قازگيدرومەت الداعى ءۇش كۇنگە ارنالعان اۋا رايى بولجامىن جاريالادى.

ەلىمىزدىڭ باسىم بولىگىندە اۋا تەمپەراتۋراسى قايتا تومەندەيدى. ال ەلدىڭ باتىسىندا دابىلدى ەسكەرتۋ جاريالانعان.

الداعى ءۇش كۇندە رەسپۋبليكانىڭ سولتۇستىك جارتىسىندا كەي جەرلەرگە وتكىنشى جاڭبىر جاۋىپ، كۇن كۇركىرەيدى، جەل كۇشەيىپ، اۋا تەمپەراتۋراسى تومەندەيدى. سونىمەن قاتار، قازاقستاننىڭ وڭتۇستىگىندە دە وتكىنشى جاڭبىر جاۋۋى مۇمكىن. اپتاپ ىستىقتىڭ بەتى قايتىپ، كۇندىز تەمپەراتۋرا +30+39 گرادۋستان +25+30 گرادۋسقا دەيىن تومەندەيدى.  

قازگيدرومەت  قاتتى جەلگە بايلانىستى باتىس قازاقستان وبلىسىندا دابىلدى ەسكەرتۋ جاريالادى. بۇگىن ەلدىڭ باتىسىندا نايزاعاي ويناپ، بۇرشاق ءتۇسۋى مۇمكىن، باتىستان سوعاتىن جەلدىڭ جىلدامدىعى 15-20 م/س-كە دەيىن بارادى. 

ورال قالاسىندا بۇگىن كۇندىز نايزاعاي ويناپ، بۇرشاق جاۋۋى ىقتيمال. باتىستان سوعاتىن جەلدىڭ ەكپىنى 18 م/س دەيىن كۇشەيەدى دەپ بولجانۋدا.   

ال ەرتەڭ بقو-نىڭ كەي جەرلەرىندە جەلدىڭ كۇشى 15-20 م/س دەيىن جەتەدى، ورالدا ەكپىنى 18 م/س دەيىن كۇشەيمەك.

داۋىلدى ەسكەرتۋدىڭ ىقتيمالدىلىعى – 90-95 پايىز.