ق ر مادەنيەت جانە سپورت مينيسترلىگى تاپسىرىسى بويىنشا ش.ايمانوۆ اتىنداعى «قازاقفيلم» اق جارىققا شىعارعان «التىنەمەل» دەرەكتى ءفيلمى قحر-نىڭ تايچجوۋ قالاسىندا وتكەن كينو جانە تۋريزم سالاسىنداعى ازيالىق ونەر اپتالىعىندا «شەتەلدىڭ ۇزدىك دەرەكتى ءفيلمى» جۇلدەسىمەن ماراپاتتالدى، دەپ حابارلايدى Qamshy.kz اقپارات اگەنتتىگى. 

التىنەمەل مەملەكەتتىك ۇلتتىق ساياباعىنىڭ باي تابيعاتى تۋرالى باياندايتىن دەرەكتى ءفيلمنىڭ اۆتورى تانىمال فوتوگراف-ناتۋراليست ولەگ بەليالوۆ.  

ايتا كەتسەك، «التىنەمەل» دەرەكتى ءفيلمى رەجيسسەردىڭ العاشقى جۇمىسى. سونداي-اق ولەگ بەليالوۆ بۇل كارتينانىڭ سەناريي اۆتورى جانە قويۋشى وپەراتورى.

ەستەرىڭىزگە سالا كەتسەك، بىلتىر قاراشا ايىندا «قازاقفيلم» كينوستۋدياسى ق ر تۇڭعىش پرەزيدەنتى-ەلباسى قورىمەن بىرلەسىپ، قازاق دەرەكتى كينوسىنىڭ كۇندەرى اياسىندا «التىنەمەل» دەرەكتى ءفيلمنىڭ كورسەتىلىمى وتكەن بولاتىن.

كينو جانە تۋريزم سالاسىنداعى ازيالىق ونەر اپتالىعىنىڭ ۇيىمداستىرۋشىلارى: قىتايدىڭ تەليەۆيزيالىق سۋرەتشىلەر قاۋىمداستىعى، چجەسزيان باسپا، راديو، كينو جانە تەليەۆيزيا اكىمشىلىگى جانە تايچجوۋ ۇكىمەتى. مادەني ءىس-شارا ازيا ەلدەرىندە ءتۋريزمنىڭ جانە كينەماتوگرافيا سالاسىنىڭ دامۋىنا باعىتتالعان. بيىل اتالعان شاراعا فرانسيا، رەسەي، قازاقستان جانە جاپونيا سىندى 23 مەملەكەتتەردەن مىڭنان استام كينو جانە تەلەباعدارلامالار قاتىسقان. 

«التىنەمەل»

التىنەمەل ۇلتتىق تابيعي ساياباعىنىڭ ەرەكشەلىگى نەدە؟ قۇرىلعالى بەرى 20 جىلدىڭ ىشىندە نە وزگەردى؟ تۋريستەر بۇل ايماققا نەنى كورۋ ءۇشىن بارۋى ءتيىس؟ تابيعاتى باي التىنەمەل ساياباعىن زاماناۋي تەحنيكانىڭ كومەگىمەن تۇسىرىلگەن ادەمى ءفيلمدى تاماشالاي الاسىز.

التىنەمەل - جەتىسۋ الاتاۋىنىڭ وڭتۇستىك سىلەمدەرىنىڭ اراسىندا ورنالاسقان ۇلتتىق تابيعي ساياباق. جەر كولەمى - 520 مىڭ گەكتار. ساياباق اۋماعىندا تۋريستەردى قاتتى قىزىقتىراتىن بىرەگەي تابيعي قۇرىلىمدار جانە بايىرعى تاريح ەسكەرتكىشتەرى ورنالاسقان. شاتقالدارىندا ەجەلگى ادامداردىڭ تاسقا قاشاپ سالعان سۋرەتتەرىن كورۋگە بولادى. قاپشاعاي مەملەكەتتىك اڭشىلىق شارۋاشىلىعى نەگىزىندە 1996 جىلى قۇرىلدى.