لوندونداعى ۆەستمينستەر ابباتتىعىندا بەلگىلى فيزيك عالىم ستيۆەن حوكينگتىڭ سۇيەگىنىڭ كۇلىن جەرلەۋ ءراسىمى ءوتتى. راسىمگە دوستارى، تۋىستارى جانە عىلىمي سالاداعى ارىپتەستەرى قاتىستى.
بۇعان قوسا الەمنىڭ ءتۇرلى ەلدەرىنەن حوكينگتىڭ جانكۇيەرلەرى قاتىستى. جالپى 25 مىڭعا جۋىق ادام عالىمدى جەر قويناۋىنا تاپسىردى. ونى ايگىلى عالىمدار چارلز دارۆين مەن يسااك نيۋتوننىڭ زيراتتارىنىڭ قاسىنا جەرلەدى.
جاناما امفيوتروفيكالىق سكلەروز اۋرۋى سالدارىنان سال اۋرۋىنا ۇشىراعان حوكينگ بيىل ناۋرىزدا 76 جاسىندا قايتىس بولعان. سىرقاتىمەن 50 جىلدان استام ۋاقىت ءومىر سۇرگەن عالىم كۆانتتىق كوسمولوگيانىڭ نەگىزىن سالۋشىلاردىڭ ءبىرى بولدى، ول "ۇلكەن جارىلىس" ناتيجەسىندە الەمنىڭ پايدا بولعانى تۋرالى تەوريانى زەرتتەپ، "قارا تەسىك" تەورياسىن اشۋعا كوپ ەڭبەك ءسىڭىردى. دەرت سالدارىنان تەك بەت بۇلشىق ەتتەرى عانا ساۋ قالعان حوكينگ داچيكتىڭ كومەگىمەن كومپيۋتەردى باسقارعان.
عالىم قايتىس بولعاننان كەيىن ونىڭ ايگىلى مەحانيكالىق داۋىسىنىڭ جازباسى ەۋروپالىق Cebreros اەروعارىش ستانسياسىنىڭ كومەگىمەن عارىشقا راديوسيگنال تۇرىندە جولدانعان. قىزى ليۋسي حوكينگتىڭ سوزىنشە، بۇل سيگنال "بينارلىق جۇيەدەگى ەڭ جاقىن 1A 0620-00 قارا تەسىگى" جاققا قاراي جىبەرىلگەن.
