الەۋمەتتىك جەلىدە جەدەل جاردەم جۇرگىزۋشىسىنە قول كوتەرگەن تۇركيا ازاماتىنىڭ كەشىرىم سۇراعان ۆيدەوسى تارالدى، دەپ حابارلايدى Qamshy.kz اقپارات اگەنتتىگى.

«مەن تۇركيا ازاماتى الي دەمير، 18 قىركۇيەكتە ناۋرىزباي باتىر مەن ماقاتايەۆ كوشەلەرىنىڭ قيىلىسىندا بولعان وقيعا ءۇشىن قازاقستاندىقتاردان كەشىرىم سۇرايمىن. جەدەل جاردەم جۇرگىزۋشىسى نيكولاي كۋچمادان كەشىرىم سۇرايمىن. قاتەمدى مويىندايمىن. ءدال سول كۇندەرى كۇيزەلىستە جۇرگەن ەدىم. مۇنىڭ سەبەبى – ۇرلانعان كولىك. بۇل رەسمي قۇجاتتاردا تىركەلگەن. ارينە، مەنىڭ ارەكەتىمدى اقتاپ الاتىن سىلتاۋ ەمەس. قازاقستان حالقىنان تۇسىنىستىك تانىتۋىن سۇرايمىن. ەر ادامنىڭ ومىرىندە ءتۇرلى جاعداي بولادى. مەن 5 ايلىق قىزدىڭ اكەسىمىن، ايەلىم بار. ولار قازاقستان ازاماتتارى. مەنىڭ جۇمىسىم دا قازاقستاندا. جەتى جىل بويى وسىندا تۇرامىن. مەنىڭ قاتەلىگىم ءۇشىن وتباسىم قينالماسا ەكەن دەيمىن. سول سەبەپتى وتباسىم ءۇشىن تۇسىنىستىكپەن قاراساڭىزدار ەكەن. تاعى دا بارشا قازاقستاندىقتار مەن جۇرگىزۋشىدەن كەشىرىم سۇرايمىن»، - دەدى تۇركيا ازاماتى ۆيدەو جولدامادا.  

الي دەمير كەپىلگە بوساتىلدى، سوت ۇكىمىن كۇتىپ وتىر.

وزگە ۇلت وكىلىنىڭ ازاماتى جەدەل-جاردەم جۇرگىزۋشىسىن سوققىعا جىققان ۆيدەو الەۋمەتتىك جەلىدە تارالدى. انىقتالعانداي وقيعا الماتى قالاسىنداعى ماقاتايەۆ كوشەسىندە بولعان.

الماتى قالاسى ءىىد مالىمەتىنشە، جۇرگىزۋشىنى ۇرىپ-سوققان جىگىت 1990 جىلعى تۇرىك ازاماتى. جۇرگىزۋشىنىڭ بەتى جاراقاتتالىپ، قاباعى جارىلعان. وقيعادان كەيىن اۋرۋحاناعا جەتكىزىلدى.

«وقيعا ماقاتايەۆ كوشەسىندە بولعان. جۇرگىزۋشىنىڭ بەتى-اۋزى قان-جوسا. ەسىمى – نيكولاي، شامامەن 60 جاستا. جەدەل جاردەمدە جۇمىس ىستەپ جاتقانىنا ۇزاق ۋاقىت بولعان»، - دەپ حابارلادى ۆەدومستۆودا.

ال ۇستالعان ەر ادام 1990 جىلى تۋعان تۇركيا ازاماتى. وعان قارسى ق ر قىلمىستىق كودەكسىنىڭ 1-باپ 293 بولىگى («بۇزاقىلىق») بويىنشا قىلمىستىق ءىس قوزعالدى.