بيىل 3 شىلدەدە استانادا «قازاقستاندىق جاھاندىق ينۆەستيسيالىق دوڭگەلەك ۇستەل» فورۋمى وتەدى. فورۋمعا حالىقارالىق ساراپشىلار مەن قازاقستان ۇكىمەتى قاتىسادى. بۇل تۋرالى ۆەدومستۆونىڭ رەسمي سايتىندا حابارلاندى.

500-دەي ۇيىم وكىلدەرى شاقىرىلعان بۇل فورۋم حالىقارالىق جانە قازاقستاندىق جوعارى دەڭگەيدەگى كوممەرسيالىق جانە قارجىلىق ديرەكتورلار، ينۆەستورلار،  پىكىر كوشباسشىلارى مەن حالىقارالىق ب ا ق وكىلدەرى قاتىساتىن ەكسكليۋزيۆتى جيىن. فورۋمدى قازاقستان رەسپۋبليكاسىنىڭ پرەمەر-مينيسترى باقىتجان ساعىنتايەۆ ۇكىمەتتە ەكونوميكالىق ماسەلەلەر بويىنشا ماماندانعان جەتەكشى لاۋازىمدى تۇلعالاردىڭ قاتىسۋىمەن جيناپ وتىر. نەگىزگى ماقساتتارى:

جاڭا وقيعالاردى زەردەلەۋ جانە ەلدە ىسكەرلىك ورتا قالىپتاستىرۋعا اتسالىسۋ، سونىمەن قاتار قازاقستاننىڭ جاڭا بۋىن جاس ۇرپاعىن دامىتۋعا بەلسەندى قاتىسۋ؛

«جاڭا جىبەك جولى» جانە باسقا وڭىرلىك باستامالار ءۇشىن ازىرلەنگەن ماتەريالدىق-تەحنيكالىق بازانىڭ اۋقىمدى قۇرىلىسىن كاپيتالداندىرا وتىرىپ، ناقتى جوبالار ازىرلەۋ جانە ولاردى ورىنداۋ؛

پرەزيدەنت نازاربايەۆتىڭ 3.0 «مودەرنيزاسيا» ساياساتىندا اتالعان ۇكىمەتتىڭ جاڭا ينۆەستيسيالىق ساياساتى بويىنشا جان-جاقتى تۇسىنىك الۋ.

نەلىكتەن قازاقستان؟

-  حالقىنىڭ جالپى سانى  183 ميلليون جانە ءجىو (سقپبويىنشا) 4 تريلليون اقش دوللارىن قۇرايتىن ءىرى جانە سالىستىرمالى تۇردە قولايلى ەاەو نارىعىنا قازاقستان جەڭىلدەتىلگەن قولجەتىمدىلىك ۇسىنادى؛

- ءوزىنىڭ بىرەگەي گەوەكونوميكالىق ورنالاسۋىنىڭ ارقاسىندا قازاقستان ورتالىق ازيا ەلدەرىنىڭ دامۋىنا جاڭا سەرپىن بەرۋ ءۇشىن ەڭ الدىڭعى پوزيسيادا تۇر، بۇل جۇڭگو مەن ەو ەلدەرى اراسىندا اناعۇرلىم ءتيىمدى بايلانىس ورناتۋ ماقساتىندا ىسكە اسىرىلىپ جاتقان قىتايدىڭ «جاڭا جىبەك جولى» باستاماسىمەن بايلانىستى

- قازاقستان بۇل تەندەنسيالارعا وزىق وندرىستىك تەحنولوگيالاردىڭ (سۇرانىم بويىنشا ءوندىرۋ، 3D قۇراعىش بۇيىمدار ءوندىرىسى، قورلاردى جاساندى ينتەللەكت كومەگىمەن باسقارۋ جانە ت.ب.) ينۆەستيسيالىق الەۋەتىن اشۋعا باعىتتالعان كەشەندى ەكونوميكالىق باعدارلامالاردى ىسكە اسىرۋمەن جاۋاپ بەرۋدە، بۇل باعدارلامالار اگروونەركاسپتىك دامۋدى كەڭەيتۋگە، دايىن ونىمدەر شىعارۋعا جانە ت.ب. – ياعني جاڭا جاھاندىق جەتكىزىلىمدەر تىزبەگى ءۇشىن زاماناۋي وندىرىستىك الاڭ قۇرۋعا باعىتتالعان.

بۇل فورۋم كەلەسى مۇمكىندىكتەردى ۇسىنادى:

ەلدىڭ ىسكەرلىك ورتاسىنداعى جاڭا ازىرلەنىمدەردى زەرتتەۋ، سونىمەن قاتار كەلەشەك ۇرپاقتى قالىپتاستىرۋدىڭ قازاقستاندىق باعدارلاماسىن قولداۋ جانە وعان بەلسەندى قاتىسۋ؛

«جاڭا جىبەك جولى» سياقتى وڭىرلىك باستامالارعا نەگىزدەلگەن كولەمدى لوگيستيكالىق ينفراقۇرىلىم قۇرۋمەن بايلانىستى ناقتى جوبالاردى ىزدەۋ جانە ىسكە اسىرۋ

پرەزيدەنت نازاربايەۆتىڭ «مودەرنيزاسيا 3.0» ساياسي پلاتفورماسىمەن، جەكەشەلەندىرۋ شارالارىمەن، «استانا» حالىقارالىق قارجى ورتالىعى» باستاماسىمەن جانە وسىلارمەن بايلانىستى ىسكەرلىك مۇمكىندىكتەرمەن نىعايتىلعان ۇكىمەتتىڭ جاڭا ينۆەستيسيالىق ستراتەگياسى تۋرالى تولىققاندى تۇسىنىك قالىپتاستىرۋ.