الماتىلىق ايدا احمەتوۆا مەنينگوكوكك ينفەكسياسىنان كوز جۇمعان بەس جاستاعى ۇلى مەن 19 جاستاعى كەلىنى جايىندا ايتىپ بەردى، - دەپ جازادى تengrinews.kz. 

قايعىلى وقيعا ماۋسىمنىڭ 1-نەن 2-نە قاراعان ءتۇنى تىركەلگەن. دارىگەرلەر بالانىڭ ءولىمىن 2 ماۋسىم ساعات 02:00-دە تىركەگەن. ال 3 ماۋسىم تاڭعى 09:00-دە بالانىڭ تۋىستارى كەلىندەرىنىڭ كوز جۇمعانىن ەستىگەن. 

احمەتوۆانىڭ سوزىنشە، ءبىراز ۋاقىت بۇرىن ول كۇيەۋىمەن بىرگە قالادان وبلىسقا كوشكەن. وتباسى تاباكسوۆحوز اۋىلىنان جەر تەلىمىن ساتىپ العان، الايدا، ءالى قۇجاتىن تولىق بىتىرە الماپتى. سوندىقتان بالانى قالاداعى بالاباقشاعا اپارعان. بالا ايدا احمەتوۆانىڭ اتا-اناسىنىڭ قولىندا دۋمان ىقشاماۋدانىندا تۇرعان. سول ۇيدە ايدانىڭ ءىنىسى تۇرادى، ول تاياۋدا 19 جاستاعى ايجان ناۋرىزبايەۆاعا ۇيلەنبەك بولعان ەكەن. 

"مەن ينفەكسيالىق اۋرۋحانانىڭ قىزمەتكەرلەرىنە ريزامىن. ولار سوڭىنا دەيىن ارپالىستى. مەن ۇلىم اۋىرىپ جاتقان ۇيگە جەدەل جاردەم شاقىرتقانمىن. ولار تاباكسوحوزعا جىلدام كەلدى، ءبىراق، قالاعا اپارمايمىز، وبلىستاعىلاردى تالعار اۋرۋحاناسىنا جاتقىزۋ تۋرالى بۇيرىق بار دەدى. ولارعا قوڭىراۋ شالا المادىق، ينفەكسيالىق اۋرۋحانالارى بار ما بىلۋگە. كۇتىپ وتىرا المادىم، بالانى الىپ، قالاعا كەتتىم، سول جەردە جەدەل جاردەم شاقىردىم. 

جاقسى فەلدشەر جولىقتى، اۋرۋحاناعا تەز جەتكەنىمەن، كولىكتە 30 مينۋتتاي جاتتىق، ويتكەنى 12ء-شى اۋرۋحانادا بوس ورىن بولمادى. وسى 30 مينۋتتا توعىز بالانى الىپ كەلگەنىن كوردىم. بالالارىن وزدەرى الىپ كەلگەن اتا-انالار بار. كەزەك سۇمدىق بولدى.

10 مينۋت قارادى دا جانساقتاۋ بولىمىنە جاتقىزدى. بولدى. پەرىشتەمىزدەن ايىرىلىپ قالدىق.  قايعىدامىز. بار بولعانى بەس جاستا ەدى. وسى ۋاقىتتا انام كەلىنىمىزدىڭ كەشە اۋىرىپ قالعانىن ايتتى. بىردەن وعان قوڭىراۋ شالدىق - شامامەن تاڭعى 05.30-06.00-دا. ول ءوزىن تالعاردان قاسكەلەڭگە جەدەل جاردەممەن الىپ كەتىپ بارا جاتقانىن ايتتى. قىزۋى قاتتى كوتەرىلىپتى. 

تەلەفوندى فەلدشەرگە بەرۋدى سۇرادىم. سويلەسىپ، جاقىن ماڭداعى ينفەكسيالىق اۋرۋحاناعا جەتكىزۋىن سۇرادىم. قاسكەلەڭگە دەيىن شىدامايتىنىن، ۇلىمنان ءبىر ساعاتتا ايىرىلىپ قالعانىمدى ايتتى. "ۇلگەرمەيسىڭدەر، تاعى ءبىر ادامنان ايىرلعىمىز كەلمەيدى"، - دەدىم مەن. فەلدشەر ءبىزدى وبلىستا تۇراتىنىمزدى، ال ەڭ جاقىن اۋرۋحانا قاسكەلەڭدە ەكەنىن ايتتى. ويلاڭىزشى تالعاردان قاسكەلەڭگە، كەمى ەكى ساعات. ءبىز ودان دا ايىرىلىپ قالدىق، ءبىر وتباسىنان ەكى ادام. 

قازاقستاننىڭ بارلىق ازاماتتارىنا ايتاتىنىم! XXI عاسىردا ادامدار قالايشا ىندەتتەن كوز جۇمادى؟ نەگە ۇيىمداردى كارانتينگە جاپپايدى؟ الدىن الا تەكسەرۋگە بولماس پا ەدى؟ ۆاكسينا قايدا، نەگە ونىڭ قۇنى 22 مىڭ تەڭگە؟ بارلىعىنىڭ وعان قولى جەتە مە؟ بىرنەشە بالاسى بار، ال تابىسى 60 مىڭ تەڭگە عانا وتباسىلار نە ىستەمەك؟

ءبىر ەلدە تۇرىپ، اۋداندارعا بولىنەمىز، سۇمدىق-اي! ءبىر ەل ەمەسپىز بە، ءبىراق، تالعاردا تىركەۋدە تۇرعانداردى ەمدەي المايمىز! قازاقستان حالقىنا ءوتىنىشىم، وسى ماسەلەنى كوتەرۋ كەرەك! قازاقستاننىڭ بارلىق تۇرعىندارىنان، سايتتار مەن تەلەفونداردى بەرىپ، وسىنداي دەرتكە شالدىققاندارعا قاتىستى باسسىزدىق بولىپ جاتقانىن ءبارى بىلسە ەكەن. مال سياقتى قىرىلىپ جاتىرمىز، ال ىندەت تاراپ جاتقانى تۋرالى دابىل قاعىلىپ جاتقان جوق"، - دەيدى ايدا احمەتوۆا.  دىنمۇحاممەد اتا-اناسىمەن احمەتوۆانىڭ سوزىنشە، ۇلى ومىرگە قۇشتار جانە ءان سالعاندى ۇناتاتىن. ونى ءان ۇيىرمەسىنە بەرمەك بولعان ەكەن. 

"داۋىسى ادەمى، ۇيدە دە، بالاباقشادا دا ءبارى ونى جاقسى كورەتىن. ءانشى بولۋدى ارماندايتىن. كەشە انامنىڭ تۇسىنە كىرىپتى. ينفەكسيالىق اۋرۋحاناعا بارىپ، دارگىرەلرەگە گۇل سىيلاۋدى ءوتىنىپتى. ەسىمىزدى جيعان سوڭ، سولاي ەتەمىن. ءبىراق ءقازىر ەسىمىزدى جيا الار ەمەسپىز، ويتكەنى ۇلىمدى دا، كەلىنىمىزدى دە كورسەتپەيدى. جابىق كۇيدە اكەلەدى، ادامدار جۇقتىرىپ الماس ءۇشىن"، - دەيدى ول. 

"ۇلىمىزدى قيدىق، كوندىك. ءبىراق سوڭعى رەت بولسىن قۇشىپ، ءسۇيىپ، قانشالىقتى سۇيەتىنىمزدى ايتا الماي، جۇپار يىسىنە قۇشىرلانا قانباي الماي كەتكەنىمىزگە جانىم اۋىرادى. بىزدە قالعانى تەك تاماشا ەستەلىكتەر عانا. ونى قاتتى سۇيەمىز. ول ورتانىڭ گ ۇلى، بارىمەن دوس، ءپوزيتيۆتى ءارى كەك ساقتامايتىن ەدى. ول اۋزىن اشىپ، مەنەن سۇرايتىن ەدى: "جۇرەگىمدى كورىپ تۇرسىڭ با؟ ول جارتىلاي اكەمدىكىنە، ال ەكىنشى جارتىسى سەنىكىنە ۇقسايدى"، - دەيتىن. سول جۇرەگى ينفەكسيانى كوتەرە المادى. 

ۇلىم ايجاندى سۇيەتىن، ەندى ولار بىرگە. اللا كۇنالارىن كەشىرىپ، جاندارىنا تىنىشتىق بەرسىن. پەرىشتەمىزدىڭ قاسىندا بولعاي. وعان بارلىعى ءۇشىن ريزامىن"، - دەيدى ايدا احمەتوۆا.