الماتى قالاسى قوعامدىق دەنساۋلىق ساقتاۋ دەپارتامەنتىنىڭ ماماندارى قايتىس بولعان قالا تۇرعىندارىنىڭ مەنينگوكوك ينفەكسياسىنىڭ "ا" تۇرىمەن اۋىرعانىن انىقتادى، دەپ حابارلايدى Qamshy.kz اقپارات اگەنتتىگى. 

«ا» مەنينگيتتىڭ ەڭ اگرەسسيۆتى ءتۇرى. ينكۋباسيالىق كەزەڭ 2-10 ساعات ارالىعىندا جۇرەدى» دەيدى الماتى قالالىق قوعامدىق دەنساۋلىق ساقتاۋ دەپارتامەنتىنىڭ باسشىسى ايزات مولداعاسىموۆا.

ق ر دەنساۋلىق ساقتاۋ ءمينيسترى ەلجان ءبىرتانوۆ 2018 جىلى اتالعان دەرت بويىنشا 58 جاعداي تىركەلگەنىن حابارلاعان بولاتىن. 12 ادام كوز جۇمعان. قايتىس بولعانداردىڭ قاتارىندا بەس بالا بولسا، سىرتقاتتاردىڭ تىزىمىندە 18 جاستان 14 جاسقا دەيىنگى جاسوسپىرىمدەر بار.

سونىمەن قاتار، مينيستر "مەنينگيت بويىنشا ۆاكسينالاۋ جۇرگىزۋ ءتيىمسىز ءارى شىعىنى كوپ" دەپ پىكىر بىلدىرگەن بولاتىن

"وسىعان دەيىن ەلىمىزدە مەنينگوكوكك ينفەكسياسىمەن ءولىم دەڭگەيى جىل سايىن وزگەرىپ وتىردى، ەڭ تومەن جاعداي – 2016 جىلى 7 ادام قايتىس بولعان، ال ەڭ جوعارعى كورسەتكىش – 2015 جىلى 25 ادامنىڭ ءولىمى تىركەلگەن.

قازاقستان رەسپۋبليكاسىندا مەنينگوكوكك ينفەكسياسىمەن سىرقاتتانۋدىڭ ورتاشا دەڭگەيى – 100 مىڭ تۇرعىنعا شاققاندا 2،1. ءقازىر قازاقستانداعى سىرقاتتانۋ دەڭگەيى ءار 100 مىڭ تۇرعىندارعا 0،3ء-تى قۇرايدى.

الماتى قالاسىندا مەنينگوكوكك ينفەكسياسىنىڭ ورتاشا دەڭگەيى 4،0 بولسا، ءقازىر الماتى قالاسىندا 100 مىڭ تۇرعىنعا شاققاندا 1،7ء-نى قۇرايدى»، - دەدى ق ر دەنساۋلىق ساقتاۋ ءمينيسترى.

دۇنيەجۇزىلىك دەنساۋلىق ساقتاۋ ۇيىمىنىڭ ەپيدەميالاردى باسقارۋ جونىندەگى نۇسقاۋىنا  سايكەس، 2018 جىلى ەپيدەميالىق دەڭگەيدىڭ كورسەتكىشى اپتاسىنا 100 مىڭ تۇرعىنعا شاققاندا 3 جاعدايدى جانە 100 مىڭ تۇرعىنعا شاققاندا 10 جاعداي ەكەن.

مەنينگوكوكك ينفەكسياسى - ينفەكسيالىق جۇقپالى اۋرۋ، ول ءتۇرلى كلينيكالىق بەلگىلەرمەن باكتەريالار ارقىلى پايدا بولادى - تاراتۋشىدا بەلگىلەرى بىلىنبەيتىن بولۋى دا مۇمكىن نەمەسە نازوفارينگيتتەن (مۇرىن-جۇتقىنشاق قابىنۋى)، مەنينگيتتەن (مي قابىعىنىڭ قابىنۋى) بولۋى مۇمكىن. ينفەكسيانىڭ كوزى - اۋرۋ ادامدار جانە دەنى ساۋ تاراتۋشىلار.