قازاقستان رەسپۋبليكاسىندا 2018 جىلدىڭ باسىنان باستاپ مەنينگوكوكك ينفەكسياسىنىڭ 62 جاعدايى تىركەلدى، ونىڭ ىشىندە ستاسيونارلىق ەمدەۋدە 7 ادام، 42 ادام شىعارىلعان جانە 13 جاعداي ولىممەن اياقتالعان: الماتى ق. – 6 جاعداي، الماتى وبلىسىندا – 3 جاعداي، وڭتۇستىك قازاقستان وبلىسىندا - 3 جاعداي جانە قىزىلوردا وبلىسىندا – 1 جاعداي، دەپ جازادى Qamshy.kz اقپارات اگەنتتىگى ق ر دسم باسپا ءسوز قىزمەتىنە سىلتەمە جاساپ.  

ەپيدەمياعا قارسى ءىس-شارالار جالعاسۋدا.

پروفيلاكتيكاسى

كاتارالدىق بەلگىلەرى (تاماق قىزارۋ، دەنە قىزۋىنىڭ كوتەرىلۋى، باستىڭ اۋىرۋى، السىزدىك) بار اۋرۋدىڭ العاشقى سيمپتومدارى پايدا بولعان كەزدە قالانىڭ ينفەكسيالىق اۋرۋلار ستاسيونارلارىنىڭ قابىلداۋ بولىمدەرىنە نەمەسە جاقىن جەردەگى ەمدەۋ مەكەمەسىنە جۇگىنۋ قاجەت.

ءارتۇرلى مادەني-كوپشىلىك ءىس-شارالارعا قاتىسۋدى، ءجۇزۋ باسسەيندەرىنە، ساۋدا-ويىن-ساۋىق ورتالىقتارىنداعى ويىن الاڭدارىنا بارۋدى شەكتەۋ، جەكە گيگيەنانى ساقتاۋ قاجەت.

ۇيىمداستىرىلعان ۇجىمداردا بولمەلەردى ءجيى جەلدەتۋ، ىلعالدى تازالاۋ جۇرگىزۋ كەرەك.

سوزىلمالى ينفەكسياسى بار  وشاقتارعا ساناسيالاۋ جۇرگىزگەن ماڭىزدى، بالالاردا بۇل كوبىنە لور-ورگاندارىنا قاتىستى، سوندىقتان بالالار وتورينولارينگولوگىنا ءجيى بارۋ جانە مۇمكىندىگىنشە پروفيلاكتيكالىق تۇردە بولۋى كەرەك.

تەك قايناعان نەمەسە بوتەلكەدەگى سۋدى قولدانۋ قاجەت.

سۋىقتاۋ، اشىعۋ، ۇيقىنىڭ قانباۋى، سترەسس جانە ت.ب. بولدىرماۋ قاجەت.

اۋرۋدى ەمدەگەننەن ونىڭ الدىن العان الدەقايدا جەڭىل ەكەندىگىن ءارقاشان ەستە ساقتاۋ قاجەت!