پرەزيدەنت نۇرسۇلتان نازاربايەۆتىڭ نەمەرەسى، داريعا نازاربايەۆانىڭ جالعىز قىزى ۆەنەرا تۇرمىسقا شىقتى. توي الماتىدا 23 ماۋسىمدا ءوتتى.

ۆەنەرا اتاقتى شايجۇنىسوۆتەر اۋلەتىنىڭ ۇرپاعى دالەنمەن نەكەلەستى. دالەن الماتىدا تۋىپ ءوستى، ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتىن بىتىرگەن.

ۆەنەرا – قازىرگى تاڭدا ستۋدەنت، اناسى داريعا نازاربايەۆا باستاعان قايىرىمدىلىق اكسيالارىمەن اينالىسادى.

ۆەنەرا مەن دالەن ەكى جىل بۇرىن تانىسىپ، جاقىن ارالاسقان كورىنەدى. بيىل مامىردىڭ باسىندا ەكى جاس نەكەلەرىن قيعان.

ال توي الماتىداعى Ritz-Carlton قوناق ءۇيىنىڭ سالتانات سارايىندا ءوتتى. شاراعا جاستاردىڭ ەڭ جاقىن تۋىستارى مەن دوستارى جينالدى. ەلباسى مەن قازاقستان رەسپۋبليكاسىنىڭ ءبىرىنشى حانىمى دالەن مەن ۆەنەراعا اق باتالارىن بەرىپ، باقىتتى وتباسىلىق ءومىر جولىندا ساتتىلىك تىلەدى.

ۇيلەنۋ توي قازاقى سالت-داستۇرلەرگە ساي ءوتتى. تويعا داريعا نازاربايەۆانىڭ دوسى، شىعارماشىلىق سەرىكتەسى فيليپپ كيركوروۆ كەلىپ، جاستارعا ەرەكشە سىي تارتۋ ەتتى.

داريعا نازاربايەۆانىڭ وتباسىندا ۆەنەرادان بولەك ەكى ۇل ءوسىپ جاتىر. ءبىرى اسىلجان 7 جاستا، سونىمەن قاتار نەمەرەسى سۇلتان دا 7 جاستا.