اعىمداعى جىلدىڭ ەكىنشى توقسانىندا ءىرi جانە ورتا كاسiپورىندارعا جانە ۇيىمدارعا 209،3 مىڭ ادام قابىلداندى، ءتۇرلى سەبەپتەرمەن – 216،3 مىڭ ادام جۇمىستان كەتتى. جۇمىستان كەتكەن قىزمەتكەرلەردiڭ اراسىندا تۇراقتاماۋ سەبەپتەرى بويىنشا جۇمىستان بوساتىلعاندار 77،1%، قىزمەتكەرلەر سانىنىڭ قىسقارتىلۋىنا نەمەسە كاسىپورىننىڭ تاراتىلۋىنا بايلانىستى – 3،6%، باسقا سەبەپتەر بويىنشا – 19،3% قۇرايدى. ەكىنشى توقساننىڭ سوڭىنا ءىرى جانە ورتا كاسىپورىندارمەن ۇيىمداردا 31،4 مىڭ بوس جۇمىس ورىن بار ەكەنىن مالىمدەگەن، دەپ جازادى Qamshy.kz اقپارات اگەنتتىگى ق ر ۇەم باسپا ءسوز قىزمەتىنە سىلتەمە جاساپ.

اعىمداعى جىلدىڭ ەكىنشى توقسانىندا قابىلداۋ بويىنشا اينالىم كوەففيسيەنتى 7،6%،  جۇمىستان بوساتۋ بويىنشا اينالىم كوەففيسيەنتى – 7،8%، جۇمىس كۇشىنىڭ تۇراقسىزدىق كوەففيسيەنتى – 6،0% قۇرادى. وسى كەزەڭدە جۇمىس كۇشىن اۋىستىرۋ كوەففيسيەنتى 96،8% قۇرادى.

قابىلداۋ بويىنشا اينالىم كوەففيسيەنتى – بۇل ەسەپتىك كەزەڭ اعىمداعى قىزمەتكەرلەردىڭ تىزىمدىك سانىنا ورتاشا وسى كەزەڭگە قابىلدانعاندار سانىنا قاتىناسى.

بوساتىلۋ بويىنشا اينالىم كوەففيسيەنتى – ەسەپتىك كەزەڭ اعىمداعى قىزمەتكەرلەردىڭ تىزىمدىك سانىنا ورتاشا وسى كەزەڭگە بوساتىلعاندار سانىنا قاتىناسى.

جۇمىس كۇشىنىڭ تۇراقسىزدىق كوەففيسيەنتى – ەسەپتىك كەزەڭ اعىمىنداعى قىزمەتكەرلەردىڭ تىزىمدىك سانىنا ورتاشا وسى كەزەڭگە تۇراقسىزدىق سەبەپتەرى بويىنشا بوساتىلعان قىزمەتكەرلەردىڭ اراقاتىناسىمەن انىقتالادى. تۇراقسىزدىق سەبەپتەرىنە ەڭبەك ءتارتىبىن بۇزۋىنا بايلانىستى جانە ءوز ەرىكتەرى بويىنشا بوساتىلعاندار جاتادى.

جۇمىس كۇشىن اۋىستىرۋ كوەففيسيەنتى – بوساتىلعان قىزمەتكەرلەردىڭ سانىنا قابىلدانعان قىزمەتكەرلەر سانىنىڭ قاتىناسىمەن سيپاتتالادى، ياعني بوساتىلعان قىزمەتكەرلەردىڭ قايتا قابىلدانعان كادرلارمەن اۋىستىرىلۋى.