۇيىرمەلەرى مەن كلۋبتارى ءار ءتۇرلى فورماتتارداعى ءىسشارالاردى ۇيىمداستىرىپ كەلەدى. سايكەسىنشە، بۇل ستۋدەنتتىڭ ءوزىن دامىتۋىنا ۇلكەن سەپتىگىن تيگىزىپ جاتقاندىعى ءسوزسىز.
سونداي-اق، ۋنيۆەرسيتەتىمىزدە ستۋدەنتتەردىڭ وزدەرىنىڭ كوشباسشىلىق، ۇيىمداستىرۋشىلىق، ماقسات قويا بىلۋشىلىك جانە ت.ب. قابىلەتتەرىن دامىتۋ ءۇشىن ستۋدەنتتىك ءوزىن-وزى باسقارۋ ۇيىمدارى جۇمىس جاسايدى. ال، ونەرلى، تالانتتى ستۋدەنتتەر ءو.جولداسبەكوۆ اتىنداعى ستۋدەنتتەر سارايىنداعى ستۋدەنتتىك كلۋبتىڭ جۇمىسىنا قاتىسا الادى.
جوعارىدا باياندالعانداردىڭ بارلىعى، ۋنيۆەرسيتەتتىڭ قوعامدىق ءومىرىنىڭ تەك ءبىر بولىگى عانا. ەلىمىزدىڭ ناعىز كوشباسشىلارىن، بىلگىر ماماندارىن دايىنداپ جاتقان قاراشاڭىراقتا الەۋمەتتىك ءومىر - ناعىز قىزىققا تولى ورتا.
بيوالۋانتۇرلىلىك جانە بيورەسۋرستار كافەدراسىنىڭ
پروفەسسور ق.ا.، ب.ع.ك. ەسيمسييتوۆا ز.ب.
بيوالۋانتۇرلىلىك جانە بيورەسۋرستار كافەدراسىنىڭ
اعا وقىتۋشىسى مانكيبايەۆا س.ا.، بيوتەحنولوگيا كافەدراسىنىڭ دوسەنتى، ب.ع.ك. ەرنازاروۆا گ.ي.
