بۇرىنعى وتكەن زاماندا،
ءدىن مۇسىلمان اماندا،
... جيدەلى بايسىن جەرىندە،
قوڭىرات دەگەن ەلىندە
ءبايبورى دەگەن باي بوپتى، - دەپ باستالاتىن الپامىس باتىر جىرىنىڭ ءۇزىندىسىن جاتقا وقۋ الەۋمەتتىك جەلىدە كەڭىنەن تاراپ، تالقىلانىپ جاتىر. كوپشىلىگىمىز مەكتەپ كەزدە وقىعان بۇل جىردى جاستار اراسىندا كەڭىنەن ناسيحاتتاۋ ماقساتىندا تانىمال جۇلدىزدار مەن زيالى قاۋىم وكىلدەرى ەستافەتا جاريالادى.
بۇل ەستافەتا الماتى قالاسى ءبىلىم باسقارماسىنىڭ جالپى جۇلدە قورى 12 ملن تەڭگەنى قۇرايتىن "تۇلپار ءمىنىپ، تۋ العان" ادەبي-تانىمدىق بايقاۋىن جاريالاعاننان كەيىن باستاۋ العان بولاتىن. الايدا اتالمىش رەسپۋبليكالىق بايقاۋ ءوز مارەسىنە جەتتى.
♦«تۇلپار ءمىنىپ، تۋ العان» ۇلتتىق بايقاۋىنىڭ قورىتىندىسى شىقتى
ءبىر اي بۇرىن اقىن قالقامان ءساريننىڭ ەستافەتاسىن جالعاپ، بەرىك ءۋالي ءبىر ءۇزىندى وقىپ بەرىپ، كەلەسى كەزەكتى ەرلان قارينگە ۇسىنعان بولاتىن. ءبىر اي بويى ۇندەمەگەن ۇلتتىق ارنا باسشىسى ەستافەتانى كەش بولسا دا جالعاپ، فەيسبۋك وقىرماندارىن، جالپى جۇرتشىلىقتى ءبىر قۋانتىپ تاستادى. قامشى سايتى اتالمىش ەستافەتانى قولداۋ ماقساتىندا «بورىكتىنىڭ نامىسى ءبىر نەمەسە ەرلان قارينگە قانداي ەستافەتا جولداندى؟» دەگەن ماتەريال جاريالاعان بولاتىنبىز.
♦بورىكتىنىڭ نامىسى ءبىر نەمەسە ەرلان قارينگە قانداي ەستافەتا جولداندى؟
ەرلان مىرزانىڭ ۋاقىت تاۋىپ، بەلسەندىلىك تانىتقانى بورىكتىنىڭ نامىسى ءبىر ەكەندىگىن دالەلدەي تۇسكەندەي. دەگەنمەن ساكەن مايعازييەۆ بەكجان تۇرىستىڭ ەستافەتاسىن ەكى اي وتسە دە جالعامادى.
