بىلتىر استاناعا ءتۇرلى وڭىرلەردەن 80 مىڭ ادام قونىس اۋدارعان. 80 مىڭ ادامنىڭ 17 مىڭى بالالار ەكەن. مۇنداي جاعداي الەۋمەتتىك جۇيەگە، سونىمەن قاتار، مەكتەپكە جۇكتەمە ءتۇسىرىپ وتىر. وسى پروبلەمانى شەشۋ جولىندا استانا قالاسىندا جىلدا شامامەن 15 ورتا ءبىلىم ورداسى سالىنۋى ءتيىس، دەپ حابارلايدى Qamshy.kz اقپارات اگەنتتىگى. 

اتالعان قيىندىقتى 2015-2017 جىلدارعا ارنالعان «نۇرلى جول» باعدارلاماسىنىڭ «الەۋمەتتىك ينفراقۇرىلىمدى دامىتۋ» باعىتىن ىسكە اسىرۋ بويىنشا مەملەكەت بيۋدجەتىنەن جانە ۇلتتىق قوردان بولىنگەن قاراجاتتى ماقساتتى يگەرۋگە ارنالعان «نۇر وتان» فراكسياسىنىڭ جانىنداعى جيىندا تالقىلاندى.

ءبىلىم جانە عىلىم ۆيسە-مينيسترى بيبىگۇل اسىلوۆانىڭ مالىمەتىنشە، وقۋشىلاردىڭ ءۇش اۋىسىمدى مەكتەپتەردە وقىپ جاتقانى ول دەموگرافيالىق جانە كوشى-قون ماسەلەسىنە بايلانىستى بولىپ وتىر.

«قازاقستانداعى حالىق سانىنىڭ ءوسىمى جىلدا 230 مىڭ ادامعا كوبەيىپ وتىر. جەكەلەپ ايتار بولساق، ەلوردامىز استانا، وڭتۇستىك استانا الماتى، شىمكەنت پەن الماتى وبلىسى  مەن تۇركىستان وبلىسىندا تابيعي جانە كوشى-قون ماسەلەسىنە بايلانىستى جىلدا تۇرعىنداردىڭ  سانى 40-50 مىڭ. سوندىقتان، قوعامدىق ينفراقۇرىلىم وسى ءىس-شارالارعا ۇلگەرمەي جاتىر. سەبەبى، قازاقستاندا جىلدا ەل بيۋدجەتىنىڭ ەسەبىنەن 10 مەكتەپ سالىنۋى ءتيىس. ال استانادا 15 مەكتەپ سالىنۋ كەرەك»، - دەيدى ءبىلىم جانە عىلىم ۆيسە-مينيسترى بيبىگۇل اسىلوۆا.

بۇل رەتتە بيبىگۇل اسىلوۆا ينۆەستورلاردى مەكتەپ قۇرىلىسىنا ىنتالاندىرۋ قاجەت ەكەنىن ايتادى.

قازاقستان رەسپۋبليكاسىنىڭ ءۇش جىلدىق بيۋدجەتى مەكتەپتەردىڭ قۇرىلىسى مەن ستۋدەنتتىك جاتاقحانا قۇرىلىسىنا بولىنەدى.

«قازىرگى تاڭدا قازاقستاننىڭ بارلىق وڭىرلەرىندە مەكتەپ سالۋعا نيەتتى كاسىپكەرلەر بار. وسى ماقساتتا جۇمىس ىستەپ جاتىر»، دەدى بيبىگۇل اسىلوۆا.