شىمكەنتتەگى بالاباقشالاردىڭ بىرىندە 2 اپتا بۇرىن بولعان جايت الەۋمەتتىك جەلىگە تاراپ، قىزۋ تالقىلاندى دەپ جازادى Qamshy.kz اقپارات اگەنتتىگى. اتالعان ۆيدەودا بالاباقشا تاربيەشىسى بالالاردىڭ قولىن جۋۋ ءۇشىن ولاردى كەزەككە تۇرعىزىپ، جەڭدەرىن تۇرۋدە. الايدا ءوزىن تىڭداماعان بالالاردى تاربيەشى ۇرىپ-سوعىپ ايتقانىن ىستەتپەك بولعان.
«سەندەر مەنىڭ ايتقانىمدى تىڭداماساڭدار، مەن دە سەندەرمەن سونداي قارىم-قاتىناستا بولىپ، سەندەردى تىڭدامايتىن بولامىن، سەندەر مەنىڭ جۇيكەمە تيسەڭدەر، مەن دە سەندەردىڭ جۇيكەلەرىڭە تيەمىن»، دەيدى تاربيەشى ايەل.
ورتا جاستاعى تاربيەشىنىڭ 30 جىلدىق جۇمىس تاجىريبەسى بار-مىس. اتالعان جايت بويىنشا ءبىز شىمكەنت قالاسىنىڭ باسپا ءسوز بولىمىنە حابارلاستىق. شىمكەنت قالاسىنىڭ باسپا ءسوز حاتشىسىنىڭ مالىمدەۋىنشە، ءىستىڭ اق-قاراسى انىقتالىپ، بالاباقشا تاربيەشىسى جۇمىستان قۋىلعان.
