پاتەردەگى جاڭبىر! وسكەمەندەگى جاڭا ۇيگە قونىس تەپكەن تۇرعىندار قۇرىلىس جۇمىستارىنىڭ ساپاسىنا الاڭداۋلى. قاتتى نوسەردەن سوڭ باسپانالارىنا سۋ كەتىپ، مازالارى قاشقان. مەملەكەتتىك باعدارلاما ارقىلى، سونداي - اق،  "سامۇرىق قازىنا" ءتۇرعىن-ۇي قورىنىڭ قارجىلاندىرىلۋىمەن سالىنعان ۇيلەردى تۇرۋعا جارامسىز دەپ تاپقان وتباسىلار، جاڭا قونىستارىنان باس تارتپاق. بۇل تۋرالى ەۋرازيا ءبىرىنشى ارناسى حابارلايدى.

پاتەرلەرىنىڭ شۇرىق-تەسىك ەكەنىنە كوزدەرى جەتكەن تۇرعىندار جاۋىننان كەيىن باسپانادا تۇسىرىلگەن ۆيدەو جانە فوتوسۋرەتتەرمەن ءبولىسىپ الەك. كادرلاردان نوسەردىڭ سالدارىن انىق بايقاۋعا بولادى. جاڭبىر ءۇي ىشىنە شەلەكتەپ اققان.  

«پروشەل وبيلنىي دوجد، ۆوت مى ۆيديم ەگو پوسلەدستۆيا، ناشي دوما پرينيالي نا سەبيا ەتوت ۋدار. نو وني نە پروشلي بەسسلەدنو.

شايانبايەۆتار وتباسى بىرنەشە اي بۇرىن عانا قونىس تويىن تويلاعان. سۋ جاڭا باسپاناداعى بالالار بولمەسىن سۋ باسقان.  قۇرىلىستىڭ ساپاسىز جۇرگىزىلگەنى كوزگە ۇرىپ تۇر: ءۇي قابىرعالارى سوگىلىپ، شاتىر تەسىلگەن. ال مۇنداعى وتباسىلار نەسيەگە الىنعان وسى پاتەرلەر ءۇشىن ون بەس جىل بويى اي سايىن 120 مىڭ تەڭگە تولەۋگە مىندەتتى. 

«ءيا، مايدا وسىنداي جاعداي بولدى، ءبارى ايتىلعان. زاسترويششيك ديرەكتورىنا زۆونداپ تا ايتتىق. ءتورت اي ءوتتى، وسى ۋاقىت ىشىندە ەشتەڭە ىستەلمەدى. پودريادچيكتەر ىزدەپ جاتىرمىز دەپ ايتادى» - دەيدى قالا تۇرعىنى ءىلياس شايانبايەۆ. 

ءتۇرعىن-ۇي كەشەنى 2015 جىلى پايدالانۋعا بەرىلگەن. ال تۇرعىنداردىڭ كوبى تەك وسى جازدا كوشىپ كەلىپتى. كەلە سالا مەردىگەر كومپانيادان نىسانداعى اقاۋلاردى تەز ارادا جويۋدى تالاپ ەتكەن. ال جاڭبىر جاۋعان سايىن تۇرعىندار قۇرىلىسشى كومپانياعا وسىلاي دەپ قۇلاش-قۇلاش ارىز دا جازعان ەكەن. ۇيدە تۇرۋ مۇمكىن ەمەستىگىن دالەلدەۋ ءۇشىن ءتىپتى فوتو جانە ۆيدەو ءتۇسىرىپ جىبەرگەن. الايدا، شاعىمعا قۇلاق اسار ەشكىم جوق. قاراشا ايىندا تۇرعىن ءۇي كەشەنىنىڭ كەپىلدىك مەرزىمى بىتەدى. ول كەزدە مەردىگەر كومپانيا ءوز مىندەتىنەن قۇتىلىپ، قۇرىلىستىڭ كەم-كەتىگىن تۇرعىنداردىڭ وزدەرى تۇزەيتىن بولادى. 

«كورشىلەردىڭ ءبارى چاتقا جازدىق. ونىڭ ءبارىن "سامۇرىق قازىنا"،  "تەحنوگرۋپپ" سەكىلدى مەكەمەلەرگە جىبەردىك. فوتو دا، ۆيدەو دا. ءبىراق ەشبىرىنەن كومەك كەلمەدى، جاۋاپ كەلگەن جوق. "جاسايمىز، جاسايمىز"، دەيدى. ءبىراق ەشتەڭە ىستەمەيدى» - دەيدى قالا تۇرعىنى ەركەجان نۇرتازينا. 

قۇرىلىس كومپانياسىنداعىلار ماسەلەنى زەرتتەپ، سەبەبىن تاۋىپتى. ءۇي جوباعا ساي سالىنعان، ءبىراق ساپاسى ناشار ماتەريالدار قولدانىلىپتى.

«ساپا جايىن قابىرعا پانەلدەرىن جاساۋشى زاۋىتتان سۇراۋ كەرەك.  ءۇيدىڭ قاڭقاسىن سول پانەلدەردەن تۇرعىزعان ەدىك. پروبلەمانى قالاي شەشەمىز؟ سايدينگپەن قاپتاپ شىعامىز. كوپ ۇيدە وسى تەحنولوگيا قولدانىلىپ جاتىر» - دەيدى قۇرىلىس كومپانياسى ديرەكتورىنىڭ ءوندىرىس جونىندەگى ورىنباسارى الەكسەي پيمەنوۆ. 

ماسەلە شەشىمىن تاپقانىمەن، تۇرعىنداردىڭ كوڭىلى تىنىشتالار ەمەس. مۇنداعى وتباسىلار مەملەكەتتىك باعدارلاما شارتتارىندا قاراستىرىلسا، وسى پاتەرلەردىڭ باعاسىمەن تەڭ باسقا باسپاناعا كوشىپ كەتەر ەدىك، دەيدى. ەندى باسپانا يەلەرى كۇزدىڭ جاۋىن-شاشىنسىز بولىپ، مەردىگەر كومپانيانىڭ جوندەۋ جۇمىستارىن از ۋاقىتتىڭ ىشىندە جاساپ ءبىتىرۋىن كۇتىپ وتىر.