بيىل 8 اي ىشىندە 1،5 ميلليوننان استام ادام تەگىن دارىمەن قامتىلادى. ال جىل سوڭىنا دەيىن 3،5 ميلليون ادام تەگىن دارى-دارمەككە قول جەتكىزە الادى. بۇل تۋرالى بۇگىن دەنساۋلىق ساقتاۋ ءمينيسترى ەلجان ءبىرتانوۆ مالىمدەدى، دەپ حابارلايدى Qamshy.kz اقپارات اگەنتتىگى.

ءبىرتانوۆتىڭ ايتۋىنشا، تەگىن دارى-دارمەكتەر تىزىمىنە كىرەتىن دارىلەر عانا تەگىن بەرىلەدى. ال تىزىمدەگى دارى-دارمەكتى ساتۋ سىندى ارەكەتتەر بولسا، بىردەن فارماسيا كوميتەتىنىڭ جەرگىلىكتى دەپارتامەنتىنە حابارلاپ ايتۋ كەرەك. ونداي جاعدايدا قاجەتتى اكىمشىلىك نە قۇقىقتىق شەشىمدەر قابىلدانادى.

ايتا كەتەيىك، بىلتىر نۇرسۇلتان نازاربايەۆ دەنساۋلىق ساقتاۋ مينيسترلىگىنە تەگىن دارى-دارمەكپەن قامتۋ جانە دارى-دارمەكتەردىڭ باعاسىن رەتتەۋ بويىنشا تاپسىرمالار بەرگەن ەدى. دارى-دارمەكتىڭ باعاسىن رەتتەۋ تۋرالى زاڭ دا پارلامەنتتە قارالىپ، جىلدىڭ اياعىنا دەيىن شەشىم قابىلدانباق. ياعني، ءبىرتانوۆتىڭ ايتۋىنشا، 2019 جىلدىڭ اياعىنا دەيىن ەلىمىزدەگى بارلىق ءدارىحاناداعى دارى-دارمەكتىڭ باعاسىن رەتتەۋ مەحانيزمى ەنگىزىلەدى. بۇل دارىلەردىڭ باعاسى ءتۇرلى ءدارىحانالاردا ءار ءتۇرلى باعامەن ساتىلۋىنا بايلانىستى. ءتىپتى، جازدا ءبىر باعا، قىستا باسقا باعامەن ساتاتىن ءدارىحانالاردا كوپ. ەگەر جاڭا زاڭ قابىلدانسا، مينيستر ءبارى رەتتەلەتىنىنە سەندىردى.