تەمىر توسەكتە توسەنىشسىز جاتقان ناۋقاستى كورگەن دەنساۋلىق ساقتاۋ ءمينيسترى اۋرۋحانانىڭ باس دارىگەرىن جۇمىستان قۋدى، دەپ حابارلايدى ەۋرازيا تەلەارناسى.

الماتى وبلىسىنا ارنايى بارعان ەلجان ءبىرتانوۆ ايماقتاعى بارلىق اۋرۋحانالاردى ءوز كوزىمەن كورىپ، جەدەل جاردەم كولىگىن ساعاتتاپ كۇتەتىن تۇرعىنداردىڭ شاعىمىن دا تىڭدادى. مەنينگيت مەڭدەگەن مەگوپوليستەگى جاعدايدى ءوزى باقىلاۋعا الدى. سونداي-اق، باس دارىگەر بەس جاسار بالا مەن جەڭگەسىنىڭ ءولىمى دارىگەرلەردىڭ تازا قىلمىسى دەپ كەسىپ ايتتى. 

مينيستر ۇشاقتان تۇسە سالا اۋەلى تالعار اۋداندىق اۋرۋحاناسىنا بەت الدى. ويتكەنى، بەس جاسار بالا مەن جەڭگەسىنىڭ ولىمىنە تۋعاندارى ءدال وسىنداعى دارىگەرلەردى كىنالاعان ەدى. ىستىعى كوتەرىلىپ، 40 گرادۋسپەن تۇسكەن ناۋقاستى ءتۇن ورتاسىندا قابىلداماي، قاسكەلەڭدەگى جۇقپالى اۋرۋلار اۋرۋحاناسىنا جىبەرگەنى بار. ونى ەستىگەن مينينستر بارلىق ارىپتەستەرىن سۇراق استىنا الدى.

«قالاي بولعان سوندا؟ تالعار اۋدانىنىڭ تۇرعىنىن قاسكەلەڭگە قالاي جىبەرگەنسىزدەر؟ ەشقانداي ەلدە جۇقپالى اۋرۋعا شالدىققان ناۋقاستى تەك جۇقپالى اۋرۋلار اۋرۋحاناسىنا قارالۋ كەرەك دەگەن قاتىپ قالعان قاعيدا جوق! سىزدەردەگى نە زاڭ ول؟! بۇل قىلمىس!» - دەيدى ق ر دەنساۋلىق ساقتاۋ ءمينيسترى ەلجان ءبىرتانوۆ.  

وسىلايشا 19 جاستاعى قىزدىڭ ولىمىنەن سوڭ تالعار اۋداندىق اۋرۋحاناسىنىڭ قاتىپ قالعان زاڭى وزگەردى. الايدا، مامان تاپشى كورىنەدى. بۇل اۋداننان سوڭ ءبىرتانوۆ ەسىك قالاسىنا، ودان كەيىن №12 اۋرۋحاناعا باس سۇقتى. اياق استى بارسا كەرەك، تۇنگى 12-دە سىرتتا كەزەك كۇتكەن ناۋقاس كوپ. جاعاسىن ۇستاعان مينيستر ۇيىندە ۇيىقتاپ جاتقان دارىگەرلەردى جۇمىسقا شاقىرىڭدار دەپ اشۋلانا بۇيىردى.  

«مىنا جەردە قانشا ادام تۇر؟ بەس جۇزگە تارتا ناۋقاسقا ءۇش دارىگەر ماسقارا عوي؟ شاقىرىڭدار ۇيىندە جاتقان دارىگەرلەردى! قوسىمشا ورىن اشىڭدار دەگەنىمە ەكى كۇن بولدى عوي؟ جاعدايدى وزدەرىڭ ۋشىقتىرىپ جاتىرسىڭدار! مۇنداعى ءۇش-اق ادام مەنينگيتكە شالدىعۋى مۇمكىن» - دەيدى ق ر دەنساۋلىق ساقتاۋ ءمينيسترى ەلجان ءبىرتانوۆ.  

جەرگىلىكتى دەنساۋلىق ساقتاۋ باسقارماسى مەن شەندىلەردىڭ مازاسىن تۇنگى ۇشكە دەيىن العان ەلجان ءبىرتانوۆ نوكەرلەرىمەن تاڭ اتا تاعى قاسكەلەڭدەگى جۇقپالى اۋرۋلار اۋرۋحاناسىنا باردى. مۇندا دا جەدەل جاردەمدى ساعاتتاپ كۇتكەن تۇرعىندار، ءالى ءبىر ەكپە ەگىلمەگەن ناۋقاس كوپ. ءمينيستردى كورىپ بىرىنەن سوڭ ءبىرى بوتاداي بوزداپ شاعىمداندى.   

- مىنە، تۇنگى ون ەكىدە مەن جىلاعان سوڭ ءبىر-اق كەلدى. نە بولىپ جاتىر؟ نە سۇمدىق؟ سوعىس پا؟  وت 300 ۆىزوۆوۆ ۆ سۋتكي. ۆيديمو پەرەدالي كاك تەمپەراتۋرا.  سلۋشايتە، ۆى سموتريتە تەليەۆيزور؟ زناەتە چتو تۆوريتسيا ۆ سترانە؟ 

ول ازداي، تەمىر توسەكتە توسەنىشسىز جاتقان ناۋقاستى كورگەن مينيستر تىپتەن اشۋلاندى. اۋرۋحانانىڭ باس دارىگەرى ولقىلىقتىڭ ورنىن تولتىرامىز دەپ قانشا تۇسىندىرمەك بولعانىمەن، ەرجان ءبىرتانوۆ قولىن ءبىر سىلتەپ، ونى جۇمىستان قۋىپ شىقتى. 

- پريام پرۋجينادا جاتىر.

- مى يسپراۆيمسيا. سلۋچاينو پولۋچيلاس

- پوزدنو ۋجە يسپراۆلياتسيا رابوتات نادو. 

سويتسە، قاسكەلەڭدەگى بۇل اۋرۋحانا وتكەن جىلى تەكسەرىس كەزىندە قاتتى سىنعا ىلىگىپتى. ماۋسىم ايىنا دەيىن تۇزەلەمىن دەگەن دارىگەرلەرگە 20 ايلىق ەسەپتىك كورسەتكىش ايىپپۇل دا سالىنعان. ءبىراق، ەش وزگەرىسسىز. 

ال، بارلىق اۋرۋحانالاردى ارالاپ بولعان سوڭ مينيستر جۋرناليستەرمەن باسپا ءسوز وتىرسىن وتكىزدى. جاعداي ءبىر قالىپتى دەيدى. بۇگىنگە دەيىن 59 ادام جۇقپالى دەرتكە شالدىقسا، 13 ناۋقاس قايتىس بولعان. ونىڭ التاۋى الماتى وبلىسىندا. ءبىراق، ءبىرتانوۆتىڭ مازاسىن العان مەنينگيتتەن مەگاپوليس سوڭعى ءۇش كۇندە تىنىش. ونىڭ ءوزىن دارىگەرلەر ۋشىقتىرىپ جاتىر دەدى»