بەلارۋسيادا قازاقستاننىڭ تانىمال ءانشىسى روزا رىمبايەۆانىڭ ەسىمى جازىلعان جۇلدىز ورناتىلدى. بۇل تۋرالى ءانشى ءوزىنىڭ Instagram-داعى پاراقشاسىندا جازدى، دەپ حابارلايدى Qamshy.kz اقپارات اگەنتتىگى.
«مەنىڭ قىمباتتىلارىم! بۇگىن ۆيتەبسك قالاسىنداعى جۇلدىزدار الاڭىندا مەنىڭ ەسىمىم جازىلعان جۇلدىز اشىلدى. سلاۆيان بازارى ونەر فەستيۆالىنىڭ باسشىلىعىنا جانە ەل پرەزيدەنتى لۋكاشەنكوعا وسىنداي كەرەمەت فەستيۆال ۇيىمداستىرعاندارى ءۇشىن العىس ايتامىن. مەن باقىتتىمىن! روزالارىڭىز قاشان دا سىزدەرمەن»، - دەپ جازدى روزا رىمبايەۆا پاراقشاسىندا.
ايتا كەتەيىك، قازاقتىڭ ەسترادالىق ءانشىسى، اكتريسا، پەداگوگ-پروفەسسور روزا قۋانىش قىزى ق ر مادەنيەت جانە سپورت مينيسترلىگى ۇيىمداستىراتىن كەشتەردەن بىرنەشە جىلعا شەتتەتىلگەنى جايلى مالىمدەگەن ەدى.
بۇدان بۇرىن ءانشى «رويال جوق ەكەن» دەگەن ءبىر اۋىز ءسوزى ءۇشىن تۋعان قالاسى سەمەيدىڭ كەشتەرىندە ونەر كورسەتۋ مۇمكىندىگىنەن ايىرىلعان. كەيىن مادەنيەت مينيسترلىگى ۇيىمداستىرعان كەشتەردەن دە بەس جىلعا دەيىن شەتتەتىلدى. مۇنى روزا قۋانىش قىزى وڭىرلىك كوممۋنيكاسيالار قىزمەتىنىڭ باسپا ءسوز ءماسليحاتى كەزىندە ايتقان بولاتىن. بۇعان قوسا ءانشى استانانىڭ 20 جىلدىعىنا ارنالعان مەرەكەلىك كەشتەردە دە بوي كورسەتپەدى.
