​«شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى» كەاق شەتەلدىك ۇزدىك انيماسيالىق فيلمگە قازاق تىلىندە كاسىبي دۋبلياج جاسايتىن كومپانيالارعا  بايقاۋ جاريالايدى، دەپ حابارلايدى Qamshy.kz اقپارات اگەنتتىگى. 

«شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى» كەاق شەتەلدىك ۇزدىك انيماسيالىق فيلمگە قازاق تىلىندە كاسىبي دۋبلياج جاسايتىن كومپانيالارعا بايقاۋ جاريالايدى.

بايقاۋدىڭ ماقساتى - «قازاق ءتىلى ءالىپبيىن كيريلليسادان لاتىن گرافيكاسىنا كوشىرۋ تۋرالى» قازاقستان رەسپۋبليكاسى پرەزيدەنتىنىڭ 2017 جىلعى 26 قازانداعى № 569 جارلىعىن جۇزەگە اسىرۋ، قازاق ءتىلى ءالىپبيىن لاتىن گرافيكاسىنا 2025 جىلعا دەيىن كەزەڭ-كەزەڭمەن كوشىرۋ جونىندەگى ءىس-شارالار جوسپارىن بەكىتۋ تۋرالى ق ر پرەمەر-مينيسترىنىڭ وكىمىن ورىنداۋ.

شەتەلدىك ۇزدىك انيماسيالىق ءفيلمدى قازاق تىلىندە دۋبلياجداۋ جانە لاتىن گرافيكاسى نەگىزىندەگى قازاق ءتىلى الىپبيىندە سۋبتيتر بەرۋ؛

دۋبلياجدالعان انيماسيانى ب ا ق جانە الەۋمەتتىك جەلىلەردە كەڭىنەن ناسيحاتتاۋ، ورنالاستىرۋ؛

مەملەكەتتىك ءتىلدى كەڭىنەن ناسيحاتتاۋ، لاتىن گرافيكاسىنداعى قازاق ءالىپبيىن سۋبتيترمەن بەرۋ ارقىلى بالالارعا لاتىن ءالىپبيىن ۇيرەتۋ.

بايقاۋعا قويىلاتىن تالاپتار:

انيماسيا ارنايى جابدىقتالعان ستۋديادا دىبىستالۋى كەرەك. ستۋديانىڭ شەتەلدىك انيماسيالىق فيلمدەردى دىبىستاۋدا تاجىريبەسى كەمىندە 3 جىل بولۋى شارت. شەتەلدىك انيماسيالىق فيلم قازاق تىلىندە دىبىستالادى (دۋبلياج).

انيماسيالىق فيلمدە جاڭا بەكىتىلگەن لاتىن گرافيكاسىنا نەگىزدەلگەن قازاق ءتىلى الىپبيىمەن جازىلعان سۋبتيتر بەرىلەدى. سۋبتيتر بەرىلەتىن ءتۇس (انىق بولۋى شارت) انيماسيالىق ءفيلمنىڭ كورىنىسىمەن ۇيلەسۋى قاجەت.

رەسپۋبليكالىق تەلەارنادا كورسەتىلەدى.

باق-تا جانە الەۋمەتتىك جەلىلەردە ناسيحاتتاۋ جۇمىسى قارقىندى جۇرگىزىلەدى.

دۋبلياجدى جۇزەگە اسىرۋ مەرزىمى 2018 جىلدىڭ 10 جەلتوقسانىنا دەيىن.

دۋبلياج جاسالاتىن ءفيلمنىڭ اتاۋى، سينوپسيس (پرەزەنتاسيا تۇرىندە) جانە باعالىق ۇسىنىستى، مۇمكىن بولسا، قىزمەت كورسەتۋ كەستەسىن كورسەتىلگەن مەكەنجايعا تىكەلەي نەمەسە پوشتا ارقىلى جولدانادى.

كومپانيانىڭ شەتەلدىك ۇزدىك انيماسيالىق ءفيلمدى دۋبلياج جاساۋعا جانە تەلەارنالاردا ورنالاستىرۋعا ليسەنزياسى بولۋى شارت.

ۇسىنىستار تومەندەگى مەكەنجاي بويىنشا قابىلدانادى.

استانا قالاسى سىعاناق كوشەسى، 25، «اڭسار» بيزنەس ورتالىعى، 2-قابات «شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى» كەاق.

بايقاۋعا قاتىسۋعا وتىنىمدەردى قابىلداۋدىڭ سوڭعى مەرزىمى: 
2018 جىلدىڭ 31 قازانىندا ساعات 18:00-گە دەيىن (استانا ۋاقىتى بويىنشا).

بايقاۋعا قاتىسۋعا ءوتىنىم بايقاۋدى ۇيىمداستىرۋشىعا مورلەنگەن كونۆەرتتە كەلەسى كورسەتىلگەن اقپاراتپەن بەرىلەدى:

-بايقاۋعا قاتىسۋشىنىڭ اتاۋى مەن بايلانىس اقپاراتى؛

-بايقاۋدى ۇيىمداستىرۋشىنىڭ اتاۋى مەن بايلانىس اقپاراتى؛

-بايقاۋدىڭ اتاۋى.

ەسكەرتۋ!

قۇجاتتارى تولىق ەمەس، كورسەتىلگەن مەرزىمنەن كەش ۇسىنىلعان جوبالار قابىلدانبايدى. ماتەريالداردى ىرىكتەۋ جانە ساراپتامالىق كەڭەسكە ۇسىنۋ «شايسۇلتان شاياحمەتوۆ اتىنداعى «ءتىل-قازىنا» ۇلتتىق عىلىمي-پراكتيكالىق ورتالىعى» كەاق قۇزىرەتىندە.

سۇراقتار بويىنشا 8(7172) 27-71-33 نومىرىنە (tilalemi.kz@gmail.com) حابارلاسىڭىز.