قازاقستاندىقتار ريگا تەحنيكالىق ۋنيۆەرسيتەتىندە تەگىن ءبىلىم الۋ گرانتتارىنا يە بولا الادى. بۇل جايىندا بولاشاق حالىقارالىق باعدارلاملاار ورتالىعىنىڭ سايتىندا حابارلاندى.
ريگا تەحنيكالىق ۋنيۆەرسيتەتى (رتۋ) – بالتىق ەلدەرىندەگى جەتەكشى تەحنيكالىق ۋنيۆەرسيتەت، 1862 جىلى قۇرىلعان جانە لاتۆيانىڭ استاناسى – ريگانىڭ قاق ورتاسىندا ورنالاسقان.
رتۋ-دا 15000 ستۋدەنت، ونىڭ ىشىندە 75 ەلدەن كەلگەن 2000 شەتەلدىك ستۋدەنتتەر ءبىلىم الادى.
رتۋ باكالاۆر، ماگيستر، دوكتورانتۋرا بويىنشا ەكونوميكا، بيزنەس، مەحانيكا، ينفورماتيكا، تەلەكوممۋنيكاسيا، ەنەرگەتيكا، كولىك (اۆياسيا، تەمىرجول)، قۇرىلىس، حيميا، مەديسينا، قولدانبالى لينگۆيستيكا جانە ت.ب. سياقتى بارلىق باعىتتاردا ينجەنەرلىك جانە بيزنەس باعدارلامالارىن ۇسىنادى.
رتۋ كۇندىزگى وقۋ باعدارلامالارىمەن (باكالاۆريات، ماگيستراتۋرا جانە PhD دوكتورانتۋرا) قاتار، بىلىكتىلىكتى ارتتىرۋ باعدارلامالارى، قىسقا كۋرستار، وقىتۋ، تاجىريبە الماسۋ باعدارلامالارى جانە جازعى مەكتەپتەردى ۇسىنادى.
رتۋ قازاقستان ستۋدەنتتەرىنە 20 گرانت ءبولدى.
رتۋ تومەندەگى باعىتتار بويىنشا (وقۋ باعدارلامالارى) 20 (جيىرما) ماگيسترانتقا ءبىرىنشى وقۋ جىلىندا تەگىن وقۋدى ⃰ ⃰ ⃰ ۇسىنادى:
- تەمىرجول كولىگى — Railway Transport
- كومپيۋتەرلىك جۇيەلەر — Computer Systems
- تەلەكوممۋنيكاسيا — Telecommunications
- اۆياسيالىق كولىك — Aviation Transport
- ينجەنەرلىك تەحنولوگيالار، مەحانيكا جانە ماشينا جاساۋ — Engineering Technologies، Mechanics and Mechanical Engineering
⃰ ⃰ ⃰ ەكىنشى وقۋ جىلىن ستۋدەنت ءوزى تولەيدى، ءبىراق ستۋدەنت باسقا ستۋدەنتتەرمەن بىرگە ەكىنشى وقۋ جىلىندا دا تەگىن وقۋعا لاتۆيا ستيپەندياسىنا نەمەسە ەراسمۋس + (باسقا ەۋروپا ەلدەرىندە تەگىن وقۋعا) ستيپەندياسىنا ۇمىتكەر بولا الادى.
قۇجاتتاردى تاپسىرۋ ءتارتىبى:
- ونلاين تىركەلۋ www.apply.rtu.lv
قۇجاتتار ءتىزىمى:
- موتيۆاسيالىق (ۋاجدەمەلىك) حات
- تۇيىندەمە
- باعالارى كورسەتىلگەن باكالاۆر ديپلومى
- اعىلشىن ءتىلىن بىلەتىندىگىن راستايتىن قۇجات (IELTS 6+، TOEFL IBT 79+، TOEFL PBT 550+)قۇجاتتاردى تاپسىرۋ مەرزىمى — 1 تامىز.
