باقىت دەگەندى قالاي تۇسىنەسىز؟ بالكىم ءسىز ءۇشىن باقىت اقشادا بولار، بولماسا جوعارعى لاۋازىمدى باقىت دەپ سانارسىز، الدە وتباسى، بالا-شاعاڭىز ۇلكەن باقىت شىعار. قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ بۇل سۇراققا جاۋاپ بەردى. ول - مەملەكەت باسشىسى، ەڭ جوعارعى لاۋازىم يەسى، ال سونداي تۇلعا باقىت دەگەن ءسوزدى قالاي تۇسىنەدى دەيسىز عوي؟! اقوردانىڭ Instagram-داعى پاراقشاسىندا ەلباسىمەن سۇحباتتىڭ قىسقاشا نۇسقاسى جاريالاندى.
«باقىتتىڭ مەرزىمى قىسقا. باقىتتى كەيبىرەۋلەرى ماڭگىلىك دەپ ويلايدى. باقىت دەگەن ءبىر ءسات قانا. نەمەرەلەرىم مەن بالالارىمنىڭ ناپ-نازىك قولدارىمەن موينىمنان قۇشقانى – ۇلكەن باقىت. جاقىندا عانا وقىعانىم بار ەدى. لوندونداعى ۋنيۆەرسيتەتتەردىڭ بىرىندە 15 مىڭ ادامنان باقىت دەگەن ءسوزدىڭ ماعىناسىن سۇراعان ەكەن. ءبىرىنشى ورىندا «بالالار، وتباسى» دەگەن جاۋاپ تۇر»، - دەدى ەلباسى سۇحباتى بارىسىندا.
پىكىر قالدىرۋ