برازيليادا مەكتەپ وقۋشىلارى ەكى اي بويى جالاقى الماي، مەكتەپتە تۇرىپ جۇرگەن مۇعالىمگە اقشا جيناپ بەرگەن.

برۋنو رافاەليا دە پايۆا برەجۋ-سانتۋ مۋنيسيپاليتەتىنە 2018 جىلدىڭ ناۋرىزىندا كوشىپ بارىپ، دەنساۋلىعىنا بايلانىستى ۋاقىتشا دەمالىسقا شىققان ءمۇعالىمنىڭ ورنىندا جۇمىس ىستەدى. بۇل ارەكەتى ءۇشىن ءمۇعالىم اقشا دا الماعان، ال وتباسىن دوستارىنىڭ كومەگى ارقىلى اسىراپ وتىردى.

جالعا العان ۇيىنە تولەيتىن اشا بولماعاندىقتان، مەكتەپتە تۇرۋىنا تۋرا كەلەدى. دە پايۆانىڭ بۇل ماسەلەسىنەن حاباردار بولعان وقۋشىلار ۇستازدارىنا اقشا جيناۋعا كىرىسەدى. جينالعان قاراجاتتىڭ جالپى كولەمى – 400 برازيليالىق رەالدى (6 600 رۋبل) قۇرادى.

اقشا سالىنعان قوراپشانى مەكتەپ وقۋشىلارى ءمۇعالىم وتىراتىن ۇستەلدىڭ ۇستىنە قويىپ قويادى. ونى اشىپ كورگەن دە پايۆانىڭ كوزىنەن ەرىكسىز جاس شىقتى.

مەكتەپ ديرەكتورى مۇعالىممەن كەلىسىمنىڭ 20 ناۋرىزدا اياقتالعانىنا بايلانىستى اقشا تۇسىرمەگەنىن ايتىپ اقتالدى.