قازاقستاننىڭ حالىق ءارتيسى، مەملەكەتتىك سىيلىقتىڭ لاۋرەاتى، كينو جانە تەاتر ساحناسىنىڭ الىبى – ءامينا ءومىرزاقوۆانىڭ تۋعانىنا 100 جىل تولۋىنا وراي، 2019 جىل: اكتريسانىڭ مەرەيتويىن يۋنەسكو كولەمىندە تويلاۋ جوباسىنا ەندى دەپ حابارلايدى Qamshy.kz اقپارات اگەنتتىگى ق ر مادەنيەت جانە سپورت مينيسترلىگىنىڭ باسپا ءسوز قىزمەتىنە سىلتەمە جاساي وتىرىپ.

ق ر مادەنيەت جانە سپورت مينيسترلىگىنىڭ قولداۋىمەن ەل تاريحىندا تۇڭعىش رەت تەاتر جانە كينو سالاسى ءارتيسىنىڭ اتىنا ارناپ، يۋنەسكو كولەمىندە تويلاۋ، ەسكە الۋ شارالارى وتەدى.

ساحنا سايىپقىرانى،  ەكران الىبى  ءامينا  ەرقوجا قىزى  1949 جىلدان  ءومىرىنىڭ  سوڭىنا (26.09.2006 ج.) دەيىن، جارتى  عاسىردان  استام  ع.مۇسىرەپوۆ  اتىنداعى  قازاق  مەملەكەتتىك  اكادەميالىق  بالالار  مەن  جاسوسپىرىمدەر  تەاترىندا قىزمەت ەتتى. كوپتەگەن كينوفيلمدەر مەن تەاتر قويىلىمدارىنداعى  تالعامپاز  بەينەلەرى  ارقىلى،  حالىق  قالاۋلىسىنا،  ەل  ارداعىنا  اينالعان،  ۇلتتىق  ونەرىمىزدە  ەسىمى  ەل  ەسىندە  جاتتالعان – ءامينا  ءومىرزاقوۆانىڭ تۋعانىنا 2019 جىلدىڭ 8 ناۋرىزىندا 100 جىل  تولادى.

اكتريسا ءومىرزاقوۆا ءامينا ەرقوجا قىزىنىڭ 100 جىلدىعىنىڭ يۋنەسكو كولەمىندە تويلانۋى جونىندەگى يگى  باستاما –  ۇلتتىق  ونەرىمىزدىڭ  جارىق  جۇلدىزى قۇرمەتىنە  جاسالعان  ماڭگىلىك  ەسكەرتكىش  دەپ بىلەمىز.