پسيحولوگياعا قىزىعاتىن جاندار لۋيزا حەي دەگەن ەسىمدى جاقسى تانيدى. موتيۆاسيانى ماي شاممەن ىزدەپ جۇرگەندەر دە تۇبىندە لۋيزا حەيدىڭ جازعاندارىن شولىپ وتەدى. ءتان ازابىنان بۇرىن جان ازابىن تارتىپ جۇرگەنىمىز كوپ بولعاندىقتان لۋيزا حەيدىڭ كىتاپتارىن جاي عانا كوزبەن شالىپ وتپەي، كوڭىلگە توقىپ، ساناعا ءتۇيىپ، ون رەت قايتالاپ وقۋ قاجەت سياقتى. «قامشى» جاقسىلىقتىڭ جارشىسى بولعىسى كەلەدى. سوندىقتان دا جازۋشى مىرزاگەلدى كەمەلدىڭ اۋدارماسىنداعى لۋيزا حەيدىڭ «كوگىلدىر كىتابىن» بىرنەشە بولىمگە بولە وتىرىپ، تۇراقتى تۇردە وقىرماننىڭ نازارىنا ۇسىنىپ وتىرۋدى ءجون دەپ شەشتى. ءبىرىنشى، ەكىنشى، ءۇشىنشى، ءتورتىنشى بولىمدەر سايت بەتىنەن شىعىپ ۇلگەرگەن بولاتىن. ەندىگى كەزەك بەسىنشى بولىمدە. اتالمىش ءبولىم ماحابباتتىڭ قۇدىرەتتى كۇشىنە ارنالعان. قاتەرلى ىسىكتى نەبارى 6 ايدا جەڭىپ، بارشا دارىگەرلەرىن تاڭ قالدىرعان، 2017 جىلى 91 جاسىندا اۋىرماي-سىرقاماي كوز جۇمساعان لۋيزانىڭ وقيعاسى جىگەرىن جاسىتىپ العان جاستارعا ۇلگى بولسىن دەيمىز.
ءىىى تاراۋ. كۇش - ىشىمىزدە
بۇل تاراۋداعى وتە ماڭىزدى حابارلامالاردى بىردەن قابىلداپ، ءسىڭىرىپ الىڭىز دەي المايمىن. بۇل ويلاردىڭ كەيبىرى سىزگە ۇنار، كەيبىرى ۇناماس، ۇناماعانىن الىپ تاستاڭىز. ەگەر، ءسىز، مۇنداعى تىم بولماسا ءبىر يدەيانى الساڭىز، ول سىزگە قىزمەت ەتسە جانە ءسىزدىڭ ءومىرىڭىزدى بۇرىنعىدان جارقىن ەتسە، مەن ريزامىن.
وقىعان كەزدە مىنا تەرميندەرگە نازار اۋدارىڭىز: كۇش، اقىل، شەكسىز سانا، جوعارعى كۇش، قۇداي، عارىشتىق كۇش، ىشكى اقىل. بۇلاردىڭ ءبارى – كەڭىستىك پەن ءسىزدى باسقاراتىن كۇشتىڭ ءارتۇرلى اتاۋى. ەگەر وسىلار ءسىزدى قاناعاتتاندىرماسا، ونىمەن شەكتەلمەي، وعان ءوز ويلارىڭىزدى قوسىڭىز.
مەنىڭ ويىمشا اۋرۋ جانە سپيد دەگەن سوزدەردى جازعاندا ەكىنشىسىن باس ارىپپەن جازۋدىڭ كەرەگى جوق، ولاي ەتسەك ءبىز وعان ەرەكشە ءمان بەرىپ، كۇشەيتكەن بولامىز.
ءبىز سىرتتان ىزدەپ جۇرگەن كۇش ءبىزدىڭ ىشىمىزدە ەكەنىن ءتۇسىنۋىمىز اسا ماڭىزدى. ءبىز ءوز ىشىمىزدەگى كۇش-كە جۇگىنىپ، ونى ءبىزدىڭ جارقىن ماقساتتارىمىزدا ورىنداۋعا پايدالانايىق.
مەن ەمشى ەمەسپىن. مەن ەشكىمدى ەمدەي المايمىن. مەن اركىمنىڭ ساناسى ءوزىن-وزى ەمدەۋگە جەتسە دەيمىن. مەن ادامدار وزدەرىنىڭ قانداي تاماشا ەكەنىن تانىسا دەيمىن. وسى عانا.
مەنىڭ كوزىمنىڭ جەتكەنى: كەز كەلگەن پروبلەمانىڭ شەشىلۋ قۇرالى – ادامنىڭ وزىنە ءوزىنىڭ ماحابباتى. ادام ءوزىن كۇن وتكەن سايىن سۇيە تۇسسە، ونىڭ ءومىرى وراسان وزگەرىسكە ۇشىرايدى، كۇن ساناپ جاقسى بولا بەرەدى. ول ارمانداعان جۇمىسىنا قول جەتكىزەدى، قاجەت اقشاعا يە بولادى، توڭىرەگىندەگىلەرمەن قارىم-قاتىناسى جاقسارادى. وسىعان جەتۋدىڭ قاراپايىم جولى - ءوزىڭدى ءوزىڭ جاقسى كورۋ.
ءبىز ءوزىمىزدىڭ شىن مانىندە قانداي ەكەنىمىزدى بىلە بەرمەيمىز. ءبىز ناق وسى ساتتە نەنى سەزىنىپ تۇرمىز، سونى بىلمەيمىز، نەنى قالاپ تۇرمىز، سونى بىلمەيمىز. ءومىر – ساياحات، وندا ءبىز ءوزىمىزدى جاڭادان اشامىز. ءوزىن ءسۇيۋ – ەگويزم ەمەس. ول – ىشكى تازارۋ ءتاسىلى: ءوزىن ءسۇيۋدى ۇيرەنۋ ارقىلى ءبىز وزگەنى ءسۇيۋدى ۇيرەنەمىز. ءسۇيۋدى ۇيرەنۋ مەن ومىرگە قۋانۋ ارقىلى عانا پلانەتامىزعا شىن مانىندە جاردەم بەرە الامىز.
ءبىزدىڭ اسەم دە ەرەكشە كەڭىستىگىمىزدى جاساعان كۇش ءوزىنىڭ رۋحى جاعىنان ماحابباتقا ۇقساس. ءبىز: “جەردى اينالۋعا ءماجبۇر ەتىپ تۇرعان نارسە – ماحاببات” دەگەندى ءجيى ەستيمىز. بۇل شىن مانىندە سولاي. ماحاببات – كەڭىستىكتى ۇستاپ تۇرعان نارسەلەردىڭ نەگىزى. ونىڭ ىدىراپ كەتپەي تۇرعانىنىڭ سەبەپشىسى دە سول.
مەنىڭ جەكە باسىم ءۇشىن ماحابباتتىڭ ماعىناسى زور. مەن ءوزىمنىڭ وزىمە ماحابباتىم تۋرالى ايتقاندا، “ءبىز شىن مانىندە بار ەكەنىمىزدى تەرەڭ سەزىنۋدى” نازارعا الامىن. سەزىنۋ - ءوز قالپىمىزدى جان-جاقتى قابىلداۋ، ونىڭ ىشىندە كىشكەنە الاڭعاسارلىق، ۇيالشاقتىق سەكىلدى ونشا ۇنامدى ەمەس مىنەزدەر بار. سونىمەن بىرگە، ارينە، دۇرىس مىنەزدەر دە بار. سەزىنۋ - ءوزىڭدى تولىعىمەن جانە وسىلار بولماسا دەمەي قابىلداي الۋ.
باقىتسىزدىققا وراي، ءوزىن ءسۇيۋدىڭ ءوزى وڭاي بولا بەرمەيدى، ول ءۇشىن سالماق جوعالتۋ، جۇمىستان ايىرىلىپ قالۋ نەمەسە تومەندەپ قالۋ، دوس تاڭداۋ، ت.س.س. وزگەرىستەر كەرەك بولىپ قالادى. ءبىز ءوز ماحابباتىمىز ءۇشىن دە شارت قويامىز. ءبىراق، ودان باسقا دا، ايقىنىراق جول بار: ءوزىڭدى وسى قالپىڭدا سۇيە ءبىلۋ.
ءبىزدىڭ پلانەتامىزدا تۇتاستاي العاندا ماحاببات جەتىسپەۋشىلىگى ورىن العان. سپيد-تەن ءولىپ جاتقان ادامدار كوبەيىپ جاتىر. ءبىراق سپيد بىزگە ىشكى كەدەرگىلەردى جەڭۋگە مۇمكىندىك بەرەدى، مورالدىق شەكتەۋلەردىڭ قۇرساۋىنان شىعۋعا ءتۇرلى ساياسي جانە ءدىني سەنىمدەردى ۇمىتۋعا جاردەم بەرەدى، بۇنىڭ ءبارى ءبىزدىڭ جۇرەگىمىزدىڭ ءامىرىن ورىنداۋعا باعىنادى. وسىلاردى جاساي الاتىن ادامدار كوبەيگەن سايىن ءبىزدىڭ ەڭ كۇردەلى پروبلەمالارىمىزدىڭ شەشۋشى جولدارى تابىلادى.
ءبىز جەكە ومىردە بۇكىلالەمدىك دەڭگەيدە وزگەرىستەر بولىپ جاتقان الەمدە ءومىر ءسۇرىپ جاتىرمىز. سونداي الەمنىڭ ناق ورتاسىندا ءومىر كەشىپ كەلەمىز. وسىنداي كۇردەلى مەزگىلدە ءومىر ءسۇرىپ جاتقان ءبىزدىڭ اربىرىمىزگە، ءقازىر جانە وسىندا بولۋىمىز كەرەك پە، ەسكى الەمدى ماحاببات پەن تىنىشتىق ورناعان جاڭا الەم ەتەتىن وزگەرىستەردىڭ قاتىسۋشىسى بولۋىمىز قاجەت پە، ۇدايى تاڭداۋ جاسايتىنىمىزعا سەنىمدىمىن.
بالىق داۋىرىندە ءبىز قۇتقارۋشىمىزدان: “مەنى قۇتقارا كور! مەن ءۇشىن ۋايىمداشى!” دەپ سۇراساق، ەندى سۋ قۇيۋشى ءداۋىرى كەلدى. وندا ءبىز وزىمىزگە ءوزىمىز جول تابۋدى ۇيرەنۋ ارقىلى قۇتقارۋشىمىزدى تابامىز. ءبىز قولداۋ كۇتەتىن كۇشتىڭ ءوزىمىز. ءبىز ءوزىمىز ءوز ءومىرىمىز ءۇشىن جاۋاپتىمىز.
مۇمكىن، ءسىز ءوزىڭىزدى بۇگىن سۇيگىڭىز كەلمەس؟ ولاي جۇرە بەرسەڭىز، ءسىز ءوزىڭىزدى ەرتەڭ دە، ارعى كۇنى دە سۇيە المايسىز: ءوزىڭىزدىڭ وزىڭىزگە دەگەن كەلىسپەۋشىلىگىڭىز سىزبەن بىرگە ەرتەڭگى كۇنگە جىلجي بەرەدى. مۇمكىن ول جيىرما جىلعا دەيىن سىزبەن بىرگە جۇرە بەرەر، ءسىز ودان و دۇنيەگە كەتكەندە دە اجىراماسسىز، كىم ءبىلسىن. بۇگىن – ناق بۇگىن، ءسىز ءوزىڭىزدى ءسوزسىز جانە الاڭسىز سۇيە الاتىن كۇنىڭىز. مەن ءبىرىن-بىرى ءسۇيۋ ەشقانداي ءقاۋىپسىز الەمدى قۇرۋ ءۇشىن قولىمنان كەلگەنىمدى جاساعىم كەلەدى، وندا ءبىز، ءوزىمىزدىڭ شىن مانىندە قانداي ەكەنىمىزدى بىلۋدەن قورىقپايمىز؛ وندا ءبىز توڭىرەكتەگىلەرىمىزگە ايىپتالۋسىز، سىناۋسىز جانە كوزقاراسىمىزدى وزگەرتە بەرمەي-اق سۇيكىمدى بولار ەدىك. ماحاببات ءبىزدىڭ وزىمىزدەن باستالادى. بيبليادا: “جاقىن ادامدارىڭدى ءوزىڭدى سۇيگەندەي ءسۇي” دەيدى. ءبىز بۇل ويدى ءوزىمىزدى ۇمىتقانداي ۇمىتىپ كەتە بەرەمىز. شىندىعىندا، ءبىز ءوزىمىزدى سۇيە ءبىلۋدى ۇيرەنبەسەك، بىزگە باسقالاردى ءسۇيۋ قيىنعا تۇسەدى. وزىڭە دەگەن ماحاببات – ادامعا بەرىلگەن سىيلاردىڭ ىشىندەگى ەڭ ۇلىعى. ءبىز ءوزىمىزدى، قانداي بولساق سونداي كۇيدە سۇيە الساق، وندا وزىمىزگە دە، وزگەلەرگە دە زيان جاساي المايمىز. ەگەر اركىم ءوزىنىڭ ىشكى تىنىشتىعىن تۇسىنسە، وندا سوعىسقا، تەرروريزمگە، تارتىپ الۋعا، ۇيسىزدەرگە ورىن قالماس ەدى. ءتۇرلى كەسەلدەر جويىلار ەدى، سپيد-تە، قاتەرلى ىسىك تە، كەدەيلىك تە، اشتىق تا بولماس ەدى. سونىمەن، مەن ءۇشىن الەمدىك تىنىشتىق پەن جايلىلىق ءار ادامنىڭ ىشكى تىنىشتىعى. تىنىشتىق، ءتۇسىنۋ، جانى اشۋ، كەشىرە ءبىلۋ، جانە ەڭ ماڭىزدىسى – ماحاببات. ءبىزدىڭ ىشكى كۇشىمىز وسى وزگەرىستەردىڭ ءبارىن ومىرگە ەنگىزۋگە جەتەدى.
ماحاببات – ول، تاڭداۋعا تۇراتىن نارسە. ونى اشۋ، جەك كورۋ، مۇڭ سەكىلدى ەتىپ تاڭداۋ كەرەك. ءبىز ماحابباتتى تاڭداي الامىز. بۇل تاڭداۋدى ىشتەي بۇكىل ءومىرىمىز بارىسىندا جاسايمىز. ولاي بولسا بارلىق تاڭداۋلاردىڭ ىشىنەن ماحابباتتى تاڭداپ الۋدى قازىردەن-اق باستايىق. بۇل -ەڭ ۇلى كۇش. ەم بەرەتىن كۇش.
1ء-بولىم. سانا جەتىلگەندە
ءبىز سانامىزدى جەتىلدىرە باستاساق جانە سەنىمىمىزدى ورنىقتىرساق، وندا ماحاببات ءبىزدىڭ جۇرەگىمىزدەن ءوزى-اق ەركىن اعىلادى.
ءبىز تىرىسىپ قالساق، جۇرەكتىڭ قاقپاعى جابىلىپ قالادى.
كۇش - ءوز ىشىمىزدە
ءبىزدىڭ ىشكى كۇشپەن بايلانىسىمىز قانشالىقتى مىقتى بولسا، ءبىز ءومىرىمىزدىڭ بارلىق سالالارىندا ەركىنىرەك بولا بەرەمىز.
ءسىز كىمسىز؟ ءسىز نەگە وسى جەردەسىز؟ ءسىز ومىرىڭىزدە نەگە سەنەسىز؟
ادامدار مىڭداعان جىلداردان بەرى وسى سۇراقتارعا جاۋاپ ىزدەپ ءجۇر جانە بۇل ىزدەنىستە ولار ىلعي دا ءوز ىشىنە ۇڭىلۋدە. ىشكە جىلجۋ دەگەنىمىز نە؟
ىشكى كۇش ءبىزدىڭ ءاربىرىمىزدى ماحاببات پەن تاپ-تازا دەنساۋلىققا، تازا قارىم-قاتىناسقا، تازا كۇيىندەگى كارەراداعى وسۋگە جەتۋگە الىپ باراتىنىنا مەن سەنەمىن. ول ءبىزدىڭ ءاربىرىمىزدى جارقىراپ ورلەۋگە ۇيرەتە الادى. كەلەسى قادام – قولايسىز جاعدايلار تۋعىزاتىن تۇرمىس ۇلگىسىنەن بوسانىپ شىعۋ. بۇلاي ەتۋ وتە قاراپايىم: ءبىز ءوز ىشىمىزگە ۇڭىلەمىز دە ىشكى كۇشتىڭ قاقپاسىن قاعامىز. ول ءبىز ءۇشىن قايسىسى دۇرىس ەكەنىن بىلەدى. ەگەر بىزدە ءوز ءومىرىمىزدى ءبىزدى سۇيەتىن جانە قولدايتىن ىشكى كۇشپەن ءبىر قاتارعا قويۋ تىلەگى بولسا، وسى جەتكىلىكتى. ءبىز ماحاببات پەن ىلگەرى ورلەۋدى ءوز ومىرىمىزگە كىرگىزە الامىز.
ءبىزدىڭ سانامىز ءبىرىڭعاي تاۋسىلماس سانامەن بارلىق ۋاقىتتا بايلانىس جاساپ تۇراتىنىنا مەن سەنەمىن. دەمەك، بارلىق ءبىلىم مەن بارلىق اقىلدى ءبىز كەز-كەلگەن ۋاقىتتا الا الامىز. ءبىز تاۋسىلماس سانامەن، كەڭىستىك كۇشىمەن بايلانىستىمىز. ول بىزگە ىشكى ساڭىلاۋ ارقىلى، ءبىزدىڭ جوعارعى «مەنىمىز» جانە بىزدەگى ىشكى كۇش ارقىلى ءومىر بەرەدى. كەڭىستىك كۇشى ءوزىنىڭ بارلىق جاساعاندارىن سۇيەدى. بۇل كۇشتىڭ نەگىزىندە ىزگى، جارقىن باستاۋ بار جانە ول ءبىزدىڭ ومىرىمىزدەگىنىڭ بارلىعىنا باسشىلىق جاسايدى. ول جەك كورۋدى، الداۋدى جانە جازالاۋدى بىلمەيدى. ول – تازا ماحاببات، بوستاندىق، تۇسىنىستىك پەن جاناشىرلىقتىڭ ناقتى كورىنىسى. ءوز ومىرىندە اركىم جوعارعى “مەنىنە” نازار اۋدارۋى ماڭىزدى. ناق وسىنىڭ ناتيجەسىندە ءبىز ءومىردىڭ شىن راحاتىن تانيمىز. بۇل كۇشتى ءارتۇرلى پايدالانۋعا بولاتىنىن ءبىز ءتۇسىنۋىمىز كەرەك. ەگەر ءبىز وتكەنمەن ءومىر ءسۇرۋدى تاڭداساق جانە ءبىز ءۇشىن قولايلى بولماعان جاعدايلار مەن ءتيىمسىز ىستەرگە قايتا-قايتا ورالا بەرسەك، وندا ءبىز ورنىمىزدان ىلگەرى جىلجي المايمىز. ءبىراق ءبىز وتكەننىڭ قۇربانى بولۋدان سانالى تۇردە باس تارتىپ، ءوز ءومىرىمىزدى جاڭادان قۇرۋدى باستاساق، وندا ىشكى كۇش ءبىزدىڭ جاعىمىزعا شىعادى. ءبىز، ءومىر شىن مانىندە تاماشا بولۋى مۇمكىن ەكەنىن بىلە باستايمىز: مەن ەكى ءتۇرلى كۇشتىڭ بولۋىنا سەنبەيمىن. مەن، رۋحاني باستاۋ - بىرلىكتە دەپ ويلايمىن. “ول – سايتان” نەمەسە “ولاردان تامۇق لەبى ەسىپ تۇر” دەي سالۋ وڭاي. شىندىعىندا بارلىعى ءبىزدىڭ وزىمىزگە بايلانىستى. يا، ءبىز، تاجىريبە جيناقتاي جانە اقىل تولىسا كەلە بۇل كۇشتى پايدالانامىز، يا ونىمەن باسقاشا اينالىسامىز. سايتان شىنىمەن ءبىزدىڭ جۇرەگىمىزدە مە؟ ونداي بولسا باسقالاردى سىناپ-مىنەۋدىڭ كەرەگى نە؟ ولار بىزدەن قاي جاعىنان ەرەكشەلەنەدى؟ سوندا ءبىز نەنى تاڭدايمىز؟
ايىپ الدىنداعى جاۋاپكەرشىلىك
ءبىز ءوز ءومىرىمىزدىڭ جاقسى دا جامان جاعدايلارىن قابىلداۋ مەن ويلاۋ مودەلدەرىنىڭ جاردەمىمەن ەداۋىر دەڭگەيدە ايقىنداي الامىز دەپ ويلايمىن. كەيبىر جانە ودان باسقا ويلارعا باسا نازار اۋدارامىز. ول ويلار سەزىم شاقىرادى. سول سەزىمدەر مەن سەنىمدەرگە لايىق ءبىزدىڭ ءومىرىمىزدى ءوزىمىز قۇرا باستايمىز. ءبىزدىڭ ومىرىمىزدە ءبىر نارسە باقىلاۋىمىزدان شىعىپ كەتسە، وعان ءوزىڭدى ايىپتاۋدىڭ كەرەگى جوق. ءبىراق ايىپ جانە دە ونى وزگە بىرەۋلەرگە ارتۋ تىلەگى مەن جاۋاپكەرشىلىك سەزىمى اراسىندا ۇلكەن ايىرما بار. مەن جاۋاپكەرشىلىك تۋرالى ايتقاندا، كۇشكە يە بولۋدى ايتقىم كەلدى. ايىپ كۇشتى بوسقا جۇمساتادى، ونى جۇدەتەدى. جانە، كەرىسىنشە، جاۋاپكەرشىلىك بىزگە ءوز ءومىرىمىزدى وزگەرتۋگە كۇش سىيلايدى. ءبىز جازىقسىز جازعىرىلۋشىنىڭ ءرولىن ويناعان كەزدە، ءوز كۇشىمىزدى دارمەنسىز بولۋعا پايدالانامىز. ءبىراق، جاۋاپكەرشىلىكتى وزىمىزگە الۋعا شەشىم قابىلداعانىمىزدا، ءبىز ادامدار مەن جاعدايدى ايىپتاۋ ارقىلى ۋاقىتتى بوسقا جوعالتۋدى توقتاتامىز. ناقتىلاپ ايتقاندا، بىزگە قاتىسى جوق نارسەلەردى. كەيبىر ادامدار وزدەرىن اۋرۋعا، كەدەيلىككە، كەيبىر پروبلەمالارىنا ءوزىن ايىپتىداي سەزىنەدى. ولار جاۋاپكەرشىلىك سەزىمىن ايىپتىلىق سەزىمىمەن ارالاستىرىپ جىبەرگىسى كەلەدى. مۇنداي ادامدار ءوزىن ءبىر نارسەلەر ءۇشىن بارلىق ۋاقىتتا ايىپتاپ جۇرەدى، وزدەرىن ابدەن بىتكەن جولى بولماعانداردىڭ قاتارىنا قوسادى. سونىمەن بىرگە ولار بارلىق كەمشىلىكتەرگە توڭىرەكتەگىلەردى دە قوسادى. بۇل ءوزىنىڭ قابىلەتسىزدىگىن بەلگىلەۋدىڭ كەرەكسىز ءتاسىلى. ءوز توپشىلاۋلارىمىزدا مەن بۇل كومپلەكس تۋرالى ايتىپ وتىرعانىم جوق.
ەگەر ءبىز ءوز پروبلەمالارىمىز بەن كەسەلدەرىمىزدى ءوز ومىرىمىزدە جۇزەگە اسىرىلۋعا ءتيىس وزگەرىستەردى ءتۇيسىنۋ مۇمكىندىگى دەسەك، وندا، بىزدە ورىن بار. كوپ ادامدار، ءقايسىبىر اپاتقا ۇشىراعان سوڭ نەمەسە اۋىر كەسەلمەن اۋىرىپ تۇرعاندا، وسى وقيعالارى تۋرالى وزدەرىنىڭ ومىرىندەگى ەڭ تاماشا ساتتەر رەتىندە ەسكە تۇسىرەدى: ناق سولار جاڭا ءومىر باستاۋعا مۇمكىندىك بەرەدى. جانە، كەرىسىنشە، كوپ ادامدار، اۋىرعان كەزدە: “ماعان قايدان مۇنداي اۋرۋ تاپ كەلە قالدى. دارىگەر، مەنى ەرتەرەك ەمدەڭىزشى!” دەيدى. مەنىڭ ويىمشا، بۇنداي كىسىلەر الداعى كەزدە قيىنشىلىقتارعا ۇشىرايدى: ولار ءوز كۇشىمەن جازىلا المايدى.
جاۋاپكەرشىلىك – ءبىزدىڭ جاعدايعا قاراي ارەكەت ەتۋ قابىلەتىمىز. بىزدە قاشاندا تاڭداۋ بار. ول، ءبىز شىندىققا تۋرا قاراپ، ونى مويىنداۋدى قالامايمىز دەگەن ءسوز ەمەس. تاڭداۋدىڭ ناقتى جاعدايمەن كەلىسپەۋمەن ورتاق ەشتەڭەسى جوق. بۇل، ءبىزدىڭ تاپ بولعان جاعدايدى قالىپتاستىرۋ بەلگىلى ءبىر ءرولىمىز بولعانىن مويىنداعانىمىزدى عانا كورسەتەدى. جاۋاپكەرشىلىكتى الا تۇرىپ، ءبىز ىشكى قۇدىرەتكە ءبىزدىڭ ءومىرىمىزدى وزگەرتۋگە رۇقسات بەرەمىز. بۇل جەردە بىلاي سۇراۋعا بولادى جانە سۇراۋ كەرەك: “بارلىعىن وزگەرتۋ ءۇشىن مەن نە جاساي الامىن؟”. ءبىزدىڭ بارىمىزدە ىشكى، جەكە كۇشتىڭ وراسان قورى بار ەكەنىن ءتۇسىنۋ كەرەك. بارلىعى ءبىزدىڭ سونى قالاي پايدالاناتىنىمىزعا بايلانىستى.
كوپ ادامدار وزدەرىنىڭ ونشا قولايلى ەمەس وتباسىندا وسكەنىن بىلەدى. وسىدان بارىپ ءبىز، ءوزىمىزدىڭ كىم ەكەنىمىز جانە ومىرمەن قارىم-قاتىناسىمىز تۋرالى كوپتەگەن تەرىس كوزقاراستاردى الامىز. مەنىڭ بالالىق شاعىم شەكسىز قورلاۋ مەن قيىنشىلىق جاعدايىندا ءوتتى. ونىڭ ۇستىنە مەن زورلىقتى باسىمنان وتكەردىم. مەن ماحاببات پەن جىلىلىقتى اڭسادىم، جانە ادامنىڭ ءوزىن لايىقتى سەزىنۋى دەگەننىڭ نە ەكەنىن بىلمەدىم. مەن ون بەس جاسقا كەلگەندە ۇيىمنەن كەتتىم، سوندا دا مەنىڭ ومىرىمدەگى قاسىرەت توقتالمادى. مەن بارلىق جەردە زورلىق پەن دورەكىلىكتىڭ ءتۇر-تۇرىن كوردىم. مەنىڭ بارلىق باقىتسىزدىقتارىمنىڭ سەبەبى مەندە بالالىق شاقتا قالىپتاسقان قابىلداۋ مەن ويلاۋدى سەزىنۋ مودەلىندە ەكەنى باسىما كەلمەپتى.
ادەتتە بالالار، ۇلكەندەر جاساعان پسيحولوگيالىق اتموسفەرادان وزىنشە اسەر الادى. قورقىنىش پەن قورلاۋدىڭ نە ەكەنىن ەرتە سەزىنىپ، مەن، ەسەيگەن سوڭ، ولاردى ءوز ومىرىمدە قالپىنا كەلتىرۋگە تىرىستىم. سوندا، بارلىعىن بىردەن وزگەرتۋگە مەندە جەتكىلىكتى كۇش بار ەكەنىن مەن بىلمەگەن ەدىم. مەن وزىمە بارىنشا قاتتى قارادىم، ونىڭ ءبارى ماحابباتتىڭ ازدىعى مەن ءوزىمنىڭ تولىق بۇزىلعانىما جانە ادامدار اراسىندا ومىردە كەرەكسىز ەكەنىمە ءوزىمدى تۇساپ تاستاعانىما بايلانىستى بولدى.
مەنىڭ ومىرىمدە ورىن العان جانە وسى كۇنگە دەيىن جالعاسقان وقيعالار وتكەننەن كەلگەن بارلىق ويلار مەن سەنىمدەردىڭ ناتيجەسى بولدى. كەلىڭىز، ۇياتتان ءولىپ، وتكەنىمىزگە ۇڭىلە بەرگەندى قويايىق. وتكەنگە باي ومىرلىك تاجىريبە رەتىندە قاراڭىز. بۇل تاجىريبەسىز ءسىز بۇگىن وسىندا بولماس ەدىڭىز. ءوزىن-وزى جەرگە ۇرا بەرۋگە قانداي نەگىز بار؟ ءسىز ءبىر نارسەنى اياعىنا جەتكىزبەگەنىڭىزدەن نە بولىپ قالدى؟ ءسىز قولىڭىزدان قالاي كەلسە، سولاي جاسادىڭىز. وتكەندى ماحابباتپەن وزىڭىزدەن قويا بەرىڭىز، وعان ءسىزدى وسى ساناعا جەتكىزگەنى ءۇشىن رازى بولىڭىز.
وتكەنىمىز تەك ءبىزدىڭ سانامىزدا عانا تۇر. ءبىز ونى بەلگىلى ءبىر پريزمادان قابىلدايمىز. ءبىزدىڭ ناق قازىرگى كۇيىمىز، ناق وسى سەكۋندتا نە جاساپ جانە نەنى سەزىنگەنىمىز ماڭىزدى. ءبىز بۇگىن نە جاساساق، ول ەرتەڭگى كۇنگە نەگىز بولادى. سونىمەن، ناق ءقازىر شەشىم قابىلداعان دۇرىس بولىپ شىعادى. تەك بۇگىن. ءبىز ناق ءقازىر قانداي ويلار، سەنىم مەن سوزدەردى تىڭدادىق، سول ماڭىزدى.
ءبىز سانالى تۇردە ءوزىمىزدىڭ سەزىمدەرىمىز بەن ويلارىمىزدى وزگەرتە باستاساق، وندا ءبىز بۇنداي وزگەرىس ءۇشىن كەرەكتىنىڭ بارىنە يە بولامىز. بۇل قاراپايىم اق نارسە بولىپ كورىنۋى مۇمكىن، ءبىراق كۇشتىڭ باستاۋى قازىرگى ساتتە ەكەنى ەسىڭىزدە بولسىن.
سانا – سىزگە قوجالىق ەتپەيدى، ءسىز – ساناڭىزعا قوجاسىز، وسىنى ءبىلىپ الۋ ماڭىزدى. ءسىزدىڭ جوعارعى «مەنىڭىز» - ونىڭ قوجاسى. ءسىز ەسكىشە ويلاۋدى قويا الاسىز. ءسىزدىڭ ەسكى ويلارىڭىز «وزگەرۋ دەگەن – قيىن ءىس» دەپ، ءوز ورنىنا قايتا كەلۋگە ۇمتىلسا، وندا وزىڭىزگە-وزىڭىز مىناداي نۇسقاۋ بەرىڭىز: «مەن، ءقازىر، وزگەرۋى قيىن ەمەس نارسەگە سەنىپ تۇرمىن». ەگەر قالاساڭىز، وزىڭىزگە-وزىڭىز يە بولا العانشا، وسى ىشكى مونولوگتى كوپ رەت قايتالاڭىز. جانە، وسىدان باسقا، نە ايتقىڭىز كەلگەن بولسا، ناق سونى ايتىڭىز.
ويلار سۋ تامشىلارى دەپ قابىلداپ كورىڭىزشى. ءبىر وي – ءبىر تامشى سۋ سەكىلدى، ونشا كوپ ەمەس. ال، ءسىزدىڭ ويلارىڭىز ءبىرىنىڭ ۇستىنە ءبىرى قوسىلىپ، كوبەيە بەرسە، وندا تامشىلار جينالا كەلە الاقانداي ىلعالدى قۇرادى، كەيىن كىشكەنە شالشىققا، بارا-بارا سۋ قويماسىنا اينالادى. ارتىنان كول، وزەن، تەڭىز، اقىر سوڭىندا مۇحيت. دەمەك ءسىز ءبىر تامشى ويىڭىزدى مۇحيتقا اينالدىرعىڭىز كەلە مە؟ ول مۇحيت لاستانىپ، ۋلانعان با، جوق، ءمولدىر، تازا ما؟
ماعان: «مەن سولاي ويلاۋدى قويا المايمىن » دەپ ءجيى شاعىمدانادى. مەن بارلىق ۋاقىتتا: «جوق، ءسىز قويا الاسىز» دەپ جاۋاپ بەرەمىن. ويلاپ قاراڭىزشى، ءسىز جاقسى ويلاردى ويلاۋدان ءجيى باس تارتاسىز با؟ سىزدەن تالاپ ەتىلەتىن بولماشى عانا نارسە: «مەن وسىلاي جاسايمىن» دەپ ءوزىڭىزدىڭ ساناڭىزعا نۇسقاۋ بەرۋ عانا. ءسىز شەشىم قابىلداۋىڭىز كەرەك تە، تەرىس ويلاردى ويلاعاندى قويۋىڭىز كەرەك. بايقاساڭىز، مەن، سىزگە، قانداي دا ءبىر نارسەنى وزگەرتكىڭىز كەلگەندە، ءوز ويلارىڭىزبەن كۇرەسىڭىز دەپ كەڭەس بەرمەيمىن. ەگەر ءسىزدىڭ باسىڭىزعا ءبىر تەرىس وي كەلە قالسا، وندا ءسىز وعان: «كەلىپ قالعانىڭىزعا راحمەت» دەڭىز. سوندا ءسىز ءىستىڭ ناقتى جاعدايىن جوققا شىعارمايسىز جانە وزىڭىزدەگى جاسامپاز كۇشتى تەرىس ويلارمەن بۇزىپ المايسىز. وزىڭىزگە ءتۇرلى تەرىسكە شىعارۋلارعا بەرىلە الاتىنىڭىزدى، ومىرگە تەرىس كوزقاراستان باس تارتا الاتىنىڭىزدى ايتىڭىز. ءسىز تىپتەن باسقاشا ويلاۋ وبرازىن قالىپتاستىرعىڭىز كەلەدى. سونداي ويدىڭ بار ەكەنىن مويىنداڭىز جانە ول ويلاردى قالدىرىپ ىلگەرى جىلجىڭىز. ءوز تەرىس ويلارىڭىزدىڭ تەڭىزىنە سۇڭگي بەرمەڭىز، وندا ءسىز ءومىر مۇحيتىندا دا جۇزە باستايسىز.
ءسىزدىڭ مۇراتىڭىز - اسەمدىك پەن سۇيىسپەنشىلىكتەگى ءومىر باستاۋىنىڭ ايناسى بولۋ. ءومىر سىزگە ءوزىنىڭ قازىناسىن اشۋعا ءازىر تۇر، ءبىراق ول ءۇشىن ءسىز وعان لايىق بولۋعا ءتيىسسىز. عارىشتاعى اقىل مەن سانا قاشان دا ءسىزدىڭ قىزمەتىڭىزدە. ءومىر بارلىق ۋاقىتتا سىزبەن قاتار كەلە جاتىر، ءسىزدىڭ تىرەگىڭىز سوندا. سەنىڭىز، كۇش ءوز ىشىڭىزدە دەگەن ءسوز ءسىز ءۇشىن.
ەگەر ءسىز قورقىپ قالعان بولساڭىز مىنا جاتتىعۋ سىزگە جاردەمدەسەدى. تىنىس الۋ پروسەسىن ويشا ەسىڭىزگە الىپ كورىڭىزشى، ءسىزدىڭ وكپەڭىز اۋاعا قالاي تولادى. ىشكە – سىرتقا، ىشكە – سىرتقا… تىنىس الۋ - ومىردەگى ەڭ قىمباتتى سۋبستانسيا – سىزگە تەگىن بەرىلگەن. ءسىز ءومىر ءسۇرىپ تۇرعان كەزىڭىزدە بۇدان تاپشىلىق كورمەيسىز. ءسىز وسى باعاسى بيىك سىيدى قابىلداي تۇرىپ، نەگە ەكەنىن قايدام، ءومىر سىزگە باسقا جاعدايلاردا قارايلاسپادى دەپ سانايسىز. نەگە، ءسىز، قاجەت نارسەنىڭ بارىندە ءومىر سىزگە قارايلاسپايدى دەپ ويلايسىز؟ ەندى سىزگە ءوز بويىڭىزداعى كۇشتەردى دە تانيتىن كەز كەلدى – ءسىز نەگە قابىلەتتى ەكەنسىز، قانە؟ ىشىڭىزگە ءۇڭىلىپ قاراڭىز، ءسىز ءوزىڭىزدىڭ كىم ەكەنىڭىزدى بىلەسىز.
ءبىزدىڭ ءبارىمىزدىڭ جەكە پىكىرىمىز بار. ءبىزدىڭ وعان قۇقىعىمىز بار، جانە ول مەندە دە بار. الەمدە نە بولىپ جاتقانى ماڭىزدى ەمەس. ءبىر نارسە ايان: ءسىز ءوزىڭىزدى قىزىقتىراتىن نارسەمەن عانا جۇمىس ىستەۋىڭىز كەرەك. سىزگە ءوزىڭىزدىڭ ىشكى جولباستاۋشىڭىزبەن بايلانىستى رەتتەۋ قاجەت. ول ءسىز بەرگىڭىز كەلەتىن بارلىق سۇراقتاردىڭ جاۋابىن بىلەدى. ول – اقىلدىڭ كەنى.
ءاربىر رەت «بىلمەيمىن» دەپ ايتقان سايىن، ءسىزدىڭ ىشكى اقىلىعىڭىزعا الىپ بارار قاقپا جابىلا بەرەدى. ءوزىڭىزدىڭ جوعارعى «مەنىڭىزدەن» العان حابارلاماڭىز وتە ماڭىزدى جانە سىزگە قايىرىمدى اسەر ەتەدى. ەگەر حابارلاما كەرى اسەر بەرسە، وندا ءسىزدىڭ ىشكى «ەگوڭىز» ىسكە قوسىلعانى دەپ ءبىلىڭىز.
دۇرىس تاڭداۋ جاساساڭى ز ءوزىڭىزدى قولداي ءجۇرىڭىز، ەگەر تاڭداۋىڭىزعا كۇدىكتەنسەڭىز، وندا وزىڭىزدەن: «مەن بۇل شەشىمدى وزىمە دەگەن ماحابباتقا ساي قابىلدادىم با؟ ءقازىر وسىنىڭ ماعان قاجەتى بار ما ەدى؟» دەپ سۇراڭىز. كەيىنىرەك، ءبىر كۇن وتكەن سوڭ، ءبىر ايدان كەيىن، ءبىر جىلدان سوڭ – ءسىز باسقاشا شەشىم قابىلداۋىڭىز مۇمكىن، ءبىراق ءسىز وزىڭىزگە وسى ساۋالدى ۇدايى قويا ءجۇرىڭىز.
ءسىز كىمسىز؟ ءسىز نەنى ۇيرەنگىڭىز كەلەدى، ءسىزدى نەگە ۇيرەتۋ كەرەك؟ ءبىزدىڭ اربىرىمىزدە ءوزىمىزدىڭ، ەشتەڭە تەڭ كەلمەيتىن ماقساتىمىز بار. ءبىز، ءوزىمىزدى، ءوزىمىزدىڭ جەكە قابىلەتىمىز، ءوز مۇڭىمىز، ءوز قورقىنىشتارىمىز بەن كەسەلدەرىمىزدەن باسقا ەرەكشەرەك، بيىگىرەك سانايمىز. ءبىز ءوز تانىمىزدەن دە باسىمىراقپىز. ءبىز، پلانەتادا ورىن العان نارسەلەردىڭ بارىمەن، ونىڭ بارلىق كورىنىستەرىمەن بايلانىستامىز. ءبىزدىڭ اربىرىمىزدە رۋحتىق باستاۋ بار. ءبىز – جارىقپىز، قۋاتپىز، تولقىنبىز جانە ماحابباتپىز. بىزدە ماقساتىمىزدى ايقىنداۋعا جانە نە ءۇشىن ءومىر ءسۇرىپ جۇرگەنىمىزدى تانۋعا جەتەرلىك كۇش بار.
ىشكى داۋىسقا سەنىپ
ءبىز تاڭداعان ويلار – ءبىزدىڭ ءومىرىمىز دەپ اتالاتىن پولوتنوعا بوياۋ جاعاتىن شاشاق.
مەن ويدى وزگەرتۋ ارقىلى ءومىردىڭ ءوزىن دە وزگەرتۋگە بولادى دەپ العاش ەستىگەندە، ىشكى سەزىمدەرىمدە توڭكەرىس بولىپ، الاي-تۇلەي كۇيگە تۇسكەنمىن. وسى يدەيا مەنىڭ ىشكى داۋىسپەن بايلانىستىرىلاتىن سەزىم قۇبىلىسى سانالاتىن ىشكى قوڭىراۋىمدى قوزعاپ كەتتى. كوپ جىلدار ىشىندە مەن سول داۋىسقا ەرۋدى ۇيرەندىم. قوڭىراۋ «يا» دەگەن ساتتە، ول شەشىم مەنىڭ كوڭىلىمە قونباسا دا، تىپتەن قياڭقى شەشىم بولسا دا، ماعان كەرەگى وسى ەكەنىن ءبىلدىم.
سونىمەن، وسى يدەيا مەنى باۋراپ الدى. مەنىڭ ىشكى داۋىسىم «يا، ءبارى دۇرىس» دەدى.
باستاپقىدا ءبارى جەڭىل بولدى. مەن باسقاشا ويلاپ، باسقاشا سويلەي باستادىم. سول كۇندەرى مەن ىلعي بىرنارسەگە نارازى بولىپ جۇرەتىنمىن جانە وزىمە-وزىم اياۋشىلىقپەن قاراۋشى ەدىم. مەن سول ارقىلى وزىمە اياۋشىلىقپەن قارايتىنداي جاعدايدى ءوزىم تۋعىزاتىنىمدى بىلمەدىم. ءبىراز ۋاقىت وتكەن سوڭ مەن وزىمە نارازى بولا بەرۋىمنىڭ بۇرىنعىدان گورى ازايا باستاعانىن بايقادىم.
مەن ءوزىمنىڭ ايتقان سوزدەرىمدى ءوزىم تىڭدايتىن بولدىم، ءوزىمدى وزگەرتۋگە تىرىسىپ، ءوز ارەكەتتەرىمە ەسەپ بەرە باستادىم. ول ءۇشىن ساۋ ءتان اففيرماسيالارىن كۇبىرلەپ ايتا ءجۇردىم. ارينە، مەن، اففيرماسيالاردى قايتالاۋدى ەڭ جەڭىلىرەگىنەن باستادىم، سونىڭ وزىندە ازداعان وزگەرىستەر بولا باستاعانىن سەزدىم. ماسەلەن، مەن باعدارشامنىڭ جاسىل شامىنا كوبىرەك كەزىگەتىن بولدىم، اۆتوتۇراقتاردا ماعان ورىن تابىلا قالاتىن بولدى. سويتە-سويتە مەن ءوزىمدى باتىل سەزىنە باستادىم، مەنىڭ مىنەزىمدە وركوكىرەكتىك پايدا بولىپ، وزىمە دەگەن سەنىمىم ارتتى. مەن بارلىق سۇراقتارعا جاۋاپ بەرە الاتىنداي سەنىمگە يە بولا باستادىم. ءقازىر ويلاپ قاراسام، مەن وسىلايشا وزىمدەگى قاۋىپسىزدىك سەزىمدەرىن تاربيەلەگەن ەكەنمىن. ول ماعان وتە كەرەك ەدى.
ءوستىپ جۇرگەندە مەن جاتىر راگىمەن اۋىردىم. بۇل وقيعا مەنى ەسەڭگىرەتىپ تاستادى. ەگەر مەنىڭ جانىم تازا بولعاندا جانە مەندە ىشكى ءبىر دىڭگەك بولعاندا اۋىرماعان بولار ەدىم-اۋ دەپ ويلادىم.
ول كۇندەرى ماعان راك كەسەلى جىلدار بويى جينالعان وكپە-رەنىشتىڭ اسەرى ەكەنى بەلگىلى ەدى. سول وكپە-رەنىش جىلدار بويى جينالىپ، ورگانيزمدى ءمۇجي بەرەتىن ەدى. ەگەر ءبىز ءوز ەموسيامىزدى تەجەي بەرسەك، ول تۇپتىڭ-تۇبىندە دەنەگە اسەرىن تيگىزبەي قويمايدى.
مەن ءوزىمنىڭ بويىمداعى جينالۋى مۇمكىن وكپە-رەنىشتەردى ويشا سارالاي باستادىم. ءوزىم باسىمنان كەشكەن ءتاني، ەموسيالىق جانە سەكسۋالدىق وزبىرلىقتاردى ويىمنان وتكىزدىم. وسى اۋىرتپالىقتارعا شىداي الماي ۇيدەن شىعىپ كەتكەنىم ەسىمە ءتۇستى. ۇيدەن كەتىپ، بارلىق ناشار سەزىمدەردەن ارىلدىم دەپ ويلاپپىن، شىن مانىندە مەن ولاردى ءوز زەردەمنىڭ تۇكپىرىنە كومىپ قانا قويعان ەكەنمىن.
مەن بۇدان بىلاي باعدارشامنىڭ جاسىل جارىعىنا قاناعاتتانا بەرمەي، تەرەڭىرەك ىزدەنە باستادىم. مەنىڭ ومىردە ءوز قالاۋىمشا ىلگەرى جىلجي الماۋىما بالا كەزدەگى ەستەلىكتەرگە بايلانىستى قالدىقتاردان سانانىڭ تازارماعانى سەبەپ بولىپ تۇرعانىن ءتۇسىندىم.
ءسويتتىم دە اففيرماسيالاردى تاڭەرتەڭ تۇرا سالا قايتالايتىن بولدىم، جاتار الدىندا «مەن سەنى جاقسى كورەمىن، لۋيزا» دەگەندى كوپ رەت قايتالايتىن بولدىم. ولاي ايتۋ ماعان وڭاي بولعان جوق، ءار قايتالاعان سايىن مەنىڭ كوزىمە جاس تولىپ، تىنىسىم تارىلدى، سوزدەر تاماعىمدا كەپتەلىپ قالدى. بىرتە-بىرتە مەن بۇل سوزدەردى قالىپتى جاعدايدا ايتا الاتىن بولدىم دا، ءبىرتۇرلى «كۆانتتىق سەكىرۋگە» قول جەتكىزگەندەي بولدىم. ماعان ءوز اشۋىمنان ارىلۋ ءۇشىن كوپ ساعاتتارىمدى جالعىزدان-جالعىز ءجۇرىپ ايعايلاپ، جاستىعىمدى جۇدىرىقپەن سوققىلاۋمەن وتكىزۋگە تۋرا كەلدى. مەن جەڭىلدەي باستادىم.
مەن سونىمەن بىرگە ءوز سانامدى جەتىلدىرۋمەن جانە كەشىرە ءبىلۋدى ۇيرەنۋمەن اينالىستىم. مەن پايدالانعان تاسىلدەردىڭ ءبىرى – اتا-انامنىڭ بالالىق كەزدەرىن زەرتتەۋ بولدى. بايقاسام، ولارعا ءوز اتا-انالارىنىڭ قارىم-قاتىناسى قولايلى بولماعان، وگەي اكەم ىلعي اتا-انالارىنان سوققى جەگەن، انامدى «ەركەكتىكى قاشاندا دۇرىس» دەپ تاربيەلەپتى. انام سوندىقتان دا وگەي اكەنىڭ ىعىنا ەسىپتى. دەمەك، مەنى باسقاشا تاربيەلەي الاتىنداي اكەم مەن شەشەمنىڭ الدىندا ۇلگىسى جوق ەكەن. مەن وسىنى ءتۇسىندىم. سونىمەن بىرگە، ولاردى كەشىرە ءبىلۋدى دە ۇيرەندىم.
اتا-انامدى قانشالىقتى كوبىرەك كەشىرگەن سايىن مەن ءوزىمدى دە كەشىرگىم كەلدى. ءوزىڭدى كەشىرۋ – اسا ماڭىزدى.
مەن ءوزىمدى كەشىرۋدى ۇيرەنە سالا، وزىمە سە نە باستادىم. مەن ادام وزگە ادامدارعا جانە ومىرگە سەنىمى بولماعان كەزدە وزىنە دە سەنبەيتىنىن ءتۇسىندىم. دالىرەك ايتقاندا، مەن ءوزىمنىڭ جوعارعى «مەنىمنىڭ» ءوزىم تۋرالى قامقورلىق جاساۋىنا سەنبەيدى ەكەنمىن. مىسالى، ءبىز «مەن ەندى قايتادان عاشىق بولا المايمىن، ويتكەنى جانىمدى جارالاتقىم كەلمەيدى» دەيمىز. شىن مانىندە، سويتە تۇرىپ ءبىز «مەن وزىمە سەنبەيمىن. مەن ءوزىمنىڭ جاعدايىمنىڭ دۇرىس بولۋىنا وي جىبەرە المايمىن» دەيمىز.
مەن وزىمە سەنە باستادىم، وزىمە ءوزىم عانا جاردەم بەرە الاتىنىمدى ءتۇسىندىم. ماعان وزىمە سۇيىسپەنشىلىكپەن قاراۋ بىرتە-بىرتە جەڭىل بولا باستادى. مەنىڭ ءتانىم دە، جۇرەگىم دە كەسەلىنەن ارىلا باستادى.
وسىلاي مەنىڭ رۋحاني ورلەۋىم باستالدى. مەنىڭ سىرتقى كەلبەتىم دە وزگەردى، مەنى وقۋشىلارىم دا ساعىنا كۇتەتىن بولدى.
ءومىردىڭ قاي ساتىسىندا بولعانىڭىزعا قاراماستان، وعان قانشالىقتى ۇلەس قوسقانىڭىز بەن وندا نە بولىپ جاتقانىنا قاراماستان، ءسىز قاشاندا، سىزگە قازىرگى تۇسىنىك-تانىمىڭىزدىڭ، ءبىلىمىڭىز بەن سەزىنۋىڭىزدىڭ دەڭگەيىنە قاراي ءوز كۇشىڭىز جەتەتىندى عانا جاسايسىز.
داۋىستاپ ايتىلعان ءسوزدىڭ قۇدىرەتى
ومىردەن نە قالايتىنىڭىزدى كۇندەلىكتى اشىق جاريالاپ وتىرىڭىز. ناق سول جاريالاعان قالاۋىڭىزعا يە بولىپ قالعانداي جاريالاڭىز.
ىشكى ديالوگتىڭ ماقامىن وزگەرتۋگە تىرىس. «سولاي بولسا ەكەن»، «كەرەك» (جۇمىسقا بارۋىم كەرەك، وسىنى ورىنداۋىم كەرەك، ت.س.س) دەگەندى مۇلدە ايتپا. ونىڭ ورنىنا «وسىلاي ەتەمىن، ول مەنىڭ تاڭداۋىم» دە. «تاڭداۋ» - قانداي كەرەمەت ءسوز. «ۇمىتپا» دەگەن ءسوزدى ۇمىتىپ، «مارحابات. ەسىڭدە بولسىن» دەگەن ءسوزدى تۇتىن. ءسىز ىشكى داۋىستى، وي-قيالدى رەتتەڭىز. ناشار ويلار مەن ارزان قيالدار كەلگەندە «جوق، مەندە ولاي بولۋى ءتيىس ەمەس» دەۋدى ۇيرەنىڭىز. ءوز ومىرىڭىزگە وزگەرىس ەنگىزە الاتىن جالعاز ادام – ءسىزدىڭ ءوزىڭىز.
سونىمەن: «ءوزىن ءسۇيۋ – ءسىز جاساي الاتىن ىستەردىڭ ەڭ ماڭىزدىسى».
ەسكى باعدارلامالاردى وزگەرتۋ
كىشكەنە بولسا دا، ءبىرىنشى قادامدى جاساۋدى قالاڭىز. نە بىلگىڭىز كەلگەنىنە ءوزىڭىزدى جۇمىلدىرىڭىز. جانە دە كەرەمەتتەردىڭ بولاتىنىنا سەنىڭىز.
وزگەرۋ ءۇشىن «جەك كورەمىن» دەگەن ءسوزدى ايتۋدى توقتاتىڭىز. «مەن ماشينامدى جەك كورەمىن» دەسەڭىز ءسىز جاڭا ماشينا العاندا دا الگى جەك كورۋ سەزىمى ساقتالىپ قالادى.
ءسىزدىڭ ومىرىڭىزدە وتە جەك كورۋگە ماجبۇرلەيتىن نارسەلەر بولۋى مۇمكىن. ودان قۇتىلۋدىڭ جولى: «مەن ساعان ماحابباتىمدى جولدايمىن، ەركىندىك بەرەمىن جانە ازات ەتەمىن» دەۋ.
«مەن - بايمىن»، «مەن – لايىقتىمىن»، «مەن ءوزىمدى سۇيەمىن»، «مەن وزىمە بارلىعىنا قولىم جەتۋگە جانە ءبارىن الۋعا مۇمكىندىك بەرەمىن» دەگەن ءجون.
ەگەر سىزدە قۇتىلا المايتىن ءبىر ادەتتەر بولسا، وزىڭىزدەن ونىڭ سىزگە قالاي قىزمەت ەتىپ جاتقانىن سۇراڭىز. سوندا ءسىزدىڭ ءومىرىڭىز ول ادەتسىز جارقىنىراق بولاتىنىن سەزىنەسىز.
ءبىر پروبلەمالاردىڭ قايتا ورالا بەرەتىنىنە قاراپ، ءوزىڭىز تۋرالى ەشۋاقىتتا «مەن ونشالىقتى جاقسى ەمەسپىن» دەپ ويلاماڭىز. ءۇڭىلىپ قاراساڭىز، ماسەلە جامان ادام بولعاندا ەمەستىگىن تۇسىنەسىز. مەن وزىمە «لۋيزا، سەندە ءبارى جاقسى. قاراشى، سەن قانشالىقتى ىلگەرى كەتتىڭ. ساعان كوبىرەك جەتىلۋ قاجەت. جانە دە – مەن سەنى سۇيەمىن» دەيمىن.
ومىرگە ءوزىنىڭ بايلىقتارىن كورسەتۋگە مۇمكىندىك بەرۋدىڭ ءبىر جولى ء-وزىڭىز سەنەتىن اقيقاتتار جايلى اشىق مالىمدەۋ. سىزگە ومىردەن ءلاززات الۋعا كەدەرگى كەلتىرەتىن يدەيالار مەن ويلاردان باس تارتىڭىز. وزىڭىزگە جانە بۇكىل الەمگە ويلاۋدىڭ تەرىس مودەلدەرى ءسىزدىڭ قاپەرىڭىزدەن شىققانىن جاريا ەتىڭىز. وزىڭىزدەگى قورقىنىشتاردان ارىلىڭىز، جۇرەگىڭىزدەگى تاستى لاقتىرىپ تاستاڭىز. مەن مىنا تومەندەگى ويلارعا سەنەمىن جانە ولار ماعان قىزمەت ەتىپ كەلەدى:
- مەنىڭ ءبىلۋىم ءتيىستىڭ ءبارى مەن ءۇشىن اشىق؛
- ماعان قاجەت نارسەنىڭ ءبارى ءوز ورنىمەن، ۋاقىت-ساتىمەن كەلەدى؛
- ءومىر ماعان شاتتىق پەن ماحاببات اكەلەدى؛
- مەن ماحابباتقا يەمىن، ماحابباتقا لايىقپىن جانە سۇيىكتىمىن؛
- مەنىڭ دەنىم ساۋ جانە باقۋاتپىن؛
- مەن اينالىسقان ىستەرىمنىڭ بارىندە جەتىستىككە جەتۋدەمىن؛
- مەن وزگەرگىم جانە جەتىلگىم كەلەدى؛
- مەنىڭ الەمىمدە بارلىعى تاماشا.
2ء-بولىم. كەدەرگىلەردى جويۋ
ءبىز ءوز ىشىمىزدە نە بولىپ جاتقانىن بىلگىمىز كەلەدى. وسىلايشا ءبىز ىشىمىزدەگىنىڭ كەيبىرىن شىعارىپ جىبەرۋ كەرەكتىگىن بىلەمىز. ءبىز ءبىر جەرىمىز اۋىرعانىن جاسىرماۋدى ۇيرەنەمىز – ونى بوساتىپ قويا بەرەمىز.
ءبىزدى شەكتەپ تۇرعان قابىرعانىڭ تابيعاتىن ءتۇسىنۋ
ءوزىن-وزى جەك كورۋدى ۇدايى سەزىنۋ، ايىپ سەزىمى مەن وزىنە سىني كوزقاراس سترەسستىڭ ءبىرىنشى سەبەبى جانە ول يممۋندىق جۇيەنى السىرەتەدى.
ءبىزدىڭ كوبىمىزدە تولىققاندى ەمەستىك كومپلەكسى بار. ءبىز ءوزىمىزدىڭ ونشا جاقسى ەمەس ەكەنىمىزگە، ءوزىمىزدى ەشۋاقىتتا جوندەي المايتىنىمىزعا سەنەمىز. ءوز كەمشىلىگىمىزدى تاۋىپ العانداي بولعان سوڭ وزگەلەردە دە ءبارى بىردەي دۇرىس بولىپ جاتقان جوق-اۋ دەپ ويلايمىز.
كەي ادامدار وزدەرىنىڭ الدارىنا قيىن ماقساتتار قويادى. ءبىزدىڭ ومىرگە كەلۋىمىزدىڭ نەگىزگى ماقساتى - وزگەلەردىڭ سوزدەرى مەن ىستەرىنە ەرە بەرمەي، ءوزىمىزدى ءسۇيۋدى ۇيرەنۋ. ءبىز اتا-انالارىمىز، دوستارىمىز ت.س.س. وزدەرىمىزدى قورشاپ تۇرعانداردىڭ قويعان شەكاراسىنان قاشان بولسىن اتتاپ وتە الۋىمىز كەرەك. كىشكەنە كەزىڭدە ماقۇلشىل بالا بولۋ ۇدايى سولاي قالۋ ەمەس. ۇلكەندەردىڭ ءسوزىن جاتتاپ وسكەندەر ءوز ومىرلەرىندە سولاردى قايتالايدى. ولاي جالعاسا بەرۋى ءتيىس ەمەس. ءوز باسىڭىزبەن جۇمىس ىستەيتىن ۋاقىت جەتتى.
ايىپ سەزىمى تولىققاندى بولماۋ كومپلەكسىن تۋدىرادى
ءسىز بايقايسىز با، ادامدار سىزگە رەنىش تۋعىزاتىن سوزدەردى ءجيى ايتادى. ونى ولاردىڭ ءسىزدى جەڭىلىرەك باسقارىپ-باعىندىرعىسى كەلەتىندىگىمەن دەپ تۇسىندىرۋگە بولادى.
كوپ اتا-انالار بالالارىن ايىپ سەزىمى بولاتىنداي ەتىپ تاربيەلەۋگە تىرىسادى. ويتكەنى ولاردىڭ وزدەرى سونداي تاربيە كورگەن. كوپ ادامدار ەرەسەك بولعان سوڭ دا تۋىستارى مەن جاقىندارىنىڭ اسەرىندە قالىپ قويادى. وسىنىڭ ءبارى ادامنىڭ ءوزىنىڭ وزىنە دەگەن قۇرمەتىنىڭ ازدىعىنان، ايتپەگەندە ونداي جاعدايعا جىبەرمەس ەدى. سودان بارىپ ولار دا وزگە ادامدارمەن ايلالى ارەكەت جاساۋعا ءازىر تۇرادى.
وسى ورايدا «جوق» دەپ ايتا ءبىلۋدىڭ ماڭىزى زور. ادامداردىڭ قويىپ وتىرعان ايىبىنىڭ ماعىناسىز ەكەنىن بەتكە ايتۋدان جاسقانباۋ كەرەك. ول ءۇشىن اشۋ شاقىرۋدىڭ، رەنجۋدىڭ كەرەگى جوق. تەك قانا ولار ويناپ جاتقان ويىنمەن ويناعىسى كەلمەيتىنىن ايتۋ جەتەرلىك.
ەگەر ءسىز ىستەگەن ءىسىڭىز ءۇشىن وكىنسەڭىز، دەرەۋ توقتاتىڭىز. ۋاقىتى ءوتىپ كەتكەن ءبىر ىسىڭىزگە وكىنە قالساڭىز، ءوزىڭىزدى-وزىڭىز كەشىرىڭىز. ەگەر ودان بىرەۋگە شىعىن كەلگەن بولسا، شىعىندى جابۋعا تىرىسىڭىز جانە ونداي قاتەلىكتى كەلەشەكتە قايتالاماڭىز.
ءدىني ۇيىمدار ادامدارعا ايىپ سەزىمىن ەگۋگە ءازىر تۇرادى. وسىلايشا ادامداردى باعىنىستا ۇستاۋ وڭاي، بەلگىلى ءبىر شەڭبەر نە ءتورتبۇرىش ىشىندە تۇرعان ءجون سانالادى.
ءوز ەموسياسىن باسىپ تاستاۋ ارقىلى جانە ءبارىن ىشىنە ساقتاۋ ارقىلى ادامدا ىشكى الاساپىران پايدا بولادى. ولاردى سىرتقا شىعارىپ تاستاپ تۇرۋ كەرەك. ول ءۇشىن مىنا سوزدەردى قايتالاپ تۇرۋ دا جەتەرلىك بولۋى مۇمكىن:
- ءقازىر مەن وزىمدەگى بارلىق ەسكى تۇسىنىكتەردى بەتىمەن قويا بەرەمىن؛
- ماعان وزگەرىپ تۇرۋ ۇنايدى؛
- مەنىڭ الداعى جولدارىم كەدەرگىلەردەن ازات؛
- مەن وتكەندەرىمنەن ازاتپىن.
سەزىمدەرگە ەركىندىككە شىعۋعا مۇمكىندىك بەرۋ
ەگەر ءبىز قايعىنىڭ ىشىندەگى ىشكى ءوسۋدى ىزدەسەك، ول دا ۇلى يگىلىك بولىپ كەتۋى مۇمكىن.
اشۋ شاقىرۋدىڭ دا كەيدە پايداسى بار. تىسقا شىعار جول تاپپاي ول ىشتە قالسا، كەسەلگە اينالادى نەمەسە ورگانيزمنىڭ جۇمىسىن بۇزادى. اشۋ وزىڭىزگە نارازى بولۋ سەزىمى سەكىلدى سەبەپتەن تۋادى. دەنەمىزدە قالىپ قويعان اشۋدىڭ ناتيجەسى رەنىش، ۋايىم جانە دەپرەسسيا.
ءسىزدى رەنجىتكەن كىسىنىڭ بەتىنە نە سەبەپتى رەنجىگەنىڭىزدى ايتۋدان باستاڭىز. وعان شىنىمەن كۇيىنگەنىڭىزدى ول سەزىنەتىندەي بولسىن. بىلاي دەپ ايتۋ كەرەك:
- مەن ساعان رەنجىدىم، ويتكەنى …
- مەن رەنجىدىم، ويتكەنى سەن …
- مەن سەنى … ما دەپ قورقامىن.
وسىلاي دەپ بولىپ، ول ادامدى كەشىرۋگە تىرىسىڭىز. كەشىرۋ – ىشكى ەركىندىكتى الۋ. ودان ءسىز ءوزىڭىز ۇتاسىز. مۇمكىن ءسىز بىلاي دەرسىز:
قايتەمىز، بۇل جاعداي دا ارتتا قالدى، ەندى ول وتكەن كۇندەردىڭ ەنشىسىنە كەتتى. مەن سەنىڭ ىستەرىڭدى ماقۇلدامايمىن، ءبىراق، سەن دە ءوز تۇسىنىگىڭە قاراي وسىلاي جاساعان بولارسىڭ، ناقتى جاعدايدى تانۋىڭ وسىلاي شىعار. كەل، وسىمەن توقتاتايىق. مەن سەنى بۇل ىستەن ايىردىم جانە بوساتتىم. سەن دە، مەن دە ازاتپىز.
وسىلاي دەپ ايتا الماساڭ، حات رەتىندە جازىپ، ونى ورتەپ جىبەرۋگە بولادى. ەشكىم جوق جەردە جەلگە ايعايلاپ ايتسا دا بولادى. وسىنىڭ ءبارى كەرەكسىز سەزىمدەردەن اجىراۋدىڭ جولى.
مۇمكىن ءسىز ىلعي دا نارازى بولىپ، يا اشۋلانىپ جۇرۋگە ادەتتەنىپ كەتكەن بولارسىز؟ ولاي دا بولۋى مۇمكىن. مەن ونى اشۋلانۋعا ادەتتەنۋ دەپ اتايمىن. ءسال بولسا كەمەرىنەن شىعىپ، اشۋلانا كەتۋگە ءازىر تۇراتىندار، وزدەرىنەن بىلاي دەپ سۇراسا قايتەدى:
- نەگە مەن ىلعي دا رەنجىپ جۇرەمىن؟
- وزىمدە رەنجىتەتىن نارسەلەردى بولدىرماۋ ءۇشىن مەن نە جاساپ جاتىرمىن؟
- رەنجۋ مەندەگى ومىرگە قارسىلىق بىلدىرەتىن جالعىز عانا ءتاسىلىم بە؟
- مەن نەگە وسىنداي جاعدايدا جۇرگىم كەلەدى؟
- مەنىڭ كوڭىلىمدى قالدىرىپ جۇرگەن قايسى سەنىمىم؟
- بىرەۋلەر مەنى قولايسىزداندىرۋدى قالايتىنداي ءبىر نارسەنى مەن ءوزىم تاراتىپ تۇرمايمىن با؟
رەنىش ءتۇرلى كەسەلدەرگە سەبەپ
رەنىش – ۇزاق ۋاقىتتان بەرى باسىپ تاستاپ كەلە جاتقان اشۋدىڭ قورىتىندىسىنان پايدا بولادى. ول ادام دەنەسىنىڭ ءبىر جەرىندە جينالادى. ۋاقىتى كەلگەندە رەنىش ادام ورگانيزمىن جالماي باستايدى. سوندىقتان سەزىمدەردى ءوز ۋاقىتىندا ەركىندىككە بوساتىپ قويا بەرگەن ءجون.
وتباسىنداعى تىيىمداردا، اسىرەسە قىز بالالارعا اشۋلانۋ ادەپسىزدىك دەپ ۇيرەتەدى. سوندىقتان بىزدەر اشۋدى جۇتۋعا ادەتتەنگەنبىز. مولليۋسكانىڭ قۇمنىڭ ءبىر ءتۇيىرىن الىپ ونى پەرلامۋترمەن وراي بەرۋىنىڭ ناتيجەسىندە مارجان پايدا بولادى. ەگەر ءبىز اشۋدى ىشىمىزگە جيناپ، سەزىمدەرىمىزبەن وراي بەرسەك، وندا دەنەنىڭ سول اشۋ توقتاعان جەرىندە ىسىك پايدا بولادى، ول كەيدە قاتەرلى ىسىككە اينالىپ كەتۋى مۇمكىن. سوندىقتان ءبىز ءوز ۋايىمدارىمىزدان بوسانعىمىز كەلسە، وندا العا شىعىپ، ولاردى ارتقا تاستاپ كەتۋىمىز كەرەك.
ءبىز ءوزىمىزدىڭ ساتسىزدىكتەرىمىز بەن ءبىر ءىستى كوڭىلىمىزدەگىدەي ەتىپ ورىنداي الماعانىمىز ءۇشىن ءوزىمىزدى ايىپتاماعانىمىز ءجون. ءبىز ءوزىمىزدى ايىپتى سەزىنبەۋىمىز كەرەك. ەشكىم دە دۇرىس جاساماي جاتقان جوق. كەز-كەلگەن ادام ءوز تۇسىنىگى مەن ناقتى جاعدايدى ساناسىندا قالاي قابىلداعان بولسا، سوعان قاراپ ىس-ارەكەت جاسايدى. ءبىز ءوز ىشىمىزدەگى كۇشكە يەمىز جانە بۇل ومىرگە ءبىر نارسەلەردى ۇيرەنۋگە كەلگەنبىز. كەز-كەلگەن جول دۇرىس، سەبەبى ول – جول.
سەزىمدى باسىپ تاستاۋ جابىعۋعا الىپ كەلەدى
دەپرەسسيا – بۇل ىشىڭە قاراي ەنگەن اشۋ. ول – كورسەتۋگە قۇقىعىڭ جوق سەكىلدى كورىنەتىن اشۋ. ماسەلەن، ءسىز اتا-اناڭىزعا، ەرىڭىزگە نەمەسە ايەلىڭىزگە، باستىعىڭىزعا يا جان دوسىڭىزعا اشۋلانۋ جارامسىز ادەت دەپ سانايسىز. ءبىراق ءسىز ءبارىبىر اشۋلانۋىڭىز مۇمكىن عوي. سول جاعدايدا ءسىز تىعىرىققا تىرەلەسىز. ودان قۇتىلۋ قيىن، ءبىراق ونشا ءۇمىتسىز دە ەمەس.
ەڭ باستىسى – اشۋدى جيناماۋ، اشۋلانعان ادامعا اشىعىن ايتىپ سالۋ. ودان ىڭعايسىزدانۋدىڭ كەرەگى جوق. وسىعان ادەتتەنسەڭىز ءسىز الدىمەن شىنشىلدىققا ۇيرەنەسىز، بىرتە-بىرتە ول مىنەزدەن راحات الاسىز. جانە دە كۇش الاسىز. قۇداي ءسىزدى ول ءۇشىن جەك كورمەيدى. ەسكى اشۋىڭىزدىڭ ءبىر بولىگىنەن بولسا دا ارىلعان كەزىڭىزدە ونىڭ تولىق شىعۋىنا جول تابىلادى.
قورقىنىشتىڭ سەبەبى – سەنىمنىڭ جوعالۋى
قورقىنىش ءبىزدىڭ پلانەتامىزدىڭ تۇرعىندارىنا وتە ءتان نارسە. وعان سوعىستار، زورلىق-زومبىلىق، كەدەيلىك، بارىمتا، ت.س.س. سەبەپ. قورقىنىش – بىزدەردىڭ باسقالارعا سەنىمىمىزدىڭ جەتىسپەۋىنەن. سول سەبەپتى ءبىز ومىرگە سەنىممەن قاراي المايمىز.
س
