"استانانى سۋ باستى، نۇح پايعامبار، قايداسىڭ؟" دەپ قامشى بەتىندە ماتەريال سالدىق. ءازىل-شىنى ارالاس، قيالعا ەرىك بەرەتىن ماتەريالدىڭ ماقساتى استانانى سۋ باسۋ ماسەلەسىنە كوپشىلىكتىڭ قۇلاعى ەلەڭدەپ، باس كوتەرۋىنە سەبەپكەر بولۋ بولاتىن. قايىققا وتىرىپ، قالا ارالاعان ەكى جىگىت تە ەستەرىڭىزدە شىعار. «ءوزىمىزدى كىنالى سانامايمىز» دەگەن ەكەۋى سوت زالىنان ءبىراق شىققان بولاتىن. استانانىڭ ىشكى ىستەر دەپارتامەنتى ەر ادامداردىڭ قىلىعىن ۇساق بۇزاقىلىق دەپ باعالاپ، اكىمشىلىك قۇقىق بۇزۋشىلىقتار تۋرالى كودەكستىڭ 434-بابىنا سايكەس حاتتاما تولتىرعان بويدا ەكەۋىنە 5 اەك (اربىرىنە 12 مىڭ 025 تەڭگە نەمەسە 33 دوللار) ايىپپۇل سالعانى بەلگىلى. مىنە، بۇگىن  قۋانىشتى جاڭالىقپەن بولىسكەلى وتىرمىز. جاندوس سادىبەكوۆ پەن ونىڭ دوسى قالالىق سوتتىڭ شەشىمىمەن كىناسىز بولىپ تابىلدى. ءسويتىپ ادىلەتتىلىك جەڭدى دەپ بوركىمىزدى اسپانعا اتىپ وتىرمىز. اسەت يسەكەشيەۆتىڭ ورنىنا كەلگەن باقىت سۇلتانوۆ ارىپتەسىنىڭ بەرگەن ۋادەسىن ورىندايدى دەگەن ۇمىتتەمىز.