ديماش قۇدايبەرگەننىڭ جانكۇيەرلەرى «سلاۆيان بازارى - 2018» حالىقارالىق بايقاۋىندا شىرقاعان ءانىن ەفيردەن قيىپ تاستاعان بەلتەلەراديوكومپانياسىنا اشىق حات جولدادى. حات مازمۇنى ءانشىنىڭ ينستاگرام جەلىسىندەگى فان-پاراقشاسىندا جاريالاندى، دەپ حابارلايدى Qamshy.kz اقپارات اگەنتتىگى.

«قۇرمەتتى بەلتەلەراديوكومپانيا @belteleradiocompany!

ديماش كۇدايبەرگەننىڭ @kudaibergenov.dimash كوپتەگەن مەملەكەتتەردەگى فان-كلۋبتارىنىڭ وكىلدەرى ءوز كۋميرىن XXVII «سلاۆيان بازارى» @festivalvitebsk اياسىندا كورۋ ءۇشىن ۆيتەبسكىگە ارنايى كەلدى. فەستيۆالدىڭ اشىلۋى كەزىندەگى ديماش قۇدايبەرگەننىڭ ونەر كورسەتۋى ۇلكەن جەتىستىككە يە بولدى، وعان زالدا وتىرعان كورەرمەندەردىڭ بارلىعىنىڭ كوزى جەتتى. «مير» مەملەكەتارالىق تەلەراديوكومپانياسى @mir24tv 13 شىلدە كۇنى تاراتقان كونسەرتتىڭ تەليەۆيزيالىق نۇسقاسىنان ديماش قۇدايبەرگەننىڭ ونەر كورسەتۋى قيىلىپ تاستالدى، ءسويتىپ تاۋەلسىز مەملەكەتتەر دوستاستىعىنىڭ سان ميلليونداعان اۋديتورياسى قازىرگى زاماننىڭ اسقان تالانتتى ءارتىسىنىڭ ونەرىن كورۋ مۇمكىندىگىنەن ايرىلدى.

«مير» مەملەكەتارالىق تەلەراديوكومپانياسى 1992 جىلى تمد قاتىسۋشى-مەملەكەتتەردىڭ باسشىلارىنىڭ كەلىسىمىنە سايكەس ساياسي، ەكونوميكالىق جانە گۋمانيتارلىق ىنتىماقتاستىق، سونىمەن قاتار ورتاق اقپاراتتىق كەڭىستىك قالىپتاستىرۋ جانە حالىقارالىق اقپارات الماسۋعا جاردەمدەسۋ ماقساتىندا قۇرىلدى.

الەمدە ديماش قۇدايبەرگەننىڭ 40 شاقتى فان-كلۋبى جانە جالپى سانى 5 ميلليوننان ارتىق جانكۇيەرلەرى بار. سىزدەرگە بەلگىلى، ديماش، تولىپ جاتقان جانكۇيەرلەرى ونى ءدال وسىلاي جاي عانا اتىمەن اتايدى، 2015 جىلى «سلاۆيان بازارىندا» گران-پريدى جەڭىپ الدى جانە فەستيۆالعا ءۇشىنشى رەت قوناق رەتىندە قاتىستى. بيىل ديماش سونىمەن قاتار بالالار بايقاۋىنىڭ ءادىل قازىلار مۇشەسى بولدى. فەستيۆالدىڭ اشىلۋىنداعى ونىڭ جارقىن ونەر كورسەتۋى ءجاي عانا تابىستى ەمەس، باق-دا ۇلكەن رەزونانس تۋدىرعان باستى وقيعا بولدى.ءار ءتۇرلى تىلدە ءان ايتاتىن قازاقستاننىڭ جاس وكىلىنىڭ بارلىق شىعارماشىلىعى وتانىنا دەگەن سۇيىسپەنشىلىك قانا ەمەس، ەلدەر اراسىنداعى حالىقارالىق جانە باسقا دا كەدەرگىلەردى جويۋعا باعىتتالعان، اسقاق ونەردىڭ ۇلگىسى بولىپ تابىلادى. ديماش قۇدايبەرگەننىڭ ونەرىن كورسەتۋ ارنانىڭ نەگىزگى قاعيداسى – بەيبىتشىلىك پەن حالىقتار اراسىنداعى دوستىقتى ورناتۋ ءۇشىن ەلدەر اراسىندا اقپارات الماستىرۋدى ءارى قاراي دامىتۋعا اسەرىن تيگىزەتىنى ءشۇباسىز ەدى.

ءبىز، ديماش قۇدايبەرگەننىڭ دارىنىنا باس يۋشىلەر، «مير» ترك باسشىلارىنا اشىق حات جولداپ، نە سەبەپتى كونسەرت قىسقارتىلىپ كورسەتىلگەنىن ءتۇسىندىرۋدى سۇرادىق. 

ءبىزدىڭ قولىمىزعا تيگەن «مير» ترك رەسمي جاۋابىندا اشىلۋ سالتاناتىنىڭ قىسقارتىلىپ كورسەتىلگەندىگى ءۇشىن جاۋاكەرشىلىكتى بەلتەلەراديوعا جۇكتەدى، ويتكەنى كەلىسىم-شارت بويىنشا «مير» ترك سىزدەردەن «سلاۆيان بازارىنىڭ» دايىن نۇسقاسىن العان ەكەن.

وسىعان بايلانىستى زاڭدى سۇراق تۋىندايدى – نەلىكتەن قازاقستاندىق ورىنداۋشى ديماشتىڭ جانە ونىڭ ميلليونداعان اۋديتورياسىنىڭ مۇددەسىنە نۇقسان كەلتىرەتىن، وسىنداي قىسقارتىلعان نۇسقا جاسالعان جانە تاراتىلعان؟ سىزدەردەن نەمقۇرايلى ەمەس، تولىق قامتىلعان بىلىكتى جاۋاپ الامىز دەپ ۇمىتتەنەمىز.

قۇرمەتپەن، فان كلۋبتار» دەلىنگەن ءانشىنىڭ فان-پاراقشاسىنداعى جازبادا.

ايتا كەتەيىك، ديماش قۇدايبەرگەن بەلارۋسيا تورىندە «سلاۆيان بازارى - 2018» حالىقارالىق فەستيۆالىندە شىرقاعان اندەرى رەسەيلىك «رتر» مەن «مير» تەلەارناسىنىڭ ەفيرىنەن الىنىپ تاستالعان. مۇنداي جاعداي بۇعان دەيىن دە بولعان. بىلتىر ديماش «سلاۆيان بازارى» بايقاۋىنا قوناق رەتىندە بارىپ، ءان شىرقاعان، الايدا ديماشتى ەفيردەن قيىپ تاستاپ ءانشىنىڭ تىڭدارماندارىنىڭ شامبايىنا تيگەن ەدى. بيىل ءدال سونداي جاعداي تاعى دا قايتالانىپ وتىر. بۇل جولى تىڭدارماندارى ءۇنسىز قالماۋدى ءجون كوردى.