الەۋمەتتىك كومەديا "مەن ءمۇعالىم اپايمىن" تۋرەتت سيندرومىنا شالدىققان ۇستاز تۋرالى باياندايدى. (بۇلشىقەتتەردىڭ تارتىلىپ، باسقارۋعا كەلمەيتىن ءىس-قيمىلداردى جانە ەرىكسىز دىبىس شىعارۋدى تۋدىراتىن جۇيكە جۇيەسىنىڭ بۇزىلۋى) ءفيلمنىڭ باستى كەيىپكەرى نەنا ءمۇعالىم بولۋدى بالا كەزىنەن ارماندايدى. ءبىراق ونىڭ بويىنداعى اۋرۋى كوپشىلىكتىڭ الدىندا ءوزىن ەركىن سەزىنەتىن ادامداردىڭ قاتارىنان كورىنۋگە مۇمكىندىك بەرمەيدى. دەگەنمەن، ءوز ماقساتىنا جەتۋ جولىندا ەشنارسەدەن قايمىقپاعان بويجەتكەن، وزگەلەرگە قاراعاندا، قاشان دا ءبىرىنشى بولىپ كومەككە كەلۋگە دايىن.  ول ءۇشىن نەناعا وزگەرۋدىڭ دە قاجەتى جوق، ونىڭ باستى قاسيەتى –ونىڭ قاراپايىمدىلىعى.

- بۇل تاماشا تۋىندىنى كورگەن كورەرمەن بيىك مۇرات جولىنا باعىتتاپ، جۇرەكتەرىنە الداعى بولاشاققا دەگەن سەنىمدى ۇيالاتا بىلگەن ۇلاعاتتى ۇستازدارىن ەسكە الاتىندارى ءسوزسىز، - دەدى «AiN Entertainment» كومپانياسىنىڭ وكىلى جان بايقازاقوۆ. 

فيلمدەگى باستى ءرولدى ءۇندى كينوسىنىڭ جۇلدىزى راني مۋكەردجي سومدادى. ايتا كەتسەك، اكتريسا وسى ءرولى ءۇشىن مەلبۋرندە وتكەن فەستيۆالدە «ۇزدىك اكتريسا» جۇلدەسىمەن ماراپپاتالدى.

- جاقىندا فيلم شانحاي كينوفەستيۆالىندە كورسەتىلدى. كورەرمەندەر ەرەكشە ىقىلاس تانىتتى. تىلدىك ايىرماشىلىعىنا قاراماستان ءتۇرلى ەلدەن جينالعان حالىقتىڭ كوڭىلىنەن شىققان بۇل وقيعا كەز كەلگەن قوعامدا تۇسىنىكتى بولاتىنىن تاعى دا دالەلدەدى، - دەدى كارتينانىڭ پروديۋسەرى مانيش شارما.

اتالعان كينوتۋىندىنىڭ الەمدىك تۇساۋكەسەرى ۇستىمىزدەگى جىلى ناۋرىز ايىندا ءوتتى. قىركۇيەك ايىنىڭ العاشقى كۇندەرىندە "مەن ءمۇعالىم اپايمىن" ءفيلمى رەسەيلىك ەكرانداردان كورسەتىلىپ، كورەرمەندەردىڭ ىستىق ىقىلاسىنا بولەندى.

فيلم تۋرالى:

نەنا ماتحۋر التى جاسىنان تۋرەتت سيندرومىمەن اۋىرادى. بۇل اۋرۋعا شالدىققان ادامنىڭ دەنە مۇشەلەرى ەرىكسىز ءجيى تارتىلادى. ءتىپتى ول ەرىكسىز دىبىس شىعارىپ، ءوزىن باسقارۋدان قالادى. الايدا، ۇستاز بولۋدى  ارمانداعان نەنا، ءوز ماقساتىنا جەتۋ جولىندا نەشە مارتە سۇرىنسە دە، كەدەرگىلەرگە مويىماي، قيىندىقتاردى ەڭسەرەدى…

ءبىر ايتا كەتەرلىگى، بۇل گولليۆۋدتىق "سىنىپ الدىنداعى" ءفيلمىنىڭ ۇندىلىك رەمەيكى. ۇلاعاتتى ۇستاز بولامىن دەۋشىلەرگە كينونىڭ بەرەرى مول.