بۇگىن «تۇلپار ءمىنىپ، تۋ العان» ۇلتتىق بايقاۋىن قورىتىندىلادىق. "مامىردىڭ ورتاسىندا جاريالانىپ، ەل ىشىندە ەرەكشە قولداۋعا يە بولعان جوباعا الماتىنىڭ 1300-دەن استام وقۋشىسى قاتىستى. اكىمدىك بەكىتىپ بەرگەن ەرەجە مەن مەدياجوسپار بويىنشا، قىركۇيەكتىڭ 10-19-ى ارالىعىندا وتكەن اۋداندىق كەزەڭدە ءار اۋداننان 3 جەڭىمپاز انىقتالىپ، 8 اۋداننان جالپى 24 بالا قالالىق قورىتىندى كەزەڭگە جولداما الدى.
«كىل مىقتىدا كىم مىقتى؟» دەگەندەي، «مىڭنان – تۇلپار» شىققانداردان «جۇزدەن – جۇيرىكتى» انىقتاۋ ءومىرزاق ايتبايەۆ، ءۋاليحان قاليجان، قالي سارسەنباي، تىنىسبەك قوڭىراتبايەۆ، تەمىرحان تەبەگەنوۆ، سەرىكقازى قوراباي سىندى اكادەميكتەر مەن عىلىم دوكتورلارى جانە پروفەسسورلار مەن قابىرعالى قالامگەرلەردەن قۇرالعان قازىلار القاسى ءۇشىن وڭايعا سوقپادى. سوندىقتان دا سايىس ءۇش تۋرعا ۇلاسىپ، قازىلار جەڭىمپازداردى انىقتاۋ ءۇشىن اقىلداسۋ بولمەسىنە بىرنەشە رەت بارۋعا تۋرا كەلدى. ادىلدىكتىڭ الدىنداعى زور جاۋاپكەرشىلىكتى مويىندارىنا الىپ، ورتاق شەشىم قابىلداعان قازىلار القاسىنا ۇيىمداستىرۋشىلار تاراپىنان العىس ايتامىز.
ايتپاقشى، ءۇش كۇننەن بەرى ءبىراز كىسىلەر تەلەفونىمىزعا تىنىم بەرمەدى. ولاردىڭ كوپشىلىگى «بالاما جەڭىس الىپ بەر، جۇلدەنىڭ كولەمدى بولىگى سەنىكى بولادى» دەپ حابارلاسقان اتا-انالار (ولاردىڭ ىشىندە الەۋمەتتىك جەلىدە ءقازىر بەلسەندى بولىپ جاتقاندارى دا بار). ال ءبىز «كىم مىقتى؟ ونى انىقتايتىن قازىلار!» دەگەن ءۋاج ايتىپ، سول سوزىمىزدە تۇردىق.
بۇگىنگى جەڭىمپازدار:
I ورىن: ارۋجان ابساتتار،
II ورىن: ابىلاي بەرداشيەۆ،
III ورىن: بەكزات شارداربەك.
ىنتالاندىرۋ سىيلىعى:
- شىڭعىسحان ارميا،
- مانشۇك ارىستانبەك،
- سانات عيزات ۇلى.
