سۋديا ناومي رەيس بۋحۆالد "سىن ايتۋشىلاردىڭ اككاۋنتتارىن بۇعاتتاۋ كونستيتۋسياعا ەنگىزىلگەن وزگەرىستەرە قايشى ارەكەت" دەيدى.

سارسەنبى كۇنى نيۋ-يورك سوتى اقش پرەزيدەنتى دونالد ترامپقا Twitter-دە تەرىس پىكىرلەر قالدىرعانداردىڭ پاراقشالارىن بۇعاتتاي المايتىنى تۋرالى قاۋلى قابىلدادى.

سۋديا ناومي رەيس ءبۋحۆالدتىڭ ايتۋىنشا، ترامتىڭ جازبالارىنا سىن ايتۋشىلار ءوز پىكىرلەرىن ەركىن جەتكىزۋگە قۇقىلى. ەگەر ترامپ ولاردى بۇعاتتاسا، كونستيتۋسياداعى ءسوز بوستاندىعىن بۇزعان بولادى.

بۋحۆالد Twitterء-دىڭ ينتەراكتيۆتى ورتا ەكەنىن ەسكەرتتى. وندا كەز كەلگەن ادام ترامپتىڭ ءار جازباسىنا ءتۇرلى اسەر بىلدىرۋگە قۇقىلى. ال ترامپ ءار سىني پىكىر قالدىرعان جەلى قولدانۋشىسىن بۇعاتتاپ وتىرسا، ساياسي ديسكۋسسيانى شەكتەيدى، سونىمەن قاتار اقش كونستيتۋسياسىنا قايشى ارەكەت ەتەدى.

ترامپقا سىني پىكىر جازامىن دەپ اككاۋنتى بۇعاتتالعان ازامات پاراقشاسىنا ريم اكەسى فرانسيسكتىڭ ترامپقا الاڭداپ قاراپ وتىرعان قىسقاشا ۆيدەوسىن جاريالاپ، مازمۇىنان «بۇكىل الەم سىزگە وسىنداي كوزقاراسپەن قاراپ وتىر» دەپ جازىپ قويعان.

ايتا كەتەيىك، اقش-تىڭ ارنايى پروكۋرورى روبەرت ميۋللەر ءبىر جىلدان اسا ۋاقىت بويى اقش-تا 2016 جىلى وتكەن  پرەزيدەنت سايلاۋىنا رەسەيدىڭ قاتىسى بار-جوعىن، بۇعان قوسا بۇل تەرگەۋگە ترامپتىڭ بوگەت كەلتىرۋ مۇمكىندىگىن تەكسەرىپ كەلەدى. وسىعان وراي پرەزيدەنتتى سىناۋشىلار كۇن سايىن ارتىپ ءارى اقش باسشىسىن كىنالى دەپ تاۋىپ، ترامپ پەن ونىڭ وتباسى مۇشەلەرىنە تۇرمە كيىمىن كيگىزىپ قويعان. ەندى ءبىرى  مۋلتفيلمدەردەگى كۇلكىلى كەيىپكەرلەرگە اينالدىرعان.

ال پرەزيدەنتتىڭ جاقتاۋشىلارى كەرىسىنشە ترامپتىڭ «امەريكا باتىرى» بولىپ تۇرعان سۋرەتتەرىن جاريالاپ، 2020 جىلعى سايلاۋدا دا ترامپتى پرەزيدەنت رەتىندە كورسەتىپ الەك.

دونالد ترامپ الەۋمەتتىك جەلىنى بەلسەندى قولداناتىن الەمدەگى جالعىز پرەزيدەنت. پرەزيدەنت Twitter جەلىسىندە ءجيى وتىرۋىن "حالىقپەن جاقىن بولۋ ءۇشىن" دەپ تۇسىندىرگەن ەدى.